ସୂର୍ଯ୍ୟା, ବବି ଦେଓଲ ଓ ଦିଶା ପଟାନିଙ୍କ ଅଭିନୀତ ଫିଲ୍ମ ‘କଙ୍ଗୁଭା’ ଆଜି ନଭେମ୍ବର ୧୪ରେ ବକ୍ସ ଅଫିସରେ ରିଲିଜ୍ ହୋଇଛି । ଫିଲ୍ମର ଫାର୍ଷ୍ଟ ଡେ ଫାର୍ଷ୍ଟ ଶୋ’ ପାଇଁ ଫ୍ୟାନମାନଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି । ବର୍ଷର ବହୁ ପ୍ରତୀକ୍ଷିତ ଫିଲ୍ମ କଙ୍ଗୁଭା ଗୁରୁବାର ଉଭୟ ୨ଡି ଏବଂ ୩ଡିରେ ରିଲିଜ୍ ହୋଇଛି ।
ଏହି ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ ଆରମ୍ଭ କରିଛି । ଏହାର ଅଗ୍ରୀମ ବୁଲିଂ ମଧ୍ୟ ଶାନଦାର ରହିଥିଲା । କଙ୍ଗୁଭା ତାମିଲନାଡ଼ୁରେ ୬.୨୦ କୋଟି ଟଙ୍କାର ଅଗ୍ରୀମ ବୁକିଂ ପାଇଥିଲା । ବର୍ତ୍ତମାନ ପର୍ଯ୍ୟନ୍ତ ପ୍ରାରମ୍ଭିକ ରୋଜଗାର ୨୫ କୋଟିରୁ ଅଧିକ ହେବ ବୋଲି ଆଶା କରାଯାଉଛି । ଯଦିଓ କଙ୍ଗୁଭା ପାଇଁ ଅଗ୍ରୀମ ବୁକିଂ ସପ୍ତାହକ ଆରମ୍ଭରେ ସୀମିତ ଜାଗାରେ ଖୋଲାଯାଇଥିଲା । କିନ୍ତୁ ରିଲିଜ୍ ଦିନର ୧୨ ଘଣ୍ଟା ପୂର୍ବରୁ ବୁଧବାର ସକାଳେ ସମ୍ପୂର୍ଣ୍ଣ ରୂପେ ପ୍ରି-ସେଲ୍ ଆରମ୍ଭ ହୋଇଥିଲା ।
ନଭେମ୍ବର ୧୩ରେ ଫିଲ୍ମର ପ୍ରି-ସେଲରେ ବଡ଼ ଧରଣର ବୃଦ୍ଧି ଘଟିଥିଲା । ରାତି ୧୧ଟା ସୁଦ୍ଧା କଙ୍ଗୁଭା କେବଳ ତାମିଲନାଡ଼ୁରେ ୬.୨୦ କୋଟି ଟଙ୍କାର ପ୍ରି-ସେଲ୍ ରେକର୍ଡ କରିଛି, ଯାହା ତାମିଲ ଚଳଚ୍ଚିତ୍ର ପାଇଁ ଚଳିତ ବର୍ଷର ପଞ୍ଚମ ସବୁଠାରୁ ବଡ଼ ଆଡଭାନ୍ସ ବୁକିଂ । ଏହା ପଛକୁ ରହିଛି ଦ ଗୋଟ୍, ଭେଟ୍ଟିୟାନ, ଅମରନ ଓ ଇଣ୍ଡିଆନ୍ ୨ ।
କେରଳ, ଆନ୍ଧ୍ରପ୍ରଦେଶ ଓ ତେଲଙ୍ଗାନା ଭଳି ମୁଖ୍ୟ ମାର୍କେଟ ଏଥିରେ ବଡ଼ ସହାୟକ ହୋଇଥିଲେ ଏବଂ ଭଲ ପ୍ରି-ସେଲ୍ ହାସଲ କରିଥିଲେ, ଯେତେବେଳେ କି, କର୍ଣ୍ଣାଟକ ଓ ଉତ୍ତର ଭାରତରେ ଏହା ଧିମା ରହିଥିଲା ।
ତେବେ ଶିବାଙ୍କ ନିର୍ଦ୍ଦେଶନାରେ ନିର୍ମିତ ଏହି ପିରିୟଡ୍ ଡ୍ରାମାରେ ବବି ଦେଓଲ ଓ ଦିଶା ପଟାନି ତାମିଲ ଇଣ୍ଡଷ୍ଟ୍ରିରେ ଡେବ୍ୟୁ କରିଛନ୍ତି । ୨୦୨୨ର ଆକ୍ସନ ଫିଲ୍ମ ‘ଏଥରକ୍କୁମ ଥୁନିନ୍ଧୱନ’ ପରେ ସୂର୍ଯ୍ୟାଙ୍କର ଏହା ପ୍ରଥମ ଲିଡ୍ ରୋଲ୍ ଥିବା ଫିଲ୍ମ ।