ଅକ୍ଷୟ କୁମାରଙ୍କ ଫିଲ୍ମ ‘ବଚ୍ଚନ ପାଣ୍ଡେ’ର ଦୁଇଟି ନୂଆ ପୋଷ୍ଟର ହେଲା ରିଲିଜ, ଏହି ଦିନ ପରଦାକୁ ଆସିବ; ସୁଟିଂ ସମୟରେ ସେଟ୍ରେ ଲାଗି ଯାଇଥିଲା ନିଆଁ
ବଲିଉଡ୍ ଅଭିନେତା ଅକ୍ଷୟ କୁମାର ବର୍ତ୍ତମାନ ନିଜର ଆଗାମୀ ଫିଲ୍ମ ‘ବଚ୍ଚନ ପାଣ୍ଡେ’ର ସୁଟିଂରେ ବ୍ୟସ୍ତ ଅଛନ୍ତି। ଏହି ଚଳଚ୍ଚିତ୍ରରେ ତାଙ୍କ ସହ ମୁଖ୍ୟ ଭୂମିକାରେ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ଓ କ୍ରିତି ସାନନ୍ ମଧ୍ୟ ନଜର ଆସିବେ। ଚଳଚ୍ଚିତ୍ରର ଦୁଇଟି ପୋଷ୍ଟର ୧୮ ଜାନୁଆରୀରେ ରିଲିଜ କରି ଦିଆଯାଇଛି। ଏଥି ସହିତ ଫିଲ୍ମଟି କେଉଁ ଦିନ ସିନେମା ଘରେ ରିଲିଜ୍ ହେବ, ତାହା ଉପରୁ ମଧ୍ୟ ପରଦା ଉଠିଛି।
ଫିଲ୍ମର ପୋଷ୍ଟରକୁ ଅକ୍ଷୟ କୁମାର ଓ କ୍ରିତି ସାନନ ନିଜ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି। ପୋଷ୍ଟରରେ ଅକ୍ଷୟ କୁମାର ଭିନ୍ନ ଲୁକ୍ରେ ଦେଖିବାକୁ ମିଳୁଛନ୍ତି। ମଥାରେ କପଡ଼ା ଭିଡ଼ିଥିବା, ବିନା ବଟନରେ ସାର୍ଟ, ବେକରେ ତିନୋଟି ମୋଟା ଚେନ୍ ଏବଂ ବ୍ୟାକ୍ପ୍ୟାକରେ ରାଇଫଲ ସହିତ ବିପଜ୍ଜନକ ଅସ୍ତ୍ରଶସ୍ତ୍ର ଧରିଥିବାର ସେ ନଜର ଆସିଛନ୍ତି। ସେପଟେ ଦ୍ୱିତୀୟ ପୋଷ୍ଟରରେ ଅକ୍ଷୟ ଅସ୍ତ୍ରଶସ୍ତ୍ରରେ ପରିପୂର୍ଣ୍ଣ ଟ୍ରାକ୍ଟର ଉପରେ ବସିଥିବାର ଦେଖିବାକୁ ମିଳୁଛନ୍ତି। ପୋଷ୍ଟରକୁ ଇନଷ୍ଟାଗ୍ରାମରେ ସେୟାର କରି ଅଭିନେତା ଲେଖିଛନ୍ତି, ‘ଆକ୍ସନ, କମେଡି, ରୋମାନ୍ସ, ଡ୍ରାମା, L-O-A-D-I-N-G, ଚଳିତ ହୋଲି। ମାର୍ଚ୍ଚ ୧୮, ୨୦୨୨ରେ ସିନେମା ଘରେ ରିଲିଜ୍ ହେବ’।
ସୁଟିଂ ସମୟରେ ସେଟ୍ରେ ଲାଗି ଯାଇଥିଲା ନିଆଁ
ରିପୋର୍ଟ ମୁତାବକ, ଫିଲ୍ମ ‘ବଚ୍ଚନ ପାଣ୍ଡେ’ର ସୁଟିଂ ପାଖାପାଖି ଶେଷ ହୋଇ ସାରିଲାଣି। ଏହି ସମୟରେ ନିର୍ମାତାମାନେ ଫିଲ୍ମର ପ୍ୟାଚୱାର୍କ ଉପରେ କାମ କରୁଛନ୍ତି। ଶନିବାର ଯେତେବେଳେ ଅକ୍ଷୟ କୁମାର ଓ କ୍ରିତି ସାନନ ପ୍ୟାଚୱାର୍କରେ କାମ କରୁଥିଲେ, ସେତେବେଳେ ସେଟ୍ ଉପରେ ନିଆଁ ଲାଗି ଯାଇଥିଲା। ଯଦିଓ ଏହାକୁ ତୁରନ୍ତ ନିୟନ୍ତ୍ରଣ କରି ନିଆଯାଇଥିଲା। ଫରହାଦ୍ ସମଜୀଙ୍କ ନିର୍ଦ୍ଦେଶନାରେ ଅକ୍ଷୟ କୁମାରଙ୍କ ‘ବଚ୍ଚନ ପାଣ୍ଡେ’ ନିର୍ମାଣ ହୋଇଛି। ସାଜିଦ୍ ନାଡିୟାଡୱାଲା ଏହାର ପ୍ରଯୋଜନା ଭାର ସମ୍ଭାଳିଛନ୍ତି। ସାଜିଦ୍ କହିଛନ୍ତି ଯେ ସେ କେବେ ବି ଏହି ଫିଲ୍ମକୁ OTTରେ ରିଲିଜ୍ କରିବେ ନାହିଁ। ମୋ ଫିଲ୍ମ ପ୍ରେକ୍ଷାଳୟ ପାଇଁ ଏବଂ ସେହିଠାରେ ହିଁ ମୁକ୍ତିଲାଭ କରିବ ବୋଲି ସାଜିଦ୍ କହିଥିଲେ।
ଇଣ୍ଡଷ୍ଟ୍ରୀର ସବୁଠାରୁ ବ୍ୟସ୍ତବହୁଳ ଷ୍ଟାର ଅକ୍ଷୟ କୁମାର
ଆପଣଙ୍କୁ କହି ରଖୁଛୁ ଯେ ଅକ୍ଷୟ କୁମାର ବର୍ତ୍ତମାନ ଇଣ୍ଡଷ୍ଟ୍ରୀର ସବୁଠାରୁ ବ୍ୟସ୍ତବହୁଳ ଷ୍ଟାର। ତାଙ୍କ ପାଖରେ ଫିଲ୍ମର ଲମ୍ବା ଲାଇନ ଲାଗିଛି। ତାଙ୍କ କାର୍ଯ୍ୟ ବିଷୟରେ ଆଲୋଚନା କରିବା ତ ସେ ନିଜର ଆଗାମୀ ଫିଲ୍ମ OMG 2 ଏବଂ ରାମସେତୁର ସୁଟିଂରେ ବ୍ୟସ୍ତ ଅଛନ୍ତି। ଏହା ବ୍ୟତୀତ ଅକ୍ଷୟ ରକ୍ଷାବନ୍ଧନ, ସିଣ୍ଡ୍ରୋଲା, ଡବଲ୍ ଏକ୍ସଏଲ୍, ଡ୍ରାଇଭିଂ ଲାଇସେନ୍ସ, ରାଓଡି ରାଠୋର ୨ରେ ନଜର ଆସିବେ। ଏଥି ମଧ୍ୟରୁ କିଛି ଫିଲ୍ମ ୨୦୨୨ରେ ରିଲିଜ୍ ହେବ।
View this post on Instagram