କାହିଁକି ସବୁବେଳେ ଚୁପ୍ ରହୁଥିଲେ ମନମୋହନ୍ ସିଂହ ? ଦେଖନ୍ତୁ The accidental prime ministerର ଟ୍ରେଲର୍, ପାଇଯିବେ ଆପଣଙ୍କ ସବୁ ପ୍ରଶ୍ନର ଉତ୍ତର

By KNews Bureau 0
Accidental prime minister

ରିଲିଜ୍ ହୋଇଛି ବହୁ ପ୍ରତୀକ୍ଷିତ ଫିଲ୍ମ ଦ ଆକ୍ସିଡେଣ୍ଟାଲ୍ ପ୍ରାଇମ୍ ମିନିଷ୍ଟରର ଟ୍ରେଲର୍ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ରାଜନୈତିକ କ୍ୟାରିୟର୍ ଉପରେ ଆଧାରିତ ଏହି ସିନେମା । ଯେଉଁଥିରେ ମନମୋହନ ସଂହଙ୍କ ଭୂମିକାରେ ଅଭିନୟ କରିଛନ୍ତି ଅନୁପମ ଖେର୍ । ମନମୋହନଙ୍କ ବେଶରେ ସମସ୍ତଙ୍କ ମନ ଜିଣି ନେଇଛନ୍ତି ଅନୁପମ୍ । ତାଙ୍କ ଚାଲି, କଣ୍ଠ ଏବଂ କଥା କହିବା ଶୈଳୀ ସବୁକିଛି ମନମୋହନଙ୍କ ପରି । ସୋସିଆଲ୍ ମିଡିଆରେ ଅନୁପମଙ୍କୁ ଜବରଦସ୍ତ ପ୍ରଶଂସା କରାଯାଉଛି । ଅନ୍ୟପଟେ ସୋନିଆ ଗାନ୍ଧୀଙ୍କ ଭୁମିକାରେ ଅଭିନୟ କରିଛନ୍ତି ସୁଜାନେ ବନାର୍ଟ । ଯାହାଙ୍କ ଅଭିନୟଙ୍କୁ ଯେତେ ପ୍ରଶଂସା କଲେ ବି କମ୍ ପଡିବ ।

ତେବେ ଟ୍ରେଲରରେ ସ୍ପଷ୍ଟ ଭାବରେ ମନମୋହନ ସିଂହଙ୍କ ବାହାନାରେ ସୋନିଆ ଗାନ୍ଧୀ ଏବଂ ରାହୁଲ୍ ଗାନ୍ଧୀଙ୍କୁ କରାଯାଇଛି ଟାର୍ଗେଟ୍ । ମନମୋହନ ସିଂହଙ୍କ ପ୍ରଶଂସାରୁ ଆରମ୍ଭ ହୋଇଛି ଟ୍ରେଲର୍ । ଆଉ ଆଗକୁ ତାଙ୍କୁ ଫ୍ୟାମିଲି ଡ୍ରାମାର ଶିକାର ହୋଇଥିବା ଦର୍ଶାଯାଇଛି ।

୩ ମିନିଟର ଏହି ଟ୍ରେଲରରେ ମନମୋହନ ସିଂହଙ୍କୁ ସୋନିଆ ଗାନ୍ଧୀ ପିଏମ୍ ଭାବରେ ବାଛିବାଠୁ ଆରମ୍ଭ କରି ନ୍ୟୁକ୍ଲିୟର୍ ଡିଲ୍, କଶ୍ମୀର ପ୍ରସଙ୍ଗ ଏବଂ ଅନ୍ୟ ସମସ୍ତ ଦୁର୍ନୀତି ବିଷୟରେ କୁହାଯାଇଛି । ଟ୍ରେଲରରେ ଦେଖାଯାଇଛି କିଭଳି ମନମୋହନଙ୍କୁ ପଦରୁ ହଟାଇବା ପାଇଁ ଷଡଯନ୍ତ୍ର କରି ଏବଂ ରାହୁଲ୍ ଗାନ୍ଧୀଙ୍କ ଅଭିଶେକ୍ ପାଇଁ ପ୍ଲାନିଂ କରାଯାଉଛି । ମନମୋହନ ସିଂହ ଏବଂ ପାର୍ଟି ମଧ୍ୟରେ ଆରମ୍ଭ ହେଉଛି ଶୀତଳ ଯୁଦ୍ଧ ଏବଂ ତାଙ୍କୁ ପଦରୁ ହଟାଇ ରାହୁଲ୍ ଗାନ୍ଧୀଙ୍କୁ ଲିଡ୍ କରିବା ଦାୟିତ୍ବ ଦେବା ପାଇଁ ପ୍ରସ୍ତୁତି କରୁଛନ୍ତି ସୋନିଆ ।

ତେବେ ସବୁବେଳେ କାହିଁକି ନୀରବ ରୁହନ୍ତି ମନମୋହନ ଏହାର ଉତ୍ତର ମଧ୍ୟ ଏହି ଟ୍ରେଲରରେ ଦେଖିବାକୁ ପାଇବେ । ମନମୋହନ ସିଂହଙ୍କ ପତ୍ନୀ ତାଙ୍କୁ ବୁଝାଉଛନ୍ତି ଆପଣଙ୍କୁ ଦଳ କେତେ ବଦନାମ୍ କରିବ , ଆପଣ କିଛି କହୁ ନାହାଁନ୍ତି କାହିଁକି ।

ଫିଲ୍ମଟି ସଜୟ ବାରୁଙ୍କ ବହି ଉପରେ ପର୍ଯ୍ୟବେସିତ । ସଞ୍ଜୟ ୨୦୦୪ରୁ ୨୦୦୮ ଯାଏଁ ମନମୋହନଙ୍କ ମିଡିଆ ପରାମର୍ଶଦାତା ଭାବରେ କାମ କରୁଥିଲେ । ତେବେ ଯେତେବେଳେ ସଞ୍ଜୟଙ୍କ ଏହି ବହି ଲଂଚ୍ ହୋଇଥିଲା ସେତେବେଳେ ଅନେକ ବିବାଦ ଦେଖାଦେଇଥିଲା । ମନମୋହନ ସିଂହଙ୍କ ଛବିକୁ ସୁଧାରିବା ପାଇଁ ଏହି ଫିଲ୍ମ ମାଧ୍ୟମରେ ଚେଷ୍ଟା କରାଯାଇଛି ।

ଦେଖନ୍ତୁ ଟ୍ରେଲର :

ଅନ୍ୟପଟେ ଟ୍ରେଲର୍ ରିଲିଜ୍ ହେବା ପରେ ସୋସିଆଲ୍ ମିଡିଆରେ ରାହୁଲ ଗାନ୍ଧୀଙ୍କ ଜବରଦସ୍ତ ମଜାକ୍ ଉଡୁଛି । ଦେଖନ୍ତୁ କିଛି ଟୁଇଟ୍ ।