ତବସୁମଙ୍କ ଶେଷ ଇଚ୍ଛା ହେଲା ପୂର୍ଣ୍ଣ, ମା’ର କଥା ରଖି ମରିବାର ୨ ଦିନ ଯାଏଁ କାହାକୁ କହିନଥିଲେ ପୁଅ
ଦୂରଦର୍ଶନରେ ପ୍ରସାରିତ ହେଉଥିବା ଲୋକପ୍ରିୟ ଶୋ ‘ଫୁଲ ଖିଲେ ହେଁ ଗୁଲସନ ଗୁଲସନ’କୁ ୨୦ ବର୍ଷ ଧରି ହୋଷ୍ଟ କରିଥିବା ବଲିଉଡର ଅଭିନେତ୍ରୀ ତବସୁମଙ୍କ ପରଲୋକ ହୋଇଛି । ତବସୁମ ୭୮ ବର୍ଷ ବୟସରେ ଦୁନିଆରୁ ସବୁଦିନ ପାଇଁ ବିଦାୟ ନେଇଛନ୍ତି । ଖବର ଅନୁଯାୟୀ, ତବସୁମଙ୍କର ହୃଦଘାତ ହୋଇଥିଲା । ଯେଉଁଥିପାଇଁ ତାଙ୍କୁ ଶୀଘ୍ର ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତବସୁମଙ୍କ ମୃତ୍ୟୁ ଖବରରେ ବଲିଉଡ ଜଗତରେ ଶୋକର ଛାୟା ଖେଳି ଯାଇଛି ।
ତବସୁମଙ୍କ ନିଧନ ଖବର ଶୁଣିବା ପରେ କେବଳ ବଲିଉଡ ନୁହେଁ ବରଂ ତାଙ୍କ ଫ୍ୟାନ୍ସ ମଧ୍ୟ ଅଭିନେତ୍ରୀଙ୍କ ପୁରୁଣା ଶୋ ଏବଂ ସିନେମାରେ ତାଙ୍କର ଅବଦାନକୁ ମନେ ପକାଇ ଭାବପ୍ରବଣ ହେଉଛନ୍ତି । ଗତ କିଛିଦିନ ହେଲାଣି ତବସୁମ ଗ୍ୟାଷ୍ଟ୍ରୋଇନଣ୍ଟାଇଲ ସମସ୍ୟାରେ ପୀଡିତ ଥିଲେ। ତେବେ ତାଙ୍କ ଶେଷ ଇଚ୍ଛା ଥିଲା କି, ଅନ୍ତିମ ଯାତ୍ରା ଶାନ୍ତିପୂର୍ଣ୍ଣ ହେଉ। ତେଣୁ ମରିବା ପରେ ଅତି କମରେ ୨ ଦିନ ଯାଏ କେହି ଜାଣନ୍ତୁ ନାହିଁ ବୋଲି ଶେଷ ଇଚ୍ଛା କରିଥିଲେ ଅଭିନେତ୍ରୀ । ତବସୁମ ଶୁକ୍ରବାର ରାତି ୮.୪୦ରେ ମୃତ୍ୟୁବରଣ କରିଥିଲେ।
तब्बसुम जी एक बहुत ही ख़ुश मिज़ाज और एक बेहतरीन अदाकारा होने साथ साथ टेलीविजन की एक बहुत ही बड़ी हस्ती थीं।उनके दूरदर्शन के मशहूर प्रोग्राम “फूल खिले हैं गुलशन गुलशन” में मुझे भाग लेने का मौक़ा मिला था।उनकी बेबाक़ हंसी मैं कभी नहीं भूल पाऊंगा।उनके जाने का बेहद दुख है। #Tabassum pic.twitter.com/5vvUPo7n4G
— Anupam Kher (@AnupamPKher) November 19, 2022
ତବସୁମ ଶିଶୁ ଅଭିନେତ୍ରୀ ଭାବରେ ବଲିଉଡରେ ପ୍ରବେଶ କରିଥିଲେ । ତବସୁମଙ୍କ ପ୍ରଥମ ଫିଲ୍ମ ମେରା ସୁହାଗ ୧୯୪୭ ମସିହାରେ ରିଲିଜ ହୋଇଥିଲା। ଏହା ପରେ ‘ମଜଧାର’, ‘ବଡ଼ି ବେହେନ’, ‘ଦିଦାର’ ଏବଂ ‘ବୈଜୁ ବାୱାରା’ ସାମିଲ ଥିଲା । ତବସୁମଙ୍କ ବିବାହ ଲୋକପ୍ରିୟ ଟିଭି ଷ୍ଟାର ଅରୁଣ ଗୋବିଲଙ୍କ ଭାଇ ବିଜୟ ଗୋବିଲଙ୍କ ସହିତ ହୋଇଥିଲା।
The pioneer of talk shows. An amazingly versatile and erudite lady who was active till the very end. A close friend of my father who started their careers together as child actors, our dearest Tabassum aunty passed on to her heavenly abode.
May God have mercy on her soul 🤲🏽 pic.twitter.com/bCyQF8me7d— Jaaved Jaaferi (@jaavedjaaferi) November 19, 2022
ଲୋକପ୍ରିୟ ଶୋ ‘ଫୁଲ ଖିଲେ ହେଁ ଗୁଲସନ ଗୁଲସନ’କୁ ୨୦ ବର୍ଷ ଧରି ହୋଷ୍ଟ କରିଥିଲେ । ଏହି ଟକ୍ ସୋ ବହୁତ ପ୍ରସିଦ୍ଧ ହୋଇଥିଲା, ଯାହାର ନାମ ‘ଫୁଲ୍ ଖିଲେ ହେଁ ଗୁଲଶନ୍ ଗୁଲଶନ୍’ । ଏହି ଟକ୍ ସୋ ୧୯୭୨ ରୁ ୧୯୯୩ ପର୍ଯ୍ୟନ୍ତ ପ୍ରାୟ ୨୧ ବର୍ଷ ଧରି ଟେଲିଭିଜନରେ ପ୍ରସାରିତ ହୋଇଥିଲା । ଅନେକ ବଲିଉଡ ତାରକା ଏହି ଟକ୍ ସୋରେ ଯୋଗଦେଇ ସେମାନଙ୍କ ଜୀବନ ବିଷୟରେ ଅନେକ ଖୁଲାସା କରିଥିଲେ । ଏହି ଶୋ ପରେ, ତବସୁମ ୧୯୮୫ ମସିହାରେ ପ୍ରଥମ ଚଳଚ୍ଚିତ୍ର ଲେଖିଥିଲେ, ଯାହାର ନାମ ‘ତୁମ ପର ହମ କୁର୍ବାନ’ ।