ଏଲୋଭେରାକୁ ଘି କୁଆଁରୀ ମଧ୍ୟ କୁହାଯାଏ ବୋଲି ଆମେ ଜାଣିଛୁ । ଅନେକ ଲୋକଙ୍କ ବଗିଚା ବା ବାଲ୍କୋନିର କୁଣ୍ଡରେ ଏହି ଆଲୋବେରାକୁ ଦେଖିବାକୁ ମିଳିଥାଏ । ଏହା ଶରୀର ପାଇଁ କେତେ ଲାଭପ୍ରଦ ହୋଇଥାଏ ତାହା ଆମେ ସାଧରଣତଃ ଜାଣିଥାଉ । ଏହା କେଶ, ତ୍ବଚା ବ୍ୟତୀତ ଆମ ସୁସ୍ଥ ଶରୀର ପାଇଁ ଉପଯୋଗୀ ବୋଲି ଆମେ ଜାଣିଛୁ ।
ଏଲୋଭେରା ରସ ଶରୀର ପାଇଁ ଲାଭଦାୟକ ବୋଲି ବିବେଚନା କରାଯାଇଛି । ଏହାର ରସକୁ ଖାଲି ପେଟରେ ଖାଇବା ଦ୍ବାରା ପାଚନ ଶକ୍ତି ସମସ୍ୟାରୁ ମୁକ୍ତି ମିଳିଥାଏ । ତ୍ବଚାରେ ଚମକ ଆଣିବା ସହିତ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରିବାରେ ସାହାଯ୍ୟ କରିଥାଏ ।
ଏଲୋଭେରାରେ ଏନଜାଇମ ପ୍ରଚୁର ମାତ୍ରାରେ ଥାଏ । ତେଣୁ ଏହା ଖାଦ୍ୟକୁ ହଜମ କରିବା ସହିତ ପେଟ ଜନିତ ସମସ୍ୟାକୁ ଦୂର କରିଥାଏ । ଏହାର ରସକୁ ଖାଲି ପେଟରେ ସେବନ କରିବା ଦ୍ବାରା ଗ୍ୟାସ ଭଳି ସମସ୍ୟାକୁ ମଧ୍ୟ ଆୟତ୍ତ କରିଥାଏ । ଏଥିରେ ଆଣ୍ଟିବ୍ୟାକ୍ଟେରିଆଲ ଏବଂ ଆଣ୍ଟଅକ୍ସିଡେଟ ଗୁଣ ଥିବାରୁ ଆମ ଶରୀରର ଇମ୍ୟୁନିଟିକୁ ବଢାଇଥାଏ । ଇନଫେକ୍ସନ୍ ଭଳି ସମସ୍ୟାଠାରୁ ମଧ୍ୟ ବଞ୍ଚାଇଥାଏ ।
ଆମ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରି ତ୍ବଚାକୁ ଭିତରୁ ପୋଷଣ ଦେଇଥାଏ । ଖାଲି ପେଟରେ ଏହାର ରସକୁ ପିଇବା ଦ୍ବାରା ତ୍ବଚାକୁ କୋମଳ କରିବା ସହିତ ତ୍ବଚାରେ ଚମକ ଆଣିଦେଇଥାଏ। ତେଣୁ ପ୍ରତିଦିନ ଏଲୋଭେରା ରସକୁ ଖାଲିପେଟରେ ପିଇବା ଆବଶ୍ୟକ ।
Also Read : ଖରାଦିନେ ଖାଆନ୍ତୁନାହିଁ ଏହି ୫ଟି ଫଳ, ନଚେତ ହୋଇପାରେ ଅନେକ ସ୍ୱାସ୍ଥ୍ୟ ସମସ୍ୟା