କିଙ୍ଗଖାନ ତନୟା ସୁହାନାଙ୍କ ମିରର ସେଲ୍ଫି ହେଉଛି ଭାଇରାଲ
ବଲିଉଡର କିଙ୍ଗଖାନ ଶାହାରୁଖଙ୍କ ଝିଅ ସୁହାନା ବଲିଉଡ ଇଣ୍ଡଷ୍ଟ୍ରୀରୁ ଦୂରରେ ରହି ଏବେ ପାଠପଢାରେ ବ୍ୟସ୍ତ ଅଛନ୍ତି। କିନ୍ତୁ ନିଜର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଅପ୍ଲୋଡ କରି ସବୁବେଳେ ଚର୍ଚ୍ଚାରେ ଥାଆନ୍ତି। ନିକଟରେ ସୁହାନାଙ୍କ ଏକ ଫଟୋ ଇଣ୍ଟରନେଟରେ ଭାଇରାଲ ହେଉଛି। ଯେଉଁଥିରେ ସୁହାନା ଏବଂ ତାଙ୍କର ଜଣେ ବନ୍ଧୁ ମିରର୍ରେ ସେଲ୍ଫି ନେଉଥିବା ନଜର ଆସିଛନ୍ତି। ସୁହାନାଙ୍କ ଏହି ଫଟୋ ଚାହୁଁ ଚାହୁଁ ଭାଇରାଲ ହୋଇଯାଇଥିଲା। ଯାହାକୁ ନେଇ ପ୍ରଶଂସକମାନେ କମେଣ୍ଟ ମଧ୍ୟ କରୁଛନ୍ତି। ସୁହାନା ଏହି ଫଟୋକୁ ଇନଷ୍ଟାଗ୍ରାମରେ ସେୟାର କରିଛନ୍ତି।
ଗତ କିଛିଦିନ ତଳେ ସୁହାନାଙ୍କର ଏକ ଭିଡିଓ ଭାଇରାଲ ହୋଇଥିଲା, ଏହି ଭିଡିଓରେ ଶାହାରୁଖଙ୍କ ଲାଡଲୀ ଜଣାଶୁଣା ର୍ୟାପର ଏମିନେମଙ୍କ ସୁପରହିଟ୍ ଗୀତ ‘ବିୟୁଟିଫୁଲ’ର ଗୀତରେ ଡ୍ୟାନ୍ସ କରୁଥିବା ନଜର ଆସିଥିଲେ। ସୂଚନାଯୋଗ୍ୟ, ସୁହାନା ଏବେ ନ୍ୟୁୟର୍କରେ ପାଠ ପଢୁଛନ୍ତି। ସୁହାନାଙ୍କ ମଧ୍ୟ ଅନ୍ୟ ବଲିଉଡ ଷ୍ଟାରକିଡଙ୍କ ଭଳି ବଲିଉଡରେ ଏଣ୍ଟ୍ରି କରିବାକୁ ଚାହୁଁଛନ୍ତି କିନ୍ତୁ ଶାହାରୁଖ ନିଜ ଝିଅକୁ ପ୍ରଥମେ ପଢା ସାରିବାକୁ କହିଛନ୍ତି। ତା’ ପରେ ହୁଏତ ସେ ଫିଲ୍ମ ଇଣ୍ଡଷ୍ଟ୍ରୀରେ ପାଦ ଦେଇପାରନ୍ତି।