ଲୋକପ୍ରିୟ ଅଭିନେତ୍ରୀ ସୁଲୋଚନା ଲାଟକରଙ୍କ ଦେହାନ୍ତ, ମୋଦି ଜଣାଇଲେ ଶ୍ରଦ୍ଧାଞ୍ଜଳି
ମରାଠୀ ଏବଂ ହିନ୍ଦୀ ଫିଲ୍ମ ଇଣ୍ଡଷ୍ଟ୍ରୀର ଲୋକପ୍ରିୟ ଅଭିନେତ୍ରୀ ସୁଲୋଚନା ଲାଟକରଙ୍କ ପରଲୋକ । ୯୪ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କ ମୃତ୍ୟୁରେ ପ୍ରଧାନମନ୍ତ୍ରୀ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ମରାଠୀ ଏବଂ ହିନ୍ଦୀ ଫିଲ୍ମ ଇଣ୍ଡଷ୍ଟ୍ରୀର ଲୋକପ୍ରିୟ ଅଭିନେତ୍ରୀ ସୁଲୋଚନା ଲାଟକରଙ୍କର ୯୪ ବର୍ଷରେ ପରଲୋକ ହୋଇଛି । ମୁମ୍ବାଇ ସ୍ଥିତ ଗୋଟିଏ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି। ଗତ କିଛିଦିନ ହେଲାଣି ଗୁରୁତର ହୋଇ ହସପିଟାଲରେ ଭର୍ତ୍ତି ହୋଇଥିଲେ । ତେବେ ରବିବାର ରାତିରେ ତାଙ୍କର ଦେହାନ୍ତ ହୋଇଛି । ସୁଲୋଚନାଙ୍କ ଅନ୍ତିମ ସଂସ୍କାର ଆଜି ଦାଦର ଶଶ୍ମାନରେ ହେବ ।
ସୁଲୋଚନାଙ୍କ ଝିଅ କାଞ୍ଚନ ଏହି ଦୁଃଖଦ ଖବର ସମସ୍ତଙ୍କୁ ଦେଇଛନ୍ତି। ସୁଲୋଚନାଙ୍କ ଅବସ୍ଥା ଗୁରୁତର ଥିଲା । ସେ ନିଃଶ୍ୱାସ ନେବାରେ କଷ୍ଟ ଓ ବୟସଜନିତ ରୋଗ ଯୋଗୁ ଗୁରୁତର ହେବାରୁ ତାଙ୍କୁ ମୁମ୍ବାଇର ଗୋଟିଏ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ସୁଲୋଚନାଙ୍କ ମୃତ୍ୟୁରେ ପ୍ରଧାନମନ୍ତ୍ରୀ ମୋଦି ଶ୍ରଦ୍ଧାଞ୍ଜଳି ଦେଇ ଲେଖିଛନ୍ତି, ଆପଣ ଚାଲିଯିବା ପରେ ଭାରତୀୟ ସିନେମାରେ ଏକ ଖାଲିସ୍ଥାନ ପଡିବ । ଆପଣଙ୍କ ଅଭିନୟ ସବୁବେଳେ ଆମ ସଂସ୍କୃତିକୁ ସମୃଦ୍ଧ କରିଛି । ତାଙ୍କ କାମ ସବୁବେଳେ ଝଲସିବ । ପରିବାରକୁ ସ୍ୱାନ୍ତନା । ଓମ୍ ଶାନ୍ତି ।
The passing of Sulochana Ji leaves a big void in the world of Indian cinema. Her unforgettable performances have enriched our culture and have endeared her to people across generations. Her cinematic legacy will live on through her works. Condolences to her family. Om Shanti.
— Narendra Modi (@narendramodi) June 4, 2023
ସୂଚନାଯୋଗ୍ୟ, ସୁଲୋଚନା ହସପିଟାଲରେ ଚିକିତ୍ସିତ ହେଉଥିବା ବେଳେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ସମସ୍ତ ମେଡିକାଲ ଖର୍ଚ୍ଚ ରାଜ୍ୟ ସରକାର ବହନ କରିଥିଲେ । ଏଥିସହ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ତୁରନ୍ତ ଚିକିତ୍ସା ପାଇଁ ସୁଲୋଚନାଙ୍କ ପରିବାର ଲୋକଙ୍କୁ ୩ ଲକ୍ଷ ଟଙ୍କା ମଧ୍ୟ ଦେଇଥିଲେ।
ସୁଲୋଚନା ହିନ୍ଦୀରେ ୨୫୦ ଓ ମରାଠୀରେ ୫୦ରୁ ଅଧିକ ଫିଲ୍ମରେ କାମ କରିଛନ୍ତି। ସେ ଅଧିକାଂଶ ବଲିଉଡ ଫିଲ୍ମରେ ମା’ ଭୂମିକାରେ ନଜର ଆସିଥିଲେ। ନିଜର ଅଭିନୟ ପାଇଁ ତାଙ୍କୁ ୧୯୯୯ରେ ପଦ୍ମଶ୍ରୀ ଓ ୨୦୦୯ରେ ମହାରାଷ୍ଟ୍ର ଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ତାଙ୍କୁ ବାଜିରାଓ ମସ୍ତାନୀରେ ମଧ୍ୟ ଦେଖିବାକୁ ମିଳିଥିଲା ।
#SulochanaLatkar‘s funeral to take place today in Mumbai. pic.twitter.com/ytLMaN1maI
— Filmfare (@filmfare) June 5, 2023