ହୋଲିରେ ଟେଲି ଅଭିନେତ୍ରୀଙ୍କ ସହିତ ଅସଦାଚରଣ ଅଭିଯୋଗ ।ଏପର୍ଯ୍ୟନ୍ତ ପୋଲିସ ଟେଲି ଅଭିନେତ୍ରୀଙ୍କ ନାଁ ଖୁଲାସା କରିନାହାନ୍ତି ।ହୋଲିରେ ରଙ୍ଗ ଲଗାଇବାକୁ ଅଭିନେତ୍ରୀ ଜଣକ ମନା କରିବା ସତ୍ତ୍ବେ ଜୋର ଜବରଦସ୍ତ କରିଥିଲେ । ଯାହାକୁ ନେଇ ଅଭିନେତ୍ରୀ ଜଣକ ଥାନାରେ ଅଭିଯୋଗ କରିଛନ୍ତି । ତେବେ ଅଭିଯୋଗ କରିଥିବା ଅଭିନେତ୍ରୀଙ୍କ ନାମ ସାମ୍ନାକୁ ଆସିନାହିଁ ।
ଏକ ରିପୋର୍ଟ ମୁତାବକ, ୧୪ ମାର୍ଚ୍ଚରେ ହୋଲି ପାଳନ ପାଇଁ ଏକ ପାର୍ଟି ଆୟୋଜିତ ହୋଇଥିଲା । ମୁମ୍ବାଇର ୱେଷ୍ଟ ଉପନିଗମରେ ହୋଲି ପାର୍ଟି ପାଳନ ହେଉଥିଲା । ସେଠାରେ ଅନେକ ଟିଭି ଅଭିନେତା ଓ ଅଭିନେତ୍ରୀ ହୋଲିର ମଜା ନେଉଥିଲେ । କିନ୍ତୁ ହୋଲି ଉତ୍ସବ ପାଳନ ସମୟରେ ଅସଦାଚରଣ ଶିକାର ହୋଇଥିଲେ ଜଣେ ୨୯ ବର୍ଷୀୟ ଅଭିନେତ୍ରୀ । ଅଭିନେତ୍ରୀଙ୍କ ସହିତ ସହ ଅଭିନେତା ଜଣକ ନିଶାରେ ଥାଇ ଏପରି ଅସଦାଚରଣ କରିଛନ୍ତି ବୋଲି ଅଭିଯୋଗ କରାଯାଇଛି । ନିଶାରେ ଥିବା ସମୟରେ ମହିଳାଙ୍କ ସହିତ ଜୋର ଜବରଦସ୍ତି କରିବା ପାଇଁ ଚେଷ୍ଟା କରିଥିଲେ ।
୨୯ ବର୍ଷୀୟ ମହିଳା ଜଣକ ଥାନାର ଦ୍ବାରସ୍ଥ ହୋଇଥିଲେ । ଥାନାରେ ପହଞ୍ଚି ସମସ୍ତ ଘଟଣାକୁ ଜଣାଇ କେସ୍ ଫାଇଲ୍ ମଧ୍ୟ କରିଥିଲେ । ଅଭିଯୋଗରେ ଅଭିନେତ୍ରୀ ଜଣକ ଲେଖିଛନ୍ତି, ନିଶାରେ ରହି ପାର୍ଟିରେ ବାରମ୍ବାର ରଙ୍ଗ ଲଗାଇବାକୁ ଚେଷ୍ଟା କରିଥିଲେ ଅଭିନେତା । ବାରମ୍ବାର ବାରଣ କରିବା ସତ୍ତ୍ବେ ମଧ୍ୟ ମାନିନଥିଲେ । ଜୋରଜବରଦସ୍ତ କରି ରଙ୍ଗ ଲଗାଇବା ପରେ ତାଙ୍କୁ ପ୍ରପୋଜ୍ ମଧ୍ୟ କରିଥିଲେ ବୋଲି ଅଭିଯୋଗ କରିଛନ୍ତି ଟିଭି ଅଭିନେତ୍ରୀ । ତାଙ୍କ ହାତରୁ କିଏ ବଞ୍ଚାଇବ ବୋଲି ମଧ୍ୟ ଧମକ ଦେଇଥିଲେ । ଧୀରେ ଧୀରେ ନିଶାରେ ରହି ଅସଦାଚରଣର ସୀମାକୁ ଭୁଲିଯାଇଥିଲେ ସହ ଅଭିନେତା ।
ଅଭିନେତ୍ରୀଙ୍କ ଅଭିଯୋଗ ପରେ ପୋଲିସ ମାମଲା ରୁଜୁ କରିଛି । ଏହି ମାମଲା ନେଇ ଅଭିଯୁକ୍ତ ଅଭିନେତାଙ୍କୁ ଆଇନଗତ ନୋଟିସ୍ ପଠାଯାଇଛି । ହୋଲି ଉତ୍ସବରେ ଉପସ୍ଥିତ ଥିବା ଅନ୍ୟ ସେଲିବ୍ରିଟିମାନଙ୍କୁ ମାମଲା ସମ୍ପର୍କରେ ପଚରାଉଚରା କରିଛି ପୋଲିସ୍ ।
Also Read : ଏନର୍ଜି ଡ୍ରିଙ୍କ୍ ନାଁରେ ଆସିଲା ବଡ ଅଭିଯୋଗ, କୋଟି କୋଟି ଟଙ୍କା ଠକେଇରେ ଶିକାର ୨୫ଜଣ ସେଲିବ୍ରେଟି