ଏହି ପରି ପ୍ରସ୍ତୁତ କରନ୍ତୁ “ତାୱା ପନିର”, ରୁଟି ଓ ପରଟାର ଦଶ ଗୁଣା ବଢ଼ିଯିବ ସ୍ୱାଦ
ପ୍ରୋଟିନ, କ୍ୟାଲସିୟମରେ ଭରପୁର ପନିର ସ୍ୱାସ୍ଥ୍ୟ ପାଇଁ ଖୁବ ଲାଭଦାୟୀ ହୋଇଥାଏ । ପନିରରେ ଆମେ ଭିନ୍ନ ଭିନ୍ନ ସୁସ୍ୱାଦୁ ଖାଦ୍ୟ ପ୍ରସ୍ତୁତ କରି ଖାଇପାରିବା । ଯେମିତିକି ଶାହୀ ପନିର, ପନିର ଟୀକ୍କା, ମଟର ପନିର ଓ ତାୱା ପନିର ଆଦି । ଲୋକେ ନିଜ ଅନ୍ଦାଜରେ ପନିରରେ ଭିନ୍ନ ଭିନ୍ନ ଖାଦ୍ୟ ପ୍ରସ୍ତୁତ କରି ତାର ମଜା ନେଇଥାନ୍ତି । ତେବେ ଆସନ୍ତୁ ଆଜି “ତାୱା ପନିର” କିପରି ପ୍ରସ୍ତୁତ ହୁଏ ତାର ରେସିପି ବିଷୟରେ ଜାଣି ରଖିବା । ଯାହାର ସ୍ୱାଦ ଆପଣଙ୍କ ଥାଳିର ସ୍ୱାଦକୁ ଦ୍ବିଗୁଣିତ କରିଦେବ ।
ଜାଣିରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
– ୫୦୦ଗ୍ରାମ ପନିର
– ଲମ୍ବା ଲମ୍ବା କଟାଯାଇଥିବା ପିଆଜ
– କଟା ଯାଇଥିବା ସିମଲା ମିର୍ଚ୍ଚ
– ୧୦ ପାଖୁଡା ରସୁଣ ପେଷ୍ଟ
– ଖଣ୍ଡେ ଅଦା
– ୪ ଟି କଞ୍ଚା ଲଙ୍କା
– ୬୦୦ ଗ୍ରାମ ଦହି
– ୨ ଚାମଚ ଧନିଆ ଗୁଣ୍ଡ
– ଅଧା ଚାମଚ ଲଙ୍କା ଗୁଣ୍ଡ
– ୨ ଚାମଚ ଚାଟ ମସଲା
– କଟା ଯାଇଥିବା ପୋଦିନା ପତ୍ର
– କଟା ଯାଇଥିବା ଧନିଆ ପତ୍ର
– ସ୍ୱାଦଅନୁସାରେ ଲୁଣ
– ତେଲ
– ସଜେଇବା ପାଇଁ ଧନିଆ ପତ୍ର
ପ୍ରସ୍ତୁତି ପ୍ରଣାଳୀ:
ପନିରକୁ ପିସ ପିସ କରି କାଟି ଦିଅନ୍ତୁ । ଆଉ ଏକ ପାତ୍ରରେ ଦହି ବାହାର କରି ସେଥିରେ ଫେଣ୍ଟି ଦିଅନ୍ତୁ ।
ଏବେ ଦହିରେ ଅଦା- ରସୁଣ ପେଷ୍ଟ, କଞ୍ଚା ଲଙ୍କା, ଲଙ୍କା ଗୁଣ୍ଡ, ଧନିଆ ଗୁଣ୍ଡ, ଚାଟ ମସଲା, ପୁଦିନା ପତ୍ର, ଲୁଣ ଆଦିକୁ ଭଲ ଭାବରେ ମିକ୍ସ କରି ଦିଅନ୍ତୁ ।
ଏବେ ଦହି ମିଶ୍ରଣରେ ପନିର ଖଣ୍ଡକୁ ପକାନ୍ତୁ । ଏହାକୁ ୨ ରୁ ୩ ଘଣ୍ଟା ପାଇଁ ରଖି ଦିଅନ୍ତୁ ।
ଏହା ପରେ ଗ୍ୟାସ ଉପରେ ତାୱା ରଖନ୍ତୁ । ଏଥିରେ ଗୋଟେ ଚାମଚ ତେଲ ଦେଇ ଗରମ କରନ୍ତୁ । ତେଲ ଗରମ ହୋଇଆସିଲେ ସେଥିରେ ପିଆଜ, ସିମ୍ଲା ମିର୍ଚ୍ଚ ଦେଇ ଫ୍ରାଏ କରନ୍ତୁ ।
ପରିବା ଗୁଡିକ ମଉଳି ଆସିଲେ ଏଥିରେ ପନିର ଓ ଦହିର ମିଶ୍ରଣକୁ ଦେଇ ଭଲ ଭାବରେ ମିକ୍ସ କରନ୍ତୁ । ମଧ୍ୟମ ଆଞ୍ଚରେ ୭ ରୁ ୮ ମିନିଟ ପାଇଁ ରଖି ପନିରକୁ ଦୁଇ ପାଖରୁ ସିଝାନ୍ତୁ ।
ପନିର ହୋଇଆସିଲେ ଗ୍ୟାସର ଆଞ୍ଚକୁ କମ କରି ଦୁଇ ପାଖ ସୁନେଲି ରଙ୍ଗ ହେବା ଯାଏଁ ଫ୍ରାଏ କରନ୍ତୁ ।
ଏବେ ପ୍ରସ୍ତୁତ ହୋଇଗଲା ମସାଲାଦାର ଚଟପଟା “ତାୱା ପନିର” । ଏହାକୁ ଏବେ ପରଟା କିମ୍ବା ରୁଟି ସହିତ ଖାଆନ୍ତୁ ।