ପ୍ରତ୍ୟେକ ବ୍ୟକ୍ତିଙ୍କ ସ୍ୱଭାବ ଅନ୍ୟଠାରୁ ଭିନ୍ନ ହୋଇଥାଏ। ଏହି ଗୁଣ ତାଙ୍କ ରାଶି ଉପରେ ପଡ଼ୁଥିବା ପ୍ରଭାବ ଅନୁସାରେ ହୋଇଥାଏ। ସେହିଭଳି ବ୍ୟକ୍ତିଙ୍କ ନାଁର ପ୍ରଥମ ଅକ୍ଷର ମଧ୍ୟ ତାଙ୍କ ସ୍ୱଭାବ ସହ ଜଡ଼ିତ କେତେକ କଥା ବିଷୟରେ ସୂଚନା ଦେଇଥାଏ। ତେବେ ଆଜି ଆସନ୍ତୁ ଜାଣିବା M ଅକ୍ଷରରେ ଆରମ୍ଭ ହେଉଥିବା ନାମଧାରୀ ଝିଅଙ୍କ ବିଷୟରେ…
ଯେଉଁ ମହିଳା କିମ୍ବା ଯୁବତୀଙ୍କ ନାଁର ଆରମ୍ଭ M ରୁ ହୋଇଥାଏ, ସେମାନେ ସାହସୀ ଓ ବିଶ୍ୱସ୍ତ ହୋଇଥାଆନ୍ତି। ଏମାନେ ପ୍ରତ୍ୟେକ କାର୍ଯ୍ୟକୁ ଶେଷ ହେବା ଯାଏଁ କରିଥାନ୍ତି। ଏମାନେ ନିଜ ଜୀବନକୁ ନେଇ ବହୁତ ସିରିୟସ୍ ହୋଇଥାନ୍ତି। ଏହି ଝିଅମାନେ ବେଶ୍ ବୁଦ୍ଧିମତୀ ଓ ଚଞ୍ଚଳ ସ୍ୱଭାବର ହୋଇଥାଆନ୍ତି। ଏମାନେ କାମ କରିବା ପୂର୍ବରୁ ଚିନ୍ତା କରିଥାନ୍ତି। ବୁଝି ବିଚାରି କାମ କରିବାକୁ ଏମାନେ ଭଲ ପାଆନ୍ତି।
M ନାମଧାରୀ ବ୍ୟକ୍ତି ନିଜ ଉତ୍ତମ ଗୁଣ ଯୋଗୁ ସହଜରେ ସମସ୍ତଙ୍କ ବିଶ୍ୱାସ ଜିତିଯାଆନ୍ତି। ଏମାନେ ପ୍ରତ୍ୟେକ କାମକୁ ଖୁବ୍ ଆନ୍ତରିକତାର ସହ କରନ୍ତି। ଏମାନେ ନିଜ ପାର୍ଟନରଙ୍କ ସହ ବିଶ୍ୱସ୍ତ ହୋଇଥାନ୍ତି। ଏମାନେ କେବେ ବି ନିଜ ପାର୍ଟନରକୁ ଧୋକା ଦିଅନ୍ତି ନାହିଁ। ଏମାନେ ନା ମିଛ କୁହନ୍ତି ନା ଶୁଣିବାକୁ ପସନ୍ଦ କରନ୍ତି। ଏମାନେ ସବୁବେଳେ ସମସ୍ତଙ୍କ ସହ ହୃଦୟରୁ ସମ୍ପର୍କ ରଖିଥାଆନ୍ତି।