ପାଳଙ୍ଗ ଜୁସ୍ ପୋଷକ ତତ୍ୱରେ ଭରପୁର ଥାଏ । ଏହାର ସେବନ କରିବା ଦ୍ୱାରା ସ୍ୱାସ୍ଥ୍ୟକୁ ଅନେକ ପ୍ରକାର ଲାଭ ମିଳିଥାଏ । କିନ୍ତୁ ଅନେକ ଲୋକ ଜାଣି ନାହାନ୍ତି ପାଳଙ୍ଗ ଶାଗ କଞ୍ଚା ଖାଇବା ଦ୍ୱାରା ଏହା କ୍ଷତିକାରକ ହୋଇପାରେ । ପାଳଙ୍ଗ ଶାଗ କଞ୍ଚା ଖାଇଲେ କିଡନୀ ଷ୍ଟୋନ ହେବାର ସମ୍ଭାବନା ଥାଏ । ଯଦି ଆପଣ ପାଳଙ୍ଗକୁ ସାଲାଡ ଭାବେ ଖାଉଛନ୍ତି କିମ୍ବା ଏହାର ଜୁସ୍ ପିଉଛନ୍ତି ତେବେ ସାବଧାନ ହୋଇ ଯାଆନ୍ତୁ, ଏହା ଦ୍ୱାରା ଆପଣଙ୍କ ସ୍ୱାସ୍ଥ୍ୟକୁ ଅନେକ କ୍ଷତି ପହଞ୍ଚିପାରେ ।
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁସାରେ କଞ୍ଚା ପାଳଙ୍ଗରେ ଅକ୍ସାଲେଟ କମ୍ପାଉଣ୍ଡ ବା ଅକ୍ସିଲିକ ଏସିଡ ମିଳିଥାଏ, ଯାହା ପାଳଙ୍ଗରେ ମିଳୁଥିବା ଆୟରନ, ପୋଟାସିୟମ, ଭିଟାମିନ ଏ ଏବଂ କ୍ୟାଲସିୟମର ଅବଶୋଷଣକୁ ପ୍ରତିରୋଧ କରିଥାଏ । ଏକ ଅଧ୍ୟୟନରେ ପ୍ରକାଶ ପାଇଛି ଯେ, କଞ୍ଚା ପାଳଙ୍ଗ ସେବନ ଦ୍ୱାରା ଶରୀରରେ ପାଳଙ୍ଗରୁ ମିଳୁଥିବା ଆୟରନ କେବଳ ଦୁଇ ପ୍ରତିଶତ ହିଁ ଅବଶୋଷଣ ହୋଇପାରେ । ତେବେ ଆସନ୍ତୁ ଜାଣିବା ପାଳଙ୍ଗ ଜୁସରୁ ଶରୀରକୁ କେଉଁ ପ୍ରକାର କ୍ଷତି ପହଞ୍ଚିଥାଏ ।
ପେଟ ସମ୍ଭନ୍ଧୀୟ ସମସ୍ୟା:
ପେଟକୁ ସୁସ୍ଥ ରଖିବା ପାଇଁ ପାଳଙ୍ଗ ଶାଗ ଖାଇବାକୁ ସ୍ୱାସ୍ଥ୍ୟ ବିଶେଷଜ୍ଞ ପରାମର୍ଶ ଦେଇଥାନ୍ତି । କିନ୍ତୁ ଯଦି ଆପଣ ପାଳଙ୍ଗର ଜୁସ୍ ସେବନ କରୁଛନ୍ତି, ତେବେ ଏହା ଦ୍ୱାରା ଆପଣଙ୍କ ପାଚନ ତନ୍ତ୍ର ଉପରେ ଖରାପ ପ୍ରଭାବ ପଡ଼ିପାରେ । ଏହା ଦ୍ୱାରା ହଜମ ନହେବା ଭଳି ଅନେକ ପେଟ ସମ୍ବନ୍ଧୀୟ ସମସ୍ୟା ହୋଇପାରେ ।
କିଡନୀ ଷ୍ଟୋନର ସମସ୍ୟା:
ପାଳଙ୍ଗ ଜୁସ୍ ପିଇବା ଦ୍ୱାରା ଆପଣଙ୍କୁ କିଡନୀ ଷ୍ଟୋନର ସମସ୍ୟା ହୋଇପାରେ । ତେବେ ପାଳଙ୍ଗରେ ଭରପୁର ମାତ୍ରାରେ କ୍ୟାଲସିୟମ ଅକ୍ସିଲେଟ ମିଳିଥାଏ, ଯାହାକୁ ଅଧିକ ସେବନ କରିବା ଦ୍ୱାରା କିଡନୀ ଷ୍ଟୋନ ହୋଇଥାଏ ।
ଇରିଟେବଲ ବାଉଲ ସିଣ୍ଡ୍ରୋମ:
ପାଳଙ୍ଗ ଶାଗ ଖାଇବା ଦ୍ୱାରା ଇରିଟେବଲ ବାଉଲ ସିଣ୍ଡ୍ରୋମ ହୋଇପାରେ । ଇରିଟେବଲ ବାଉଲ ସିଣ୍ଡ୍ରୋମ ଏକ ପ୍ରକାର ଗ୍ୟାଷ୍ଟ୍ରୋଇଣ୍ଟେଷ୍ଟାଇନଲ ଡିସଅର୍ଡର, ଯାହା ଆପଣଙ୍କ ପେଟ ଦରଜ ବଢ଼ାଇଥାଏ । ଅନେକ ସମୟରେ କୋଷ୍ଠକାଠିନ୍ୟ ଏବଂ ବ୍ଲୋଟିଙ୍ଗ ଭଳି ସମସ୍ୟା ସୃଷ୍ଟି କରେ ।
ଗଣ୍ଠି ଯନ୍ତ୍ରଣା:
ପାଳଙ୍ଗରେ ଅକ୍ସିଲିକ ଏସିଡ ସହ ପ୍ୟୁରିନ ଏସିଡ ମିଳିଥାଏ, ଯାହା ଗଣ୍ଠି ଯନ୍ତ୍ରଣାକୁ ବଢ଼ାଇଥାଏ । ଗଣ୍ଠି ଫୁଲା ସମସ୍ୟାରେ ପିଡ଼ିତ ରୋଗୀଙ୍କ ପାଇଁ ଏହା ଭୟଙ୍କର ହୋଇଥାଏ ।
ଟି-ଟ୍ବେଣ୍ଟି ବିଶ୍ବକପ୍ ରେ ବାଂଲାଦେଶକୁ ହରାଇ ସୁପର-୮ରେ ଭାରତର କ୍ରମାଗତ ବିଜୟ । ବାଂଲାଦେଶକୁ ୫୦ ରନରେ ପରାସ୍ତ କରି…
ଆଜି ସ୍ଥିର ରହିଛି ସୁନା-ରୂପା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି ତେବେ…
ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…
ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…
ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…