କେବେ ଖାଇଛନ୍ତି ଗଜା ଗହମ? ଥରେ ଖାଆନ୍ତୁ ଆଉ ଦେଖନ୍ତୁ କେମିତି ମିଳୁଛି ଅଜବ ଫାଇଦା; ଏହି ସବୁ ସମସ୍ୟାକୁ ଚୁଟ୍‌କିରେ କରିଥାଏ ଦୂର

ଗହମକୁ ସାଧାରଣତଃ ଅଟା ରୂପେ ବ୍ୟବହାର କରାଯାଇଥାଏ। ଗହମ ଅଟା ସ୍ୱାଦରେ ପରିପୂର୍ଣ୍ଣ ହୋଇଥାଏ ଏବଂ ଏହା ସ୍ୱାସ୍ଥ୍ୟ ପାଇଁ ମଧ୍ୟ ବେଶ୍ ଲାଭଦାୟକ ହୋଇଥାଏ। କିନ୍ତୁ ଏଥି ସହିତ ଗହମକୁ ବିଭିନ୍ନ ଉପାୟରେ ମଧ୍ୟ ବ୍ୟବହାର କରାଯାଇ ପାରିବ, ଯେମିତି କି, ଏହାର ଦଲିୟା ଏବଂ ଏହାକୁ ଗଜା କରି ଖାଇବା। କିନ୍ତୁ କ’ଣ ଆପଣଙ୍କୁ ଜଣା ଅଛି କି, ଅଙ୍କୁରିତ ଗହମ ଆପଣଙ୍କ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ? ସେପଟେ ଅନ୍ୟ ଅଙ୍କୁରିତ ଖାଦ୍ୟଶସ୍ୟ ତୁଳନାରେ ଗହମକୁ ଅଙ୍କୁରିତ କରି ଖାଇବା ଅନେକ ଗୁଣା ଫାଇଦା ପହଞ୍ଚାଇଥାଏ। ଶରୀରର ଅନେକ ସମସ୍ୟାକୁ ହ୍ରାସ କରିବା ଠାରୁ ଆରମ୍ଭ କରି ପେଟ ସମ୍ବନ୍ଧୀୟ ସମସ୍ୟାରୁ ମୁକ୍ତି ଦେବା ପର୍ଯ୍ୟନ୍ତ, ଏ ସବୁ ପାଇଁ ଅଙ୍କୁରିତ ବା ଗଜା ଗହମ ବେଶ୍ ଉପକାରୀ ହୋଇଥାଏ। ଏମିତିରେ ଆଜି ଆମେ ଆପଣଙ୍କୁ ଅଙ୍କୁରିତ ଗହମ ଖାଇବାର ଫାଇଦା ବିଷୟରେ କହିବୁ।

ଓଜନ ନିୟନ୍ତ୍ରଣ କରେ: ଗହମକୁ ଅଙ୍କୁରିତ ବା ଗଜା କରି ଖାଇବା ଦ୍ୱାରା ଶରୀରର ମେଟାବୋଲିଜିମ୍ ବଢ଼ିଥାଏ, ଯଦ୍ଦ୍ଵାରା ଓଜନ ହ୍ରାସ କରିବାରେ ସାହାଯ୍ୟ ମିଳିଥାଏ। ଯେତେବେଳେ ଆପଣ ଜଳଖିଆରେ ଅଙ୍କୁରିତ ଗହମକୁ ସାମିଲ କରିବେ, ସେତେବେଳେ ଆପଣ ଦୀର୍ଘ ସମୟ ପର୍ଯ୍ୟନ୍ତ ପେଟ ଭରି ରହିଥିବା ଅନୁଭବ କରିବେ ଏବଂ ଅତ୍ୟଧିକ ଖାଦ୍ୟ ଗ୍ରହଣଠାରୁ ଆପଣ ଦୂରେଇ ରହି ପାରିବେ। ଏହି କାରଣରୁ ଶରୀରର ଓଜନ ବଢ଼ିବ ନାହିଁ ଏବଂ ଶରୀର ସୁସ୍ଥ ମଧ୍ୟ ରହିବ।

ହଜମ ପ୍ରକ୍ରିୟାରେ ଉନ୍ନତି: ଦୁର୍ବଳ ହଜମ ଶକ୍ତି ଥିବା ବ୍ୟକ୍ତିମାନେ ନିଜ ଡାଏଟରେ ଅଙ୍କୁରିତ ଗହମକୁ ନିଶ୍ଚୟ ସାମିଲ କରନ୍ତୁ। ଫାଇବରରେ ଭରପୂର ହେବା କାରଣରୁ ଅଙ୍କୁରିତ ଗହମ ପାଚନ ଶକ୍ତିକୁ ସୁଧାରିବାରେ ସାହାଯ୍ୟ କରିଥାଏ। ସେପଟେ ଯେଉଁମାନଙ୍କର ସବୁବେଳେ ହଜମ ସମ୍ବନ୍ଧୀୟ ସମସ୍ୟା ରହିଥାଏ, ସେମାନଙ୍କ ପାଇଁ ଅଙ୍କୁରିତ ଗହମ ବହୁତ ଭଲ ବୋଲି କୁହାଯାଏ।

ହାଡକୁ ମଜଭୁତ କରେ: ଅଙ୍କୁରିତ ଗହମରେ ଭରପୂର ମାତ୍ରାରେ କ୍ୟାଲସିୟମ୍ ରହିଛି, ଯାହା ହାଡକୁ ମଜବୁତ କରିବାରେ ସାହାଯ୍ୟ କରିଥାଏ।

Leave A Reply

Your email address will not be published.