ଥରେ “ବିରିଡାଲି ପୁରି” ଚାଖନ୍ତୁ ତ, ଯେତେ ଖାଇଲେ ବି ମନ ଭରିବନି
ପୁରୀ ଖାଇବା କାହାର ପସନ୍ଦ ନୁହେଁ । ଟିକେ ଥଣ୍ଡା ପଡିଲେ କିମ୍ବା ବର୍ଷା ପାଗ ଦେଖାଦେଲେ ପ୍ରଥମେ ପୁରି କଥାଟି ହିଁ ମନକୁ ଆସେ । ସମସ୍ତେ ନିଶ୍ଚିତ ରୂପେ ନିଜ ନିଜ ଘରେ ବିଭିନ୍ନ ପ୍ରକାର ପୁରି ପ୍ରସ୍ତୁତ କରି ଖାଇଥିବେ । ଆଳୁ କଷା, ବୁଟ ଡାଲି ଆଦି ସହିତ ଏଗୁଡିକର ମଜା ନେଇଥିବେ । କିନ୍ତୁ କେବେ ଆପଣଙ୍କ ମନକୁ ବିରି ଡ଼ାଲି ପୁରି କରିବା କଥା ମନକୁ ଆସିଛିକି । ଯଦି ଆସିନି କିମ୍ବା ଭାବି ନାହାନ୍ତି ତେବେ ଥରେ ଘରେ ବନେଇ ଖାଆନ୍ତୁ ଓ ଅନ୍ୟ ମାନଙ୍କୁ ଖୁଆନ୍ତୁ “ବିରି ଡ଼ାଲି ପୁରି” ।
ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
୨୫୦ ଗ୍ରାମ ବିରି ଡ଼ାଲି
୨ଟି ବଡ଼ ଅଳେଇଚ
ଅଧା ଚାମଚ ଗୋଲମରିଚ ଗୁଣ୍ଡ
୨ ଟି ତେଜ ପତ୍ର
କିଛି ଲଙ୍କା ଗୁଣ୍ଡ
ଗୋଟେ ଚାମଚ ଜିରା
ଅଧା ଚାମଚ ମେଥି ଦାନା
ଗୋଟେ ଚାମଚ ପାନମହୁରୀ
ଗୋଟେ ଚାମଚ ଧନିଆ
୪ କପ ଅଟା
ଅଧା ଚାମଚ ବେକିଙ୍ଗ ସୋଡା଼
ସ୍ୱାଦନୁସରେ ଲୁଣ
ଛାଣିବା ପାଇଁ ତେଲ
ପ୍ରସ୍ତୁତି ପ୍ରଣାଳୀ:
ପ୍ରଥମେ ବିରି ଡ଼ାଲି ଭଲ ଭାବରେ ଧୋଇ ରଖନ୍ତୁ । କିଛି ସମୟ ଭିଜେଇବା ପରେ ଏକ ସଫା କପଡାରେ ଶୁଖାଇ ଦିଅନ୍ତୁ । ଏବେ ଅନ୍ୟ ସମସ୍ତ ମସଲା ଜାତୀୟ ଜିନିଷ ଗୁଡିକୁ କଡେଇରେ ଟିକେ ଭାଜି ଦେଇ ଅଲଗା ରଖି ଦିଅନ୍ତୁ ।
ଏବେ ସବୁକୁ ଗ୍ରାଇଣ୍ଡରରେ ରଖି ଗୁଣ୍ଡ କରିଦିଅନ୍ତୁ । ଏକ ଶୁଖିଲା ଡବାରେ ଅଲଗା କରି ରଖିଦିଅନ୍ତୁ ।
ଏବେ ଅଟା ଚକଟା ବନେଇବା ପାଇଁ ଅଧା କପ ଡ଼ାଲିରେ ଗୋଟେ କପ ଗରମ ପାଣି ଦେଇ ବାଟି ଦିଅନ୍ତୁ । ୩୦ ମିନିଟ ପାଇଁ ଛାଡି ଦିଅନ୍ତୁ ।
ପରେ ସେହି ବାଉଲରେ ଅଟା ଦିଅନ୍ତୁ, କିଛି ବେକିଙ୍ଗ ପାଉଡର ଓ ଲୁଣ ଦିଅନ୍ତୁ ।
ଏସବୁକୁ ଭଲ ଭାବରେ ମିଶାଇ ନରମ କରି ଅଟା ଚକଟି ଦିଅନ୍ତୁ । ସାମାନ ଆକାରର ଗୁଳା ପ୍ରସ୍ତୁତ କରନ୍ତୁ । ଆଉ ଏଥିରେ ପୁରିକୁ ଗୋଲ ଗୋଲ ଆକାରରେ ବେଲି ଛାଣି ଦିଅନ୍ତୁ ।
ଏହି ପୁରି ଆପଣ ଆଚାର କିମ୍ବା ଆଳୁ ତରକାରୀ ସହିତ ଖାଇପାରିବେ ।
