New Year Weekରେ ଘରେ ଖୁବ ସହଜରେ ବନାନ୍ତୁ ଭାନିଲା କେକ୍
ଚକୋଲେଟ ଭଳି ଭାନିଲା ଫ୍ଲେବର ବି ଅନେକଙ୍କର ପ୍ରିୟ । ସାଧାରଣତଃ ଆମେ ବଜାରରୁ ହିଁ ଏହି କେକ କିଣି ଖାଇଥାଉ । କିନ୍ତୁ ଜାଣନ୍ତିକି ଖୁବ ସହଜରେ ଆପଣ ଏହାକୁ ନିଜ ଘରେ ପ୍ରସ୍ତୁତ କରି ପାରିବେ । ତେବେ ଆଉ ଡେରି ନ କରି ନିୟୁ ଇୟର ସପ୍ତାହରେ ଘରେ ପ୍ରସ୍ତୁତ କରନ୍ତୁ ଭାନିଲା କେକ ।
ଆବଶ୍ୟକୀୟ ସାମଗ୍ରୀ:
ଗୋଟେ କପ କ୍ଷୀର
ଅଧା କପ ପାଉଡର ଚିନି
ଅଧ କପରୁ କମ ତେଲ
2 ରୁ 3 ବୁନ୍ଦା ଭାନିଲା ଏସେନ୍ସ
ଗୋଟେ କପ ମଇଦା
ଅଧା ଚାମଚ ଇନୋ
ଅଧା କପ ପାଣି
ଅଧା କପ ଚିନି
କିଛି କୋକୋ ପାଉଡର
ସୁଗାର ଶୀରପ
କିଛି କଟା ଯାଇଥିବା ଅଖରୋଟ
ପ୍ରସ୍ତୁତି ପ୍ରଣାଳୀ:
– ପ୍ରଥମେ ପ୍ରେସର କୁକରର ସିଟି ବାହାର କରି ଦିଅନ୍ତୁ ।
– ଯଦି ଚାହିଁବେ କୁକର ତଳେ ଲୁଣର ଏକ ପତଳା ସ୍ତର ଦେଇପାରିବେ ।
– ଏବେ ଢାଙ୍କୁଣୀ ବନ୍ଦ କରି 7 ରୁ 8 ମିନିଟ ପର୍ଯ୍ୟନ୍ତ ମଧ୍ୟମ ଆଞ୍ଚରେ ଗରମ କରି ନିଅନ୍ତୁ |।
– ଏବେ ଏକ ଟ୍ରେର ବେସରେ ଏକ ବଟର ପେପର ଲଗାଇ ଦିଅନ୍ତୁ
– ଯଦି ଚାହିଁବେ ଟିନକୁ ତେଲ ଅବା ତେଲ ଦେଇ ଭଲ ଭାବରେ ଚିକ୍କଣ କରି ପାରିବେ । ପେପର ନ ଦେଇ ମଇଦା ଛିଞ୍ଚି ପାରିବେ ।
– ଏବେ ଆଉ ଏକ ପାତ୍ରରେ କ୍ଷୀର ଆଉ ଚିନି ମିଶାଇ ଦିଅନ୍ତୁ । ସେଥିରେ ଭାନିଲା ଏସେନ୍ସ ଓ କିଛି ତେଲ ଦିଅନ୍ତୁ ।
– ଏବେ ମଇଦାକୁ ଏହି ମିଶ୍ରଣରେ ପକାଇ ଭଲ ଭାବରେ ଗୋଳାଇ ନିଅନ୍ତୁ ।
– ଇନୋ ପକାଇ ଭଲ ଭାବରେ ମିଶାନ୍ତୁ ।
– ଯଦି ଚାହିଁବେ ଏଥିରେ ଚକୋ ଚିପ୍ସ, ଟୁଟି ଫ୍ରୁଟି ଅବା ଡ୍ରାଏ ନଟ୍ସ ପକାଇ ପାରିବେ ।
– ଏବେ କେକ ଟିନରେ ପ୍ରସ୍ତୁତ ହୋଇଥିବା ଘୋଳକୁ ଢ଼ାଳି ଦିଅନ୍ତୁ ।
– ଏବେ ଗରମ ହୋଇଥିବା କୁକରର ଷ୍ଟାଣ୍ଡ ଉପରେ ଟିନ ଟିକୁ ରଖନ୍ତୁ ।
– ଢାଙ୍କୁଣୀ ଦେଇ ଦିଅନ୍ତୁ ।
– ଏବେ ମଧ୍ୟମ ଆଁଚରେ 25ରୁ 30 ମିନିଟ ପର୍ଯ୍ୟନ୍ତ ବସାନ୍ତୁ ।
– 30 ମିନିଟ ଯାଏଁ ମଧ୍ୟମ ଆଞ୍ଚରେ ବସିବା ପରେ ଗ୍ୟାସ ବନ୍ଦ କରି ଦିଅନ୍ତୁ । ଆପଣଙ୍କ କେକ ଏବେ ପୁରା ପ୍ରସ୍ତୁତ ।
