ବାରମ୍ବାର ହେଉଛି କି ମୁଣ୍ଡବିନ୍ଧା? ହୋଇପାରେ ବଡ଼ ସମସ୍ୟା, ଭୁଲରେ ବି କରନ୍ତୁନାହିଁ ଅଣଦେଖା

ମୁଣ୍ଡ ବିନ୍ଧିବା ବହୁତ ସାଧାରଣ କଥା । କାରଣ ପ୍ରାୟ ସମୟରେ ଅନେକ ଲୋକ ଏହି ସମସ୍ୟାକୁ ସାମ୍ନା କରନ୍ତି । କିନ୍ତୁ ଯଦି ଆପଣଙ୍କର ବାରମ୍ବାର ମୁଣ୍ଡବିନ୍ଧା ହେଉଛି ତେବେ ଏହାକୁ ଅବହେଳା କରାଯିବା ଉଚିତ୍ ନୁହେଁ । କାରଣ ଏପରି ହେବା ପଛରେ ଏକ ବଡ଼ କାରଣ ଥାଇପାରେ। ମୁଣ୍ଡବିନ୍ଧା ଆପଣଙ୍କ କାମକୁ ମଧ୍ୟ ପ୍ରଭାବିତ କରିଥାଏ । ଏପରି ପରିସ୍ଥିତିରେ ଯଦି ଆପଣ ମୁଣ୍ଡବିନ୍ଧା ସମସ୍ୟା ଦେଇ ଗତି କରୁଛନ୍ତି ତାହେଲେ ଆପଣଙ୍କୁ କିଛି ଜିନିଷ ପ୍ରତି ଧ୍ୟାନ ଦେବା ଆବଶ୍ୟକ । ଆମେ ଆଜି ଆପଣଙ୍କୁ ବତାଇବୁ ବାରମ୍ବାର ମୁଣ୍ଡବ୍ୟଥା ହେବାର କାରଣ କଣ ହୋଇପାରେ ।

ବାରମ୍ବାର ମୁଣ୍ଡବିନ୍ଧାର କାରଣ କ’ଣ ହୋଇପାରେ?

ଥଣ୍ଡା କିମ୍ବା ଫ୍ଲୁ

ଯଦି ଆପଣଙ୍କୁ ଥଣ୍ଡା ଜ୍ୱର ସମସ୍ୟା ରହିଛି, ତେବେ ମୁଣ୍ଡବିନ୍ଧା ହେବା ଏକ ସାଧାରଣ କଥା, ଏପରି ପରିସ୍ଥିତିରେ ଆପଣ ତୁରନ୍ତ ଡାକ୍ତରଙ୍କ ପରାମର୍ଶ ନେବା ଉଚିତ । କାରଣ ମୁଣ୍ଡବିନ୍ଧା ସମସ୍ୟା ବଢିପାରେ ।

ଷ୍ଟ୍ରେସ

ଅନେକ ଲୋକ ସବୁବେଳେ ଷ୍ଟ୍ରେସରେ ରୁହନ୍ତି ଯେଉଁଥିପାଇଁ ସେମାନେ ଏକା ରହିବା ଭଳି ଅନୁଭବ କରନ୍ତି । ଯେଉଁ କାରଣରୁ ସେମାନଙ୍କର ମୁଣ୍ଡବିନ୍ଧା ହୋଇଥାଏ । ଏପରି ପରିସ୍ଥିତିରେ ଷ୍ଟ୍ରେସ କମାଇବା ପାଇଁ, ଖୁସି ହେବାକୁ ଚେଷ୍ଟା କରନ୍ତୁ । ଗଭୀର ନିଦରେ ଶୋଇବାକୁ ଚେଷ୍ଟା କରନ୍ତୁ ।

ଅତ୍ୟଧିକ ମଦ ପିଇବା

ଅନେକ ଲୋକ ପ୍ରତିଦିନ ମଦ୍ୟପାନ କରିବାକୁ ଭଲ ପାଆନ୍ତି । ଏପରି ଲୋକମାନେ ମୁଣ୍ଡବିନ୍ଧା ସମସ୍ୟାର ସମ୍ମୁଖୀନ ହୋଇଥାନ୍ତି । ଏପରି ପରିସ୍ଥିତିରେ ଯଦି ଆପଣ ମୁଣ୍ଡବିନ୍ଧାରୁ ମୁକ୍ତି ପାଇବାକୁ ଚାହାଁନ୍ତି ତେବେ ମଦ୍ୟପାନ କିମ୍ବା ଧୂମପାନଠାରୁ ଦୂରେଇ ରୁହନ୍ତୁ ।

ଆଖି ସମସ୍ୟା

ଯଦି ଆଖି ସହ ଜଡିତ କିଛି ସମସ୍ୟା ରହିଛି, ତେବେ ମୁଣ୍ଡବିନ୍ଧାର ସମସ୍ୟା ହୋଇପାରେ । ଏପରି ପରିସ୍ଥିତିରେ ଯଦି ଆପଣଙ୍କର ପ୍ରତିଦିନ ମୁଣ୍ଡବିନ୍ଧା ହେଉଛି ତେବେ ଆପଣ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ୍ ।

ଡିହାଇଡ୍ରେସନ୍

ଶରୀରରେ ଜଳ ଅଭାବ ହେତୁ ମୁଣ୍ଡବିନ୍ଧା ମଧ୍ୟ ହୋଇଥାଏ । ଏହି ପରିସ୍ଥିତିକୁ ଏଡାଇବା ପାଇଁ ଶରୀରକୁ ହାଇଡ୍ରେଟ୍ ରଖନ୍ତୁ । ଏଥିପାଇଁ ଦିନରେ ଅତି କମରେ ୮ ଗ୍ଲାସ୍ ପାଣି ପିଅନ୍ତୁ ।

ଯନ୍ତ୍ରଣାରୁ ମୁକ୍ତି ଦେଉଥିବା ଔଷଧ

ଯନ୍ତ୍ରଣାରୁ ମୁକ୍ତି ଦେଉଥିବା ଔଷଧର ଅତ୍ୟଧିକ ବ୍ୟବହାର ହେତୁ ଲୋକମାନେ ମଧ୍ୟ ମୁଣ୍ଡବିନ୍ଧାର ଶିକାର ହୋଇପାରନ୍ତି ।