ଅଧିକାଂଶ ଲୋକମାନେ ଖାଦ୍ୟକୁ ସ୍ବାଦିଷ୍ଟ କରିବା ପାଇଁ ଡାଲଚିନି ବ୍ୟବହାର କରିଥାନ୍ତି। କିନ୍ତୁ ଆପଣ ଜାଣିଛନ୍ତି କି ଡାଲଚିନିରେ ପ୍ରଚୁର ପରିମାଣରେ ଔଷଧୀୟ ଗୁଣ ଭରି ରହିଛି। ଯାହା ସ୍ବାସ୍ଥ୍ୟ ଏବଂ ସୁନ୍ଦରତା ପାଇଁ ଲାଭକାରୀ ହୋଇଥାଏ। ଏହା ବ୍ୟତୀତ ଡାଲଚିନିକୁ କ୍ଷୀର ସହ ମିଶାଇ ପିଇଲେ ଏହା ଶରୀର ପାଇଁ ଲାଭକାରୀ ହୋଇଥାଏ। ଡାଲଚିନି ମିଶ୍ରଣ କ୍ଷୀର ଅନେକ ରୋଗରୁ ସୁରକ୍ଷା ଦେବା ସହ ଶରୀର ପାଇଁ ଲାଭକାରୀ ହୋଇଥାଏ।
ଯଦି ଆପଣଙ୍କ ପାଚନ ପକ୍ରିୟା ଠିକ ହୋଇନଥାଏ ତେବେ ଆପଣ ଡାଲଚିନି କ୍ଷୀର ପିଇବା ଦ୍ବାରା ପାଚନ କ୍ରିୟା ଠିକ ହେବା ସହ ଗ୍ୟାସ ସମ୍ବନ୍ଧିତ ସମସ୍ୟା ମଧ୍ୟ ଦୂର ହୋଇଯାଇଥାଏ। ଅନେକ ରିସର୍ଚ୍ଚରୁ ମଧ୍ୟ ଜାଣିବାକୁ ମିଳିଛି ଡାଲଚିନିରେ ଥିବା ଔଷଧୀୟ ଗୁଣ ବ୍ଲଡ ସୁଗାରକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ। ବିଶେଷ ରୂବେ ଏହି କ୍ଷୀର ଟାଇପ-୨ ଡାଇବେଟିଜ ବ୍ୟକ୍ତିମାନଙ୍କ ପାଇଁ ଲାଭକାରୀ ହୋଇଥାଏ।
ଯଦି ଆପଣଙ୍କର ଅନିଦ୍ରା ବା ନିଦ ନ ହେବା ଭଳି ସମସ୍ୟା ଦେଖାଯାଇଥାଏ ତେବେ ଡାଲଚିନି କ୍ଷୀର ଆପଣଙ୍କ ପାର୍ଇ ଲାଭକାରୀ ହୋଇଥାଏ। ଶୋଇବା ପୂର୍ବରୁ ଗୋଟିଏ ଗ୍ଲାସ ଡାଲଚିନି କ୍ଷୀର ପିଇଲେ ନିଦ ଭଲ ହୋଇଥାଏ। ଏଥିସହ ଏହି କ୍ଷୀର ପିଇବା ଦ୍ବାରା ତ୍ବଚା ଏବଂ କେଶ ସମ୍ବନ୍ଧିତ ସମସ୍ୟା ଦୂର ହୋଇଥାଏ। ଏହାର ଆଣ୍ଟି-ବ୍ୟାକ୍ଟେରିଆଲ ଗୁଣ ତ୍ବଚା ଏବଂ କେଶକୁ ସଂକ୍ରମଣରୁ ରକ୍ଷା କରିଥାଏ। ଏହା ବ୍ୟତୀତ ବିଶେଷଜ୍ଞମାନଙ୍କ କହିବା ଅନୁଯାୟୀ ପ୍ରତ୍ୟେକ ଦିନ ଡାଲଚିନି ମିଶ୍ରଣ କ୍ଷୀର ପିଇଲେ ହାଡ ମଜବୁତ୍ ହେବା ସହ ଗଣ୍ଠି ସମସ୍ୟା ଦୂର ହୋଇଥାଏ।