ଦର୍ଶକଙ୍କ ହୃଦୟରେ ଏବେବି ବଞ୍ଚିଛନ୍ତି ସୁଶାନ୍ତ
ରୂପେଲି ପରଦାର ଲୋକପ୍ରିୟ ଅଭିନେତା ସୁଶାନ୍ତ ସିଂ ରାଜପୁତ ଖୁବ୍ କମ୍ ସମୟରେ ଏ ଦୁନିୟାକୁ ଅଲ୍ବିଦା କହିଥିଲେ । ମାତ୍ର ୩୫ ବର୍ଷ ବୟସରେ ସେ ଏ ଦୁନିୟା ଛାଡି ଚାଲିଯାଇଛନ୍ତି । ସୁଶାନ୍ତ ତାଙ୍କ ସୀମିତ କ୍ୟାରିୟର ମଧ୍ୟରେ ସମୁଦାୟ ୩୦ ଟି ଫିଲ୍ମରେ ଅଭିନୟ କରିଥିଲେ। ତାଙ୍କର ଫିଲ୍ମ କ୍ୟାରିୟର ‘କାଇ ପୋ ଚେ’ରୁ ଆରମ୍ଭ ହୋଇ ‘ଦିଲ୍ ବିଚାରା’ରେ ଶେଷ ହୋଇଥିଲା । ଏହା ସହ ଏମ୍ .ଏସ୍ ଧୋନି, ଛିଛୋରେ, କେଦାରନାଥ, ରାବ୍ତା ଇତ୍ୟାଦି ଫିଲ୍ମ ତାଙ୍କର ଖୁବ୍ ହିଟ୍ ହୋଇଛି । ୨୦୨୦ ରେ ସୁଶାନ୍ତ ଆରପାରିକୁ ଚାଲିଯାଇଛନ୍ତି ସତ, କିନ୍ତୁ ଲୋକମାନେ ତାଙ୍କୁ ତାଙ୍କ ଗୀତ ଓ ଚଳଚ୍ଚିତ୍ର ମାଧ୍ୟମରେ ଏବେ ବି ମନେରଖିଛନ୍ତି । ‘ଛିଛୋରେ’ ଫିଲ୍ମର ‘ଖେରିୟତ୍ ପୁଛୋ’ ଗୀତଟି ଏପର୍ଯ୍ୟନ୍ତ ଦର୍ଶକମାନଙ୍କ ହୃଦୟରେ ଜୀବନ୍ତ ହୋଇ ରହିଛି ।
ଆପଣ ଜାଣିଥିବେ ଛିଛୋରେ’ ଫିଲ୍ମ ରିଲିଜ୍ ହେବାର ଅନେକ ବର୍ଷ ବିତିଗଲାଣି, ହେଲେ ଆଜି ପର୍ଯ୍ୟନ୍ତ ‘ଖେରିୟତ୍ ପୁଛୋ’ ଗୀତକୁ ଦର୍ଶକମାନେ ଗୁଣ ଗୁଣଉଛନ୍ତି । ଏବେବି ୟୁଟ୍ୟୁବ୍ରେ ଏହି ଗୀତ ୟୁଜର୍ସସମାନଙ୍କ ସର୍ବାଧିକ ପସନ୍ଦ । ବର୍ତ୍ତମାନ ଏହି ଗୀତର ଲୋକପ୍ରିୟତା ଅନ୍ୟ ଗୀତଗୁଡ଼ିକର ରେକର୍ଡ ଭାଙ୍ଗିଛି । ଏବେ ପଯ୍ୟର୍ନ୍ତ ଯୁଟ୍ୟୁବ୍ରେ ଏହି ଗୀତ ୧୦୦ କୋଟିରୁ ଅଧିକ ଭ୍ୟୁ ହେଲାଣି ।
‘ଖେରିୟତ୍ ପୁଛୋ’ ଗୀତଟିକୁ ଅରିଜିତ ସିଂ ଗାଇଛନ୍ତି । ଗୀତ ସହ ଏହାର ଭିଡ଼ିଓ ମଧ୍ୟ ଖୁବ୍ ସୁନ୍ଦର । ଯୁବ ପୀଢ଼ି ଉପରେ ଆଧାରିତ ଏହି ସିନେମାରେ ସୁଶାନ୍ତ ସିଂ ରାଜପୁତଙ୍କ ସହ ଶ୍ରଦ୍ଧା କପୁର ଅଭିନୟ କରିଥିଲେ। ନିର୍ଦ୍ଦେଶକ ନୀତେଶ ତିଓ୍ଵାରୀ ଓ ସାଜିଦ ନାଦିଆଦବାଲା ଏହି ଫିଲ୍ମ କରିଥିଲେ ।
ନିଜର ଟ୍ୟାଲେଣ୍ଟକୁ ନେଇ ସୁଶାନ୍ତ ବଲିଉଡ୍ରେ ପାଦ ଥାପିଥିଲେ, କିନ୍ତୁ ଏଥିରେ ତିଷ୍ଟି ରହିବା ପାଇଁ ତାଙ୍କୁ ବହୁ ଅସୁବିଧାର ସାମ୍ନା କରିବାକୁ ପଡ଼ିଥିଲା । ସୁଶାନ୍ତ ନିଜ ପରିଶ୍ରମ ବଳରେ ନିଜର କ୍ୟାରିୟ ଗଢ଼ିଥିଲେ । ବଲିଉଡ୍ରେ ତାଙ୍କର କେହି ଗଡ୍ଫାଦର୍ ନଥିବାରୁ ତାଙ୍କୁ ଖୁବ୍ କଷ୍ଟ କରିବାକୁ ପଡୁଥିଲା । ତେବେ ଶେଷରେ ସେ ଜୀବନ ଯୁଦ୍ଧରେ ହାରି ଯାଇଥିଲେ।
