ହୃଦଘାତ କାହାକୁ ବି କେତେବେଳେ ଆସିପାରେ । କିନ୍ତୁ ଏହା ହେବାର ଗୋଟିଏ ମାସ ପୂର୍ବରୁ କିଛି ସଙ୍କେତ ଦେବା ଆରମ୍ଭ କରିଥାଏ । ଯାହାକୁ ଯଦି ଆମେ ଅଣଦେଖା କରିବା ତେବେ ହାର୍ଟ ଆଟାକରେ ଜୀବନ ମଧ୍ୟ ଯାଇପାରେ । ଆଜି ଆମେ ଏମିତି କିଛି ଲକ୍ଷଣ ବିଷୟରେ କହିବୁ ଯାହା ହୃଦଘାତ ହେବାର ଏକ ମାସ ପୂର୍ବରୁ ଦେଖାଦେଇଥାଏ ।
ପାଦ ଫୁଲିବା :
ହୃତପିଣ୍ଡ ଆମ ଶରୀରର ଏମିତି ଅଙ୍ଗ ଯାହା ୨୪ ଘଂଟା କାମ କରିଥାଏ , କାରଣ ଏହାର କାମ ପୁରା ଶରୀରରେ ବ୍ଲଡ୍ ସପ୍ଲାୟ କରିବା । ଯେତେବେଳେ ଶରୀରର କୌଣସି ଅଙ୍ଗକୁ ରକ୍ତ ପ୍ରବାହିତ ହୋଇନଥାଏ ସେତେବେଳେ ତାହା ଫୁଲିବା ଆରମ୍ଭ ହୋଇଥାଏ । ଖାସ୍ କରି ଯେବେ ଆପଣଙ୍କ ପାଦ ଫୁଲିବା ଆରମ୍ଭ ହୁଏ ଜାଣନ୍ତୁ ଏହା ହୃଦଘାତ ଆସିବାର ଲକ୍ଷଣ ।
ସବୁବେଳେ ଥଣ୍ଡା କାସ ଲାଗି ରହିବା :
ସାଧାରଣ ଥଣ୍ଡା ଜର ହେଲେ ୩/୪ ଦିନରେ ଠିକ୍ ହୋଇଯାଇଥାଏ । କିନ୍ତୁ ଯଦି ଲଗାତାର ଥଣ୍ଡା ଜର ଲାଗିରହେ ତେବେ ଜାଣନ୍ତୁ ଆପଣଙ୍କୁ ହାର୍ଟ ଆଟାକ୍ ଆସିପାରେ । କାରଣ ଥଣ୍ଡା ଜର ସମୟରେ ହୃତପିଣ୍ଡକୁ ବେଶି ପରିଶ୍ରମ କରିବାକୁ ପଡିଥାଏ ଏବଂ ଫୁସଫୁସରେ ରକ୍ତ ପ୍ରବାହ ବଢିଯାଇଥାଏ । ଯାହା ଫଳରେ ଆପଣଙ୍କ ଉପରେ ଅତିରିକ୍ତ ଚାପ ପଡିଥାଏ ଯାହା ହାର୍ଟ ଆଟାକର କାରଣ ହୋଇଥାଏ ।
ନିଶ୍ବାସ ନେବାରେ କଷ୍ଟ ହେବା:
ଯଦି ଆପଣଙ୍କୁ କୌଣସି ରୋଗ ନାହିଁ ଅଥଚ ନିଶ୍ବାସ ନେବାରେ କଷ୍ଟ ହେଉଛି ଅର୍ଥାତ୍ ହାର୍ଟ ସଠିକ୍ ଭାବରେ କାମ କରୁନାହିଁ । ଯେତେବେଳେ ହାର୍ଟ ସଠିକ୍ ଭାବରେ କାମ କରେନି ସେତେବେଳେ ଫୁସଫୁସରେ ଅମ୍ଳଜାନ ପହଂଚିବାରେ ଅସୁବିଧା ହୋଇଥାଏ । ଯାହା ଫଳରେ ନିଶ୍ବାସ ନେବାରେ ଅସୁବିଧା ହୋଇଥାଏ ।
ମୁଣ୍ଡ ବୁଲାଇବା :
ଯଦି ଯାହାର ହୃତପିଣ୍ଡ ଦୁର୍ବଳ ହୋଇଥାଏ ତେବେ ତାର ସମ୍ପୂର୍ଣ୍ଣ ଶରୀରରେ ରକ୍ତ ପ୍ରବାହ ପ୍ରଭାବିତ ହୋଇଥାଏ । ଆଉ ଯେତିକି ଅକ୍ସିଜେନ୍ ଆମ ଶରୀରରୁ ଆବଶ୍ଯକ ତାହା ମିଳିପାରିନଥାଏ । ଯାହା ପରିଣାମ ସ୍ବରୂପ ମୁଣ୍ଡ ବୁଲାଇଥାଏ । ଯଦି ଆପଣଙ୍କ ସହ ଏପରି ହେଉଛି ତେବେ ସାବଧାନ୍ ହୋଇଯାଆନ୍ତୁ ।
ବିନା ପରିଶ୍ରମରେ ଥକି ଯିବା :
ହାର୍ଟ ଆଟାକ୍ ଆସିବାର ପ୍ରାୟ ୨୫ ଦିନ ପୂର୍ବରୁ ଏପରି ଅନୁଭୂତ ହୋଇଥାଏ । କିଛି କାମ ନକରି ଶରୀର ଥକା ଥକା ଲାଗିଥାଏ । ଏହି ଲକ୍ଷଣରୁ ଜାଣନ୍ତୁ ଯେ ଧୀରେ ଧୀରେ ହାର୍ଟ ଆଟାକ୍ ଆପଣଙ୍କ ନିକଟକୁ ଆସୁଛି । ଏହାର କାରଣ ହେଉଛି ଯେତେବେଳେ ବହୁତ ଅଧିକ ମାତ୍ରାରେ ତେଲ କିମ୍ବା ଫ୍ଯାଟ୍ ଯୁକ୍ତ ଖାଦ୍ଯ ଖାଉ ସେତେବେଳେ ଧମନୀରେ କୋଲେଷ୍ଟ୍ରଲ୍ ଜମା ହେବା ଆରମ୍ଭ ହୋଇଥାଏ । ଯାହା ଫଳରେ ବ୍ଲଡ୍ ଭେସେଲ୍ସ ଜମାଟ ବାନ୍ଧିଥାଏ । ଜମାଟଥ ବାନ୍ଧିବା ଦ୍ବାରା ହାର୍ଟକୁ ଅତିରିକ୍ତ କାମ କରିବାକୁ ପଡିଥାଏ ଏବଂ ଅଧିକ ଚାପ ଲାଗିଥାଏ । ଯାହା ଫଳରେ ହୃତଘାତର ସମ୍ଭାବନା ବଢିଯାଇଥାଏ ।
ଛାତି ଭିତରେ ଅସହଜ ଅନୁଭୂତ ହେବା :
ଯେତେବେଳେ କାହାକୁ ହୃତଘାତ ଆସିବାର ଥାଏ ତାର କିଛି ଦିନ ଆଗରୁ ଲାଗିଥାଏ ଯେମିତି ଛାତି ଭିତରେ କିଛି ହେଉଛି । ଛାତି ଜଳିବା କିମ୍ବା ଚାପ ରହିବା ଭଳି ଲାଗିଥାଏ । ଯଦି ଆପଣଙ୍କୁ ବି ଏମିତି କିଛି ଅନୁଭବ ହେଉଛି ତେବେ ଏହାକୁ ଅଣଦେଖା କରନ୍ତୁ ନାହିଁ । କାରଣ ଆଗକୁ ଯାଇ ଏହା ବଡ ସମସ୍ଯାର କାରଣ ହୋଇପାରେ ।