ସନ୍ଧ୍ୟା ସ୍ନାକ୍ସରେ ପକୋଡ଼ି ଏକ ଭଲ ଖାଦ୍ୟ। ପିଆଜ, କୋବି, ଆଳୁ ଆଦି ଦେଇ ପକୁଡି ଛାଣିଲେ ତାର ମଜା ଯିଏ ନେଇଛି ସିଏ ଜାଣିଛି । ବର୍ଷା ଦିନରେ ତ ଏହି ମଜା ଆହୁରି ବଢିଯାଏ । ଲୋକେ ପକୋଡ଼ି ଛାଣି ଖାଆନ୍ତି ସତ କିନ୍ତୁ ଅନେକଙ୍କର ଅଭିଯୋଗ ଥାଏ କି ଯେତେ ଯତ୍ନରେ କଲେ ମଧ୍ୟ ତାଙ୍କ ପକୁଡି କ୍ରିସପି ହେଉନାହିଁ । କ୍ରିସପି ଆଶାରେ ତେଲରେ ଅଧିକ ଦିନ ରଖିଲେ ପକୋଡ଼ି କ୍ରିସପି ହେବା ବଦଳରେ ପୋଡି ଯାଉଛି । କିନ୍ତୁ ଜାଣନ୍ତିକି, କିଛି ସାଧାରଣ ଟିପ୍ସ ଆପଣେଇଲେ ପକୋଡ଼ି କ୍ରିସପି ହେବା ସହ ତା ସ୍ୱାଦ ମଧ୍ୟ ଦୁଇ ଗୁଣା ବଢିଯାଏ ।
ଡବଲ ଫ୍ରାଏ:
କୌଣସି ପକୋଡାକୁ ଡବଲ ଫ୍ରାଏ କରିବା ହେଉଛି ପକୁଡିକୁ କ୍ରିସପି କରିବାର ସବୁଠୁ ସହଜ ଓ ଉତ୍ତମ ମାଧ୍ୟମ । ଏଥିପାଇଁ ପ୍ରଥମ ଥର ଧିମା ଆଞ୍ଚରେ ପକୋଡ଼ିକୁ ହାଲୁକା ଛାଣି ଦିଅନ୍ତୁ । ପୁଣି ଥରେ ଜୋର ଆଞ୍ଚରେ ଦ୍ଵିତୀୟ ଥର ପକୋଡା ଛାଣି ଦିଅନ୍ତୁ ।
ଭଲ ଭାବରେ ଛାଣି ନିଅନ୍ତୁ:
ବେସନରେ ପନିପରିବା ମିଶେଇବା ପୂର୍ବରୁ ଭଲ ଭାବରେ ଛାଣି ନିଅନ୍ତୁ । ନଚେତ ଆପଣଙ୍କ ଘୋଳ ପାଣିଆ ହୋଇଯିବାର ସମ୍ଭାବନା ରହିଛି ।
ବରଫ ପାଣି:
ଯଦି ଆପଣ ଚାହୁଁଛନ୍ତି ଆପଣଙ୍କ ପକୋଡା ସବୁବେଳେ କୁରକୁରା ବା କ୍ରିସପି ହଉ ତାହେଲେ ଥଣ୍ଡା ପାଣିର ବ୍ୟବହାର କରନ୍ତୁ । ଯଦି ଆପଣ ବେସନ ଘୋଳାରେ ଥଣ୍ଡା ପାଣିର ପ୍ରୟୋଗ କରନ୍ତି ଆପଣଙ୍କ ବ୍ୟାଟରଟି ଶୀଘ୍ର ଥଣ୍ଡା ହେବା ସହ ଏଥିରେ ପ୍ରସ୍ତୁତ ପକୁଡି ବି କ୍ରିସପି ହେବା ସହ ସୁଆଦିଆ ଲାଗିବ ।
ୱାୟର ରେକ ବ୍ୟବହାର:
ଅଧିକାଂଶ ସମୟରେ ଦେଖାଯାଏକି, ଛାଣିବା ପରେ ପେପର ରଖିବା ପାଇଁ ପେପର ଟେବଲ ବା ବେକିଙ୍ଗ ସିଟ ଉପରେ ରଖିବାକୁ ପରାମର୍ଶ ଦିଆଯାଇଥାଏ । ଯଦି ଚାହୁଁଛନ୍ତିକି ଆପଣଙ୍କ ପକୁଡି କୁରକୁରା ହେଉ ତାହେଲେ ପକୋଡା ଛାଣିବା ପରେ ବାୟର ରେକର ବ୍ୟବହାର କରନ୍ତୁ । ଏମିତି କରିବା ଦ୍ୱାରା ପକୋଡାର ତଳ ଭାଗରୁ ଗରମ ବାମ୍ଫ ବାହାରି ଯିବ ଓ ବାମ୍ଫ କାରଣରୁ ଆପଣଙ୍କ ପକୁଡି ଆଉ ନରମ ହେବ ନାହିଁ ।