ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ସାଉଥଷ୍ଟାର ନାଗା ଚୈତନ୍ୟ ଓ ଶୋଭିତା ଧୁଲିପାଲା
ଆଉ କିଛିଦିନର ବ୍ୟବଧାନ ପରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ସାଉଥଷ୍ଟାର ନାଗା ଚୈତନ୍ୟ । ଖୁବଶିଘ୍ର ପ୍ରେମିକା ଶୋଭିତା ଧୁଲିପାଲାଙ୍କୁ ସେ ବିବାହ କରିବାକୁ ଯାଉଛନ୍ତି । ତେବେ ନାଗାଙ୍କ ବିବାହ ଖବର ସୋସିଆଲ ମିଡିଆରେ ଲିକ ହୋଇଯାଇଛି । ଯାହା ଫଳରେ ଏହି ଭାବି ନବ ଦମ୍ପତିଙ୍କ ବିବାହ ବିଷୟରେ ସବୁ ଖବର ସାମନାକୁ ଆସିଯାଇଛି । ତେବ କାର୍ଡ ସାହାଯ୍ୟରେ ହିଁ ଚୈତନ୍ୟ ଏବଂ ଶୋଭିତାଙ୍କର ବିବାହ ଦିନ ମଧ୍ୟ ଜଣା ପଡିଛି ।
ସୋସିଆଲ ମିଡିଆ ପ୍ଲାଟଫର୍ମରେ ଏକ୍ସରେ ନାଗା ଚୈତନ୍ୟ ଏବଂ ଶୋଭିତା ଧୁଲିପାଲାଙ୍କ ବିବାହ କାର୍ଡ ଭାଇରାଲ ହେବାରେ ଲାଗିଛି । ଏହି କାର୍ଡରେ ଶୋଭିତା ଏବଂ ନାଗାଙ୍କର ନାମ ସହିତ ଉଭୟ ପରିବାରର ବାପା ମାଙ୍କ ନାମ ଉଲ୍ଲେଖ ରହିଛି । କାର୍ଡରେ ଲେଖା ହୋଇଛି କି ମୁଁ ସୋଭିତା ଧୁଲିପାଲାଙ୍କ ସହ ନାଗା ଚୈତନ୍ୟଙ୍କ ବିବାହ ଉତ୍ସବ ଘୋଷଣା କରିବା ସମୟରେ ଆମେ ଖୁସି ହେଉଛୁ । ଏହି ଶୁଭ ସମୟରେ ଆପଣମାନଙ୍କର ଆର୍ଶିବାଦର କାମନା କରୁଛୁ ।
ନାଗା ଚୈତନ୍ୟ ଏବଂ ଶୋଭିତା ଧୁଲିପାଲାଙ୍କ ବିବାହ କାର୍ଡ ପାରମ୍ପାରିକ ଦକ୍ଷିଣ ଭାରତ ଶୈଳୀ ଉପକରଣରେ ସଜା ଯାଇଛି । ମନ୍ଦିରରେ ଘଣ୍ଟି ଯେଉଁଭଳି ଟଙ୍ଗା ହୋଇଥାଏ ଯାହାକି କୌଣସି ଶୁଭ ଏବଂ ଆଶିର୍ବାଦ ର ପ୍ରତୀକ ଅଟେ । ଏହାକୁ ପୀତଳର ଲେପ ଲଗାଯାଇ ଝୁଲାଇ ଯାଇଥିବାର ଚିତ୍ର ରହିଛି । ଏହାସହ ମନ୍ଦିର ,ଗାଇ ସହ ଫୁଲ ପତ୍ର ଦୀପ ବିବାହ କାର୍ଡରେ ସ୍ଥାନ ଦିଆଯାଇଛି । ଯାହାକି ଅତି ସୁନ୍ଦର ଏବଂ ଆକର୍ଷଣାୟ ଦେଖାଯାଉଛି । କାର୍ଡରେ ନାଗା ଚୈତନ୍ୟ ଏବଂ ଶୋଭିତାଙ୍କ ବାହାଘରର ତାରିଖ ମଧ୍ୟ ଲେଖାଯାଇଛି । ଏହି ଦମ୍ପତି ଡିସେମ୍ବର ୪ ତାରିଖ ୨୦୨୪ ରେ ବିବାହ କରିବା ନେଇ ସୂଚନା ଦିଆଯାଇଛି ।
ଆମେ ଆପଣଙ୍କୁ କହିରଖୁଛୁ କି ନାଗା ଚୈତନ୍ୟ ପୁଣିଥରେ ବିବାହ କରିବାକୁ ଯାଉଛନ୍ତି । ଏହା ତାଙ୍କର ଦିତୀୟ ବିବାହ । ଏହା ପୁର୍ବରୁ ସେ ୨୦୧୭ରେ ଅଭିନେତ୍ରୀ ସାମନ୍ତା ରୁଥ ପ୍ରଭୁଙ୍କୁ ବିବାହ କରିଥିଲେ । ତେବେ ବିବାହର ୪ ବର୍ଷ ଭିତରେ ସେମାନଙ୍କ ସମ୍ପର୍କରେ ଫାଟ ସୃଷ୍ଟି ହୋଇଥିଲା । ଯାହା ଫଳରେ ସେମାନଙ୍କର ବିବାହ ବିଛେଦ ହୋଇଥିଲା । ସାମନ୍ତଙ୍କ ସହ ବିଛେଦ ପରେ ନାଗା ଚୈତନ୍ୟ ଙ୍କ ନାମ ଶୋଭିତା ଧୁଲିପାଲାଙ୍କ ସହ ଯୋଡା ହେଉଛି । ତେବେ ଦୁହିଁ ବହୁତଥର ସାଙ୍ଗରେ ଦେଖିବାକୁ ମିଳିଥିଲା । ଏହି ବର୍ଷ ଅଗଷ୍ଟ ୮ରେ ନାଗା ଚୈତନ୍ୟ ଏବଂ ଧୁଲିପାଲାଙ୍କ ନିର୍ବନ୍ଧ ହୋଇଥିଲା। ନିର୍ବନ୍ଧ ପରେ ଏହି ଭାବି ଦମ୍ପତି ସେମାନଙ୍କ ସମ୍ପର୍କକୁ ମଜବୁତ କରିବା ସହ ସମସ୍ତଙ୍କ ଆଗରେ ପ୍ରକାଶ କରିଥିଲେ ।