ବିଗ୍ବସ୍ ଓଟିଟି ଫେମ୍ ଅଭିନେତ୍ରୀ ଉର୍ଫି ଜାଭେଦ ପ୍ରତିଦିନ କିଛି ନା କିଛି ଏପରି କାମ କରନ୍ତି, ଯେଉଁଥିପାଇଁ ସେ ସବୁ ବେଳେ ସୋସିଆଲ ମିଡିଆରେ ଚର୍ଚ୍ଚାରେ ରୁହନ୍ତି । ଉର୍ଫି ଜାଭେଦ୍ ନିଜର ଅତରଙ୍ଗି ଫ୍ୟାଶନ୍ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି ଏବଂ ଅନେକ ସମୟରେ ଏଭଳି ଭିନ୍ନ ଢଙ୍ଗର ଫ୍ୟାଶନ୍ କାରଣରୁ ସେ ଟ୍ରୋଲର ସମ୍ମୁଖୀନ ମଧ୍ୟ ହୋଇଥାନ୍ତି । ପ୍ରତିଦିନ ଉର୍ଫି ବିଭିନ୍ନ ଜିନିଷରୁ ନୂଆ ପ୍ରକାରର ଡ୍ରେସ୍ ତିଆରି କରି ପିନ୍ଧୁଥିବାର ନଜର ଆସନ୍ତି । ପ୍ରତିଥର ପ୍ରଶଂସକଙ୍କ ପାଇଁ ଉର୍ଫିଙ୍କ ନୂଆ ଲୁକ୍ ବହୁତ ଚକିତ କରିଥାଏ ।
ବଲିଉଡ ଅଭିନେତ୍ରୀ ତଥା ମଡେଲ ଉର୍ଫି ଜାଭେଦ ନିଜ କାମ କରିବା ସହ ସୋସିଆଲ ମିଡିଆରେ ବେଶ ଆକ୍ଟିଭ ରହିଥାନ୍ତି । ସବୁ ସମୟରେ ସୋସିଆଲ ମିଡିଆରେ ପ୍ରାୟ ଭାଇରାଲ ହୋଇଥାନ୍ତି । ନିଜର କିଛି ଫଟୋ ସେୟାର କରିଛନ୍ତି ଉର୍ଫି । ଯେଉଁଥିରେ ସେ ନୀଳ ରଙ୍ଗରେ ଧଳା ଷ୍ଟ୍ରିପ ପଡିଥିବା କୁର୍ତିରେ ନଜର ଆସିଛନ୍ତି । ଶିବ ମନ୍ଦିରରେ ଏହି ଫଟୋ ଉଠାଇଛନ୍ତି ଅଭିନେତ୍ରୀ ।
ଉର୍ଫି ଜାୱେଦ୍ ଫୋଟ ଗୁଡିକ ନିଜ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଯେଉଁଥିରେ ସେ ଶିବଙ୍କ ପାଖରେ ଭକ୍ତିରେ ଲୀନ ହେଇଯାଉଛନ୍ତି । ତାଙ୍କୁ ଇଣ୍ଡିଆନ ଲୁକ ରେ ଦେଖିବାକୁ ମିଳିଛି । ଉର୍ଫି ଦୁଇ ହାତ ଯୋଡି ମହାଦେବଙ୍କ ଆଶୀର୍ବାଦ ନେଉଥିବାର ଦେଖିବାକୁ ମିଳିଛି । ଏହି ଫଟୋ ଗୁଡିକ ସେୟାର କରିବା ସମୟରେ ସେ ଲେଖିଛନ୍ତି କି ୪୦୦ ସିଢି ଚଢି ମହାଦେବଙ୍କ ଦର୍ଶନ କରିଛି । ଏଭଳି ଫଟୋ ଦେଖି ପ୍ରଶଂସକମାନେ ଖୁବ କମେଣ୍ଟ କରିଛନ୍ତି । ଭିନ୍ନ ଧର୍ମର ହୋଇ ମନ୍ଦିର ଯାଇଥିବାକୁ ନେଇ ଟ୍ରୋଲର ଶିକାର ହୋଇଛନ୍ତି ଉର୍ଫି ।
Also read:ସବୁବେଳେ ବିବାଦରେ ରହୁଥିବା ଉର୍ଫି କୋଟି କୋଟିି ଟଙ୍କାର ମାଲିକାଣୀ, ଜାଣନ୍ତୁ ନେଟ୍ ୱର୍ଥ