ପିଲାଙ୍କ ପାଇଁ ମାତ୍ର ୧୦ ମିନିଟରେ ପ୍ରସ୍ତୁତ କରନ୍ତୁ “ପାଇପ ଚାଟ”, କେମିତି ବନେଇବେ ଜାଣନ୍ତୁ
ଭାରତରେ ବିଭିନ୍ନ ପ୍ରକାର ଚଟପଟା ଖାଦ୍ୟର ଯେତିକି ଆଦୃତ ରହିଛି ହୁଏତ ବିଶ୍ୱର ଆଉ କୌଣସି ସ୍ଥାନରେ ଦେଖିବାକୁ ମିଳେନାହିଁ । ଦେଶର ଭିନ୍ନ ଭିନ୍ନ ସ୍ଥାନରେ ଭିନ୍ନ ଭିନ୍ନ ସ୍ୱାଦର ଖାଦ୍ୟ ଅଧିବାସୀ ଖାଉଥିଲେ ମଧ୍ୟ ଷ୍ଟ୍ରିଟ ଫୁଡର ଏକ ଭିନ୍ନ ଚାହିଦା ରହିଛି । ଆଉ ଷ୍ଟ୍ରିଟ ଫୁଡ ଭାବରେ ସାଧାରଣତଃ ମସାଲାଦାର, ଚଟପଟା, ଖଟା ମିଠା ଖାଦ୍ୟ ମିଳିଥାଏ । କିନ୍ତୁ ଏସବୁ ଭିତରେ ଚାଟର ଲୋକପ୍ରିୟତା କିଛିଟା ନିଆରା । ଟିକେ ଖଟା, ଟିକେ ମିଠା, ଟିକେ ରାଗ ଚାଟ କଥା ମୁହଁକୁ ଆସିଲା ମାତ୍ରେ ପାଟିରେ ଲାଲ ଆସିଯାଏ । ବିଭିନ୍ନ ପ୍ରକାର ସୁସ୍ୱାଦୁ ପଦାର୍ଥର ମିଶ୍ରଣରେ ହିଁ ଚାଟ ପ୍ରସ୍ତୁତ କରାଯାଇଥାଏ । ସନ୍ଧ୍ୟା ସମୟରେ ଏହାକୁ ଲୋକମାନେ ଖାଇବାକୁ ଅଧିକ ପସନ୍ଦ କରିଥାନ୍ତି । ଲୋକେ ଏହାକୁ ବଜାରରରୁ କିଣି ଖାଉଥିବା ବେଳେ ଏହାକୁ ଖୁବ ସହଜରେ ଘରେ ମଧ୍ୟ ବନା ଯାଇପାରିବ । ଲେଖିରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
ଆଳୁ
କଟା ଯାଇଥିବା ପିଆଜ
ଗ୍ରୀନ ଚଟଣି
କଟା ଯାଇଥିବା କଞ୍ଚା ଲଙ୍କା
ଧନିଆ ପତ୍ର
ମିଠା ଚଟଣି ବା ସସ
ଲୁଣ
ଗୋଲମରିଚ ଗୁଣ୍ଡ
ଲଙ୍କା ଗୁଣ୍ଡ
ଚାଟ ମସଲା
ଭଜା ଜିରା
ପାମ୍ପଡ
ସେଓ
ପ୍ରସ୍ତୁତି ପ୍ରଣାଳୀ:
ପ୍ରଥମେ ଦୁଇଟି ଆଳୁକୁ ଭଲ ଭାବରେ ସିଝାଇ ଦିଅନ୍ତୁ । ଥଣ୍ଡା ହୋଇଆସିଲେ ଚୋପା ଛଡ଼ାଇ ଚକଟି ଦିଅନ୍ତୁ । ଏବେ ଦୁଇଟି ପିଆଜକୁ ଚୁନଚୁନ କରି କାଟିଦିଅନ୍ତୁ । ଲଙ୍କାକୁ ବି କାଟି ଦିଅନ୍ତୁ । ଏବେ ଧନିଆ ପତ୍ର, ଗ୍ରୀନ ଚଟଣି, ମିଠା ଚଟଣି ଆଦିକୁ ଆଳୁ ଉପରେ ଦିଅନ୍ତୁ ।
ଅନ୍ୟ ପଟରେ ସିଝା ଆଳୁ ସହିତ ଗୋଲ ମରିଚ ଗୁଣ୍ଡ, ଲଙ୍କା ଗୁଣ୍ଡ, ଚାଟ ମସଲା, ଭଜା ଜିରା ଗୁଣ୍ଡ ଆଦିକୁ ମିଶାଇ ଦିଅନ୍ତୁ । ଶେଷରେ ଲୁଣ ଦେଇ ଚକଟନ୍ତୁ ।
ଏବେ ଚୁଲାରେ ଏକ ପ୍ୟାନ ବସାଇ ତେଲ ଗରମ କରି ପାମ୍ପଡ ଛାଣି ଦିଅନ୍ତୁ । ଗୋଟେ ପାତ୍ରକୁ କାଢି ଦିଅନ୍ତୁ । ଭାଜି ହୋଇଆସିଲେ ପାମ୍ପଡକୁ ଅଧାରୁ କାଟି ଦିଅନ୍ତୁ ।
ଏବେ ଆଳୁ ମିକ୍ସକୁ ପାମ୍ପଡ଼ ଭିତରେ ଦେଇ ରୋଲ କରିଦିଅନ୍ତୁ । ପସନ୍ଦ ଅନୁସାରେ ଆପଣ ସେଥିରେ କିଛି ସେଓ ବି ଦେଇପାରିବେ । ଏବେ ଆପଣଙ୍କ ପିପ ପାମ୍ପଡ ଚାଟ ପ୍ରସ୍ତୁତ ହୋଇଗଲା ।
