ଓଜନ କମ୍‌ କରିବାକୁ ଚାହୁଁଛନ୍ତି କି ? ଏପରି ଭାବେ ଡାଏଟ୍‌ରେ ସାମିଲ କରନ୍ତୁ ଭେଣ୍ଡି

ପନିପରିବା ମଧ୍ୟରେ ଭେଣ୍ଡିକୁ ଖାଇବା ପାଇଁ ଲୋକମାନେ ବହୁତ ପସନ୍ଦ କରନ୍ତି । କିନ୍ତୁ ଭେଣ୍ଡି ଖାଇବାର ସ୍ୱାସ୍ଥ୍ୟ ଉପକାରିତା ବିଷୟରେ ବହୁତ କମ୍‌ ଲୋକ ଜାଣିଛନ୍ତି । ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଭେଣ୍ଡି ଆପଣଙ୍କ ଓଜନ କମ୍‌ କରିବାରେ ମଧ୍ୟ ସାହାଯ୍ୟ କରେ । ତାହେଲେ ଆସନ୍ତୁ ଜାଣିବା ଯେ ଓଜନ କମ୍‌ ହେବା ପାଇଁ ଭେଣ୍ଡିକୁ କିପରି ଖାଇବେ ।

ଭେଣ୍ଡି କିପରି ଖାଇବେ ?
ଓଜନ କମ୍‌ କରିବା ପାଇଁ ଆପଣ ସକାଳର ଖାଦ୍ୟରେ ଭେଣ୍ଡି ପାଣି ଅନ୍ତର୍ଭୁକ୍ତ କରିବା ଉଚିତ । ତେବେ ଭେଣ୍ଡି ପାଣି ତିଆରି କରିବାକୁ, ଭେଣ୍ଡିକୁ ଦୁଇଟି ସମାନ ଭାଗରେ କାଟି ଦିଅନ୍ତୁ । ତାପରେ ଏକ ପାତ୍ରରେ ୨ କପ୍ ପାଣି ନିଅନ୍ତୁ ଏବଂ କାଟିଥିବା ଭେଣ୍ଡିର ଅଂଶକୁ ସେଥିରେ ଭିଜାନ୍ତୁ । ଭିଜାଇବାର ପରଦିନ ସକାଳେ ଆପଣ ଏହି ପାଣିରୁ ଭେଣ୍ଡି ବାହାର କରି ସକାଳେ ସେହି ପାଣି ପିଇଲେ ଆପଣଙ୍କ ମେଟାବୋଲିଜିମ୍ ବୃଦ୍ଧି ପାଇବ ଯାହା ଆପଣଙ୍କୁ ଓଜନ କମ୍‌ କରିବାରେ ସାହାଯ୍ୟ କରିବ । ଏପରି ଭାବେ ଆପଣ ଭେଣ୍ଡି ସାହାଯ୍ୟରେ ନିଜର ଓଜନ କମ୍‌ କରିପାରିବେ ।

ତେବେ ଭେଣ୍ଡିରେ ଭଲ ପରିମାଣର ଫାଇବର ମିଳିଥାଏ, ଯେଉଁ କାରଣରୁ ଆପଣଙ୍କ ପେଟ ବହୁତ ସମୟ ପର୍ଯ୍ୟନ୍ତ ପୂର୍ଣ୍ଣ ହେବା ଭଳି ଲାଗିଥାଏ । ଭେଣ୍ଡି ଫାଇବର ସମୃଦ୍ଧ ହୋଇ ମଧ୍ୟ ଓଜନ କମ୍‌ କରିବାରେ ସହାୟକ ହୋଇପାରେ । ଭେଣ୍ଡି ପାଣି ପିଇବା ଆପଣଙ୍କ ହଜମ ପ୍ରକ୍ରିୟାରେ ମଧ୍ୟ ସକରାତ୍ମକ ପ୍ରଭାବ ପକାଇଥାଏ, ଅର୍ଥାତ୍ ଆପଣ ପେଟ ସମ୍ବନ୍ଧୀୟ ସମସ୍ୟାରୁ ବହୁ ପରିମାଣରେ ଆରାମ ପାଇପାରିବେ ।

ଭେଣ୍ଡି ଆପଣଙ୍କର ଓଜନ କମ୍‌ କରିବାକୁ ସହଜ କରିବା ସହିତ, ଡାଇବେଟିସ୍‌ ରୋଗୀଙ୍କ ପାଇଁ ମଧ୍ୟ ବହୁତ ଭଲ ହୋଇଥାଏ । ଏପରି ଭାବେ ବହୁତ ଶୀଘ୍ର ଓଜନ କମ୍‌ ହୋଇପାରିବ, ଏଥିପାଇଁ ଖାଲି ପେଟରେ ଭେଣ୍ଡି ପାଣି ପିଇବା ଉଚିତ୍ । ତେବେ ଭେଣ୍ଡି ପାଣିରୁ ଆପଣଙ୍କ ଦିନ ଆରମ୍ଭ କରି, ଆପଣ ନିଜ ପୂରା ସ୍ୱାସ୍ଥ୍ୟରେ ଉନ୍ନତି ଆଣିବାକୁ ସମର୍ଥ ହେବେ । ସେଥିପାଇଁ ପ୍ରତିଦିନ ସକାଳେ ଭେଣ୍ଡି ପାଣି ପିଇବା ଆରମ୍ଭ କରନ୍ତୁ । ଯାହାଫଳରେ ଅନେକ ପ୍ରକାରର ଫାଇଦା ମିଳିବ ।