୨୨ ବର୍ଷ ତଳ ଘଟଣାରେ ଫସିଗଲେ ସନି ଦେୱଲ ଏବଂ କରିସ୍ମା କପୁର, ଲାଗିଲା ଲୋକଙ୍କ ଜୀବନ ବିପଦରେ ପକାଇବାର ଆରୋପ
୨୨ ବର୍ଷ ତଳର ଏକ ଘଟଣାକୁ ନେଇ ଅଭିନେତା ସନି ଦେୱଲ ଏବଂ ଅଭିନେତ୍ରୀ କରିସ୍ମା କପୁରଙ୍କର ଚିନ୍ତା ବଢି ବଢି ଯାଉଛି । ଏହି ସମ୍ପୂର୍ଣ ଘଟଣା ‘ବଜରଙ୍ଗ’ ଫିଲ୍ମ ସମୟର ଅଟେ । କୋର୍ଟ ଦୁଇଜଣଙ୍କ ବିରୋଧରେ ଆରୋପ ଲଗାଇଛନ୍ତି । କୋର୍ଟର କହିବା ଅନୁଯାୟୀ ସୁଟିଂ ସମୟରେ ଡାଇରେକ୍ଟର ଏବଂ ଆକ୍ଟର୍ସ ମାନେ ଲୋକଙ୍କ ଜୀବନକୁ ବିପଦରେ ପକାଇଥିଲେ । ଏହାସହିତ ବିନା ଅନୁମତିରେ ରେଲୱେର ପ୍ରପର୍ଟିକୁ ବ୍ୟବହାର କରିଥିଲେ ।
୧୯୯୭ ମସିହାର ଚଳଚ୍ଚିତ୍ର ବଜରଙ୍ଗର ଶୁଟିଂ ସମୟରେ ସନି ଦେୱଲ ଏବଂ କରିସ୍ମା କପୁରଙ୍କୁ କିଛି ସିନ ଟ୍ରେନ ଉପରେ ଚଢି ସୁଟ କରିବାର ଥିଲା । ଏହି ସିନକୁ ସୁଟ କରିବା ପାଇଁ ପୁରା କାଷ୍ଟ ଏବଂ ଡ଼ାଇରେକ୍ଟର ଆଜମେରର ପହଂଚିଥିଲେ । ତାପରେ ସେଠାକାର ଷ୍ଟେସନ ମାଷ୍ଟର ସୀତାରାମ ମାଲାକାର ଏହି ଘଟଣାକୁ ନେଇ ଏକ ମାମଲା ରୁଜୁ କରିଥିଲେ ।
ତାଙ୍କ ରିପୋର୍ଟ ଅନୁଯାୟୀ ସମ୍ପୂର୍ଣ କ୍ରୁ ମେମ୍ବର୍ସ ଷ୍ଟେସନରେ ପହଂଚି ଟ୍ରେନର ଅପେକ୍ଷା କରିଥିଲେ । କିଛି ସମୟ ପରେ ଏକ ଟ୍ରେନ ଆସିଥିଲା ଏବଂ ଯେପରି ଟ୍ରେନ ଷ୍ଟେସନ ଛାଡିବା ଆରମ୍ଭ କଲା କ୍ରୁ ର ଲୋକମାନେ ଟ୍ରେନର ଚେନ ଟାଣି ତାକୁ ଅଟକାଇ ଦେଇଥଲେ । ଏବଂ ଟ୍ରେନ ଅଟକିବା ମାତ୍ରେ ସମସ୍ତ ଟିମ ଏବଂ ଆକ୍ଟର-ଆକ୍ଟ୍ରେସ ଟ୍ରେନ ଉପରେ ଚଢି ଯାଇଥିଲେ ଓ ପ୍ରାୟ ୨୫ ମିନିଟ ପର୍ଯ୍ୟନ୍ତ ସିନର ଶୁଟିଂ ଚାଲିଥିଲା ।
ଏହି ମାମଲାରେ କୋର୍ଟ କହିଛି ଯେ ପ୍ରଥମତଃ ଟ୍ରେନକୁ ୨୫ ମିନିଟ ପର୍ଯ୍ୟନ୍ତ ରୋକା ଯାଇଥିଲା । ତାସହିତ ଷ୍ଟଣ୍ଟ କରି ଏମାନେ ଟ୍ରେନରେ ବସିଥିବା ଲୋକମାନଙ୍କ ଜୀବନକୁ ମଧ୍ୟ ବିପଦରେ ପକାଇଥିଲେ । ଏହି କାରଣରୁ ସରକାରଙ୍କ ପ୍ରପର୍ଟିକୁ ମଧ୍ୟ କ୍ଷତି ପହଂଚିଥିଲା ।
