ଖରା ଦିନ ମାନଙ୍କରେ ସାଧାରଣତଃ ଆମ୍ବ, ଖରଭୁଜ, ତରଭୁଜ ପରି ଫଳ ବଜାରରେ ପ୍ରଚୁର ମାତ୍ରାରେ ମିଳିଥାଏ । ଶରୀରକୁ ଥଂଡା ରଖିବା ପାଇଁ ଏହି ଫଳ ଖୁବ ଲାଭଦାୟୀ ହୋଇଥାଏ । ଯଦି ଆମେ ଖରଭୁଜର କଥା କହିବା ତେବେ ଏହାର ସ୍ୱାଦ ଓ ସୁଗନ୍ଧ ଖୁବ ଭଲ ହୋଇଥାଏ । ଏଥିରେ ମିଳୁଥିବା ଭିଟାମିନ ସି, ବି1, ବି6, ପୋଟାସିୟମ, ଫୋଲେଟ, କପର, ମ୍ୟାଗନେସିୟମ, ଡ଼ାଏଟ୍ରି ଫାଇବର ପରି ପୋଷାକ ତତ୍ତ୍ୱ ଶରୀର ପାଇଁ ଖୁବ ଆବଶ୍ୟକ ହୋଇଥାଏ । ଏହି ପୋଷକ ତତ୍ତ୍ୱ ଶରୀରକୁ ଅନେକ ଗୁଡିଏ ରୋଗ ବୈରାଗରୁ ଦୁରେଇ ରଖେ । ଏହାର ସେବନ କରିବା ଦ୍ୱାରା ଶରୀର ଥଣ୍ଡା ରହିବା ସହିତ ଶରୀରକୁ ଅନେକ ଫାଇଦା ମିଳିଥାଏ । ତେବେ ଆସନ୍ତୁ ଜାଣିବା ଏବିଷୟରେ:
ଖରଭୁଜ ଖାଇବା ଦ୍ୱାରା କଣ ଲାଭ ମିଳିଥାଏ ?
ଖରଭୁଜରେ ମିଳୁଥିବା ପୋଷକ ତତ୍ତ୍ୱ ଶରୀର ପାଇଁ ଖୁବ ଲାଭକାରୀ ହୋଇଥାଏ । ଏହାର ସେବନ ଦ୍ୱାରା ପାଚନ ତନ୍ତ୍ର ମଜଭୁତ ରହିଥାଏ । ଏହା ସହ ମଧୁମେହ ପରି ରୋଗ ପାଖ ମାଡିନଥାଏ । ଉଚ୍ଚ ରକ୍ତଚାପ ରୋଗୀଙ୍କ ପାଇଁ ବି ଖରଭୁଜ ଖୁବ ଫାଇଦାଦାୟକ ହୋଇଥାଏ । ଏହାର ସେବନ କରିବା ଦ୍ୱାରା ଶରୀର ବିଭିନ୍ନ ରୋଗରୁ ମୁକ୍ତି ପାଇଥାଏ ।
ଇମ୍ୟୁନିଟି ବୃଦ୍ଧିରେ ଲାଭଦାୟୀ :
ଖରଭୁଜର ସେବନ ଶରୀରର ଇମ୍ୟୁନିଟି ବୃଦ୍ଧି କରିଥାଏ । ଏଥିରେ ଥିବା ଭିଟାମିନ ଓ ମିନେରାଲ ଶରୀରର ଇମ୍ୟୁନିଟି ବୃଦ୍ଧି କରିଥାଏ । ଖରାଦିନେ ନିୟମିତ ଖରଭୁଜ ସେବନ କଲେ ଶରୀରର କ୍ଷମତା ବଢିଥାଏ ।
ଆଖି ପାଇଁ ଲାଭଦାୟୀ:
ଦୃଷ୍ଟି ଶକ୍ତି ବଢାଇବାରେ ଖରଭୁଜ ଅତ୍ୟନ୍ତ ଉପଯୋଗୀ ହୋଇଥାଏ । ଏହାର ସେବନ କରିବା ଦ୍ୱାରା ଆଖିର ଜ୍ୟୋତି ବଢିଥାଏ । ଏହା ସହ ଆଖି ସହିତ ଜଡିତ ଅନେକ ସମସ୍ୟା ବି ଦୂର ହୋଇଥାଏ । ଏଥିରେ ଥିବା ଭିଟାମିନ ଏ ବିଟା କାରୋଟିନ ଆଖିର ଜ୍ୟୋତି ବଢାଇବା ସହିତ ମୋତିଆବିନ୍ଦୁ ସମସ୍ୟାରୁ କିଛିଟା ତ୍ରାହି ଦେଇଥାଏ ।
ଶରୀରକୁ ହାଇଡ୍ରେଟ ରଖେ:
ଖରଭୁଜ ଆପଣଙ୍କ ଶରୀରକୁ ହାଇଡ୍ରେଟ ରଖିବାରେ ସାହାଯ୍ୟ କରେ । ଖରା ଦିନେ ଶରୀରରୁ ପ୍ରବଳ ଝାଳ ବାହାରିଥାଏ । ଏହି କାରଣରୁ ଶରୀରରେ ଜଳାଭାବ ଦେଖାଦିଏ । ଶରୀରରେ ଜଳର ଅଭାବକୁ ଦୂର କରିବା ପାଇଁ ଖରଭୁଜ ଖାଇବା ଉଚିତ |
ପାଚନ ତନ୍ତ୍ର ପାଇଁ ଲାଭଦାୟୀ:
ଏହାର ସେବନ କଲେ ପାଚନ ତନ୍ତ୍ର ଜନିତ ସମସ୍ୟା ଦୂର ହୋଇଥାଏ । ଏଥିରେ ଥିବା ଫାଇବର ଆପଣଙ୍କ ପାଚନ ତନ୍ତ୍ରକୁ ମଜବୁତ କରେ ।
ଉଚ୍ଚ ରକ୍ତଚାପ ପାଇଁ ଫାଇଦାଦାୟକ:
ଏଥିରେ ଥିବା ପୋଟାସିୟମ ହାଇ ବ୍ଲଡ଼ ପ୍ରେସର ପରି ସମସ୍ୟାରୁ କିଛିଟା ମୁକ୍ତି ଦେଇଥାଏ । ଯଦି ଆପଣଙ୍କର ଏହି ସମସ୍ୟା ଅଛି ତେବେ ନିୟମିତ ଭାବେ କିଛି କିଛି ଖରଭୁଜ ସେବନ କରନ୍ତୁ ।