ଅଙ୍ଗ ଦାନ କରିବେ ବିଜୟ ଦେବର କୋଣ୍ଡା ଓ ତାଙ୍କ ମାଆ, ପ୍ରଶଂସକ କହିଲେ ଆପଣ ମହାନ୍
ବିଜୟ ଦେବରକୋଣ୍ଡା ତାଙ୍କ ଅଙ୍ଗ ଦାନ କରିବାକୁ ପ୍ରତିଶୃତି ଦେଇଛନ୍ତି। ମୁଁ ଏବଂ ମୋର ମା ପଞ୍ଜୀକୃତ ହୋଇଛୁ ବୋଲି ସେ କହିଛନ୍ତି। ବିଜୟ ଦେବରକୋଣ୍ଡା କହିଛନ୍ତି ଯେ ସେ ଏବଂ ତାଙ୍କ ମା’ ଏକାଠି ମିଶି ଅଙ୍ଗ ଦାନ କରିବେ। ତାଙ୍କ ନିଷ୍ପତ୍ତିକୁ ସୋସିଆଲ ମିଡିଆରେ ଅନେକେ ପ୍ରଶଂସା କରିଛନ୍ତି। ଅଭିନେତା ବିଜୟ ଦେବରକୋଣ୍ଡା ଅନ୍ୟ ସେଲିବ୍ରିଟିମାନଙ୍କ ଠାରୁ ଭିନ୍ନ।ସେ ଅନେକ ଲୋକଙ୍କୁ ସାହାଯ୍ୟ କରିଛନ୍ତି। ଏମିତିକି ତାଙ୍କୁ ମିଳିଥିବା ପୁରସ୍କାର ମଧ୍ୟ ସେ ନିଅନ୍ତି ନାହିଁ। ତାକୁ ଅନାଥ ଆଶ୍ରମକୁ ଦାନ କରି ଦିଅନ୍ତି।
ନିକଟରେ ସେ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ପ୍ରକାଶ କରିଥିଲେ ଯେ ସେ ଓ ତାଙ୍କ ମାତା ମାଧବୀ ଦେଭେରକୋଣ୍ଡା ଏକ ମହତ୍ କାର୍ଯ୍ୟ ପାଇଁ ନିଜକୁ ପଞ୍ଜୀକୃତ କରିଛନ୍ତି। ସେହି ଦିନଠାରୁ ତାଙ୍କର ଏକ ଭିଡିଓ ଇଣ୍ଟରନେଟରେ ଘୂରି ବୁଲୁଛି ଏବଂ ଅନେକଙ୍କ ହୃଦୟ ଜିତୁଛି। ବିଜୟ ଦେବରକୋଣ୍ଡା କହିଛନ୍ତି, “ଡାକ୍ତରମାନେ ମୋତେ କୁହନ୍ତି ଯେ ଅନେକ ଅସ୍ତ୍ରୋପଚାର ଘଟୁଛି। ଯାହା ପାଇଁ ଅନେକ ଜିନିଷ ଦରକାର୍ ହେଉଛି।
ତେଣୁ ମୁଁ ଯଦି କିଛି ସାହାଯ୍ୟ କରିପାରିବି ମୋତେ ଖୁସି ଲାଗିବ। ଦକ୍ଷିଣ ଏସୀୟ ଦେଶମାନଙ୍କରେ ଅଙ୍ଗ ଦାନ ତୁଳନାତ୍ମକ ଭାବେ କମ୍ ବୋଲି ଡାକ୍ତରମାନେ ଆଲୋଚନା କରୁଥିଲେ। ” “ମୁଁ ଭାବୁଛି, ମୁଁ ମୋର ସମସ୍ତ ଅଙ୍ଗ ଦାନ କରିବି। ମୋ ଜୀବନ ପରେ ଏହା କାହାର ଅଂଶ ହେବା ଏବଂ ସେମାନଙ୍କ ଜୀବନରେ ସେମାନଙ୍କୁ ସାହାଯ୍ୟ କରିବାକୁ ମୁଁ ଭଲ ପାଏ। ମୋ ମା ଏବଂ ମୁଁ ଆମର ଅଙ୍ଗ ଦାନ କରିବା ପାଇଁ ନିଜକୁ ପଞ୍ଜୀକୃତ କରିଛୁ। ମୁଁ ସମସ୍ତଙ୍କୁ ଅଙ୍ଗ ଦାନର ଧାରଣା ପାଇଁ କହିବାକୁ ଚାହେଁ। ତେବେ ତାଙ୍କ ନିଷ୍ପତ୍ତିକୁ ସୋସିଆଲ ମିଡିଆରେ ଅନେକେ ସ୍ୱାଗତ କରିଛନ୍ତି ତାଙ୍କ ପ୍ରଶଂସକ।
