ସାବଧାନ ! ଫ୍ରୁଟ୍ସ ରେ ଲୁଣ ପକାଇ ଖାଉଛନ୍ତି କି ? ଶରୀରକୁ ପହଞ୍ଚାଇ ଥାଏ ଏହି ସବୁ କ୍ଷତି
ଫଳ ଖାଇବା ଆମ ସ୍ୱାସ୍ଥ୍ୟ ପାଇଁ ବହୁତ ଭଲ ବୋଲି ବିବେଚନା କରାଯାଏ। କାରଣ ପ୍ରତ୍ୟେକ ଫଳ ପୋଷକ ତତ୍ତ୍ୱରେ ପରିପୂର୍ଣ୍ଣ। ଏହି କାରଣରୁ ଡାକ୍ତରମାନେ ପିଲାମାନଙ୍କ ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ସମସ୍ତଙ୍କୁ ଫଳ ଖାଇବାକୁ ପରାମର୍ଶ ଦିଅନ୍ତି। ଫଳରେ ଥିବା ଆଣ୍ଟିଅକ୍ସିଡାଣ୍ଟର ପରିମାଣ ଆପଣଙ୍କୁ ଅନେକ ସମସ୍ୟାରୁ ଦୂରେଇ ରଖିପାରେ। କିଛି ଲୋକ ଏହିପରି ଫଳ ଖାଇବାକୁ ପସନ୍ଦ କରୁଥିବାବେଳେ କେତେକ ଜୁସ କରି ପିଇଥାନ୍ତି। ଆଉ କିଛି ଲୋକ ଲୁଣ ମିଶାଇ ଫଳଗୁଡିକ ଖାଆନ୍ତି। ଫଳଗୁଡିକ ଛୋଟ ଛୋଟ ଖଣ୍ଡରେ କାଟି ଉପରେ ଲୁଣ ପକାଇ ଖାଇବା ଦ୍ବାରା ବହୁତ ସ୍ୱାଦ ଲାଗେ ସତ, କିନ୍ତୁ ଏହା କରିବା ଦ୍ୱାରା ସ୍ୱାସ୍ଥ୍ୟ ପାଇଁ କ୍ଷତି ହୋଇପାରେ। ଲୁଣ ପକାଇ ଫଳ ଖାଇବା ଦ୍ୱାରା ଅନେକ ରୋଗ ହୋଇପାରେ, ଆସନ୍ତୁ ଜାଣିବା କ’ଣ …
ସୋଡିୟମ୍ ମାତ୍ର ବଢିଥାଏ
ଫଳ ଉପରେ ଲୁଣ ଛିଞ୍ଚି ଖାଇବା ଦ୍ୱାରା ଶରୀରରେ ସୋଡିୟମର ପରିମାଣ ବୃଦ୍ଧି ପାଇଥାଏ। ଯେଉଁଥିପାଇଁ ଆମ ଶରୀର କ୍ଷତିଗ୍ରସ୍ତ ହୁଏ। ସୀମିତ ପରିମାଣରେ ଲୁଣ ଖାଇବା ଉଚିତ୍। ଅତ୍ୟଧିକ ସୋଡିୟମ୍ ରକ୍ତଚାପ ଏବଂ ହୃଦୟ ସହିତ ଜଡିତ ସମସ୍ୟା ସୃଷ୍ଟି କରେ।
ପୋଷକ ତତ୍ତ୍ୱର ଅଭାବ
ଆମେ ଫଳ ଖାଇଥାଉ ଯାହା ଦ୍ୱାରା ସୁସ୍ଥ ରହିଥାଉ। କିନ୍ତୁ ଯେତେବେଳେ ଆମେ ଫଳ ଉପରେ ଲୁଣ ଛିଞ୍ଚିଥାଉ ସେତେବେଳେ ଏହାର କୌଣସି ପୋଷକ ତତ୍ତ୍ୱ ରୁହେ ନାହିଁ। କାରଣ ଫଳ ଉପରେ ଲୁଣ ଛିଞ୍ଚିବା ଦ୍ୱାରା ଫଳରୁ ପାଣି ବାହାରିଥାଏ। ଯେଉଁଥିପାଇଁ ଆମେ ଯେତିକି ଲାଭ ପାଇବା କଥା ସେତିକି ମିଳେ ନାହିଁ। ଏହା ବ୍ୟତୀତ ଲୁଣ ଫଳର ପ୍ରାକୃତିକ ଗୁଣକୁ ହ୍ରାସ କରିଥାଏ।
କିଡନୀ ସମସ୍ୟା
ଅଧିକ ଲୁଣ ଖାଇବା କିଡନୀ ପାଇଁ ଆଦୌ ଭଲ ନୁହେଁ। ଅଧିକ ଲୁଣ ଖାଇବା କାରଣରୁ କିଡନୀରେ ସମସ୍ୟା ଦେଖାଦେଇଥାଏ। ଯଦିଓ ଆପଣଙ୍କ କିଡନୀ ରୋଗ ଅଛି, ଆଉ ଆପଣ କିଛି ଫଳ ଖାଇଥାଉ, ଯଦି ସେଥିରେ ଲୁଣ ମିଶାଇ ଖାଆନ୍ତି, ତେବେ ପରିସ୍ଥିତି ଗୁରୁତର ହୋଇପାରେ। କିଡନୀ ରୋଗରେ ଖାଦ୍ୟରେ ଲୁଣର ପରିମାଣ ମଧ୍ୟ ହ୍ରାସ କରାଯିବା ଉଚିତ୍।
ପେଟରେ ଫୁଲିବା ସମସ୍ୟା
ଅଧିକ ସୋଡିୟମ୍ ହେତୁ ଶରୀରରେ ବ୍ଲୋଟିଂ ଧାରଣ ହେବାର ଆଶଙ୍କା ଥାଏ। ଏହି କାରଣରୁ, ପେଟରେ ଫୁଲିବା ସମସ୍ୟା ଦେଖାଦେଇଥାଏ। ଅତ୍ୟଧିକ ସୋଡିୟମ୍ ହେତୁ ଶରୀର ଡିଟକ୍ସ କରିବାରେ ସକ୍ଷମ ହୁଏ ନାହିଁ। ଏହି କାରଣରୁ, ଅନେକ ପ୍ରକାରର ସ୍ୱାସ୍ଥ୍ୟ ସମସ୍ୟା ହୋଇପାରେ।
