ବିଶ୍ୱାସ କରନ୍ତୁ…ଦୁଇ ଦିନରେ ଶାଶୁଘର ଲୋକଙ୍କ ହୃଦୟରେ କରିବେ ରାଜ୍, ବାସ୍ ଆପଣାନ୍ତୁ ଏହି ୪ ଉପାୟ
ଯେତେବେଳେ ଝିଅଟିଏ ବିବାହ କରି ତା’ ଶାଶୁଘରକୁ ଯାଏ, ତ ହଜାର ହଜାର ସ୍ୱପ୍ନକୁ ସଜାଇ ଏକ ନୂତନ ଘରେ ପାଦ ରଖିଥାଏ। ସେ କେବଳ ଚାହେଁ ନାହିଁ କି, ସେ ହିଁ ଶାଶୁଘରର ସବୁ ଲୋକଙ୍କ ହୃଦୟ ଜିତି ନେବ, ବରଂ ସମସ୍ତେ ମଧ୍ୟ ତାକୁ ଘରର ନୂତନ ସଦସ୍ୟ ଭାବରେ ଆପଣାଇ ନେବାକୁ ସେ ଚାହିଁଥାଏ। ଯଦି ଆପଣ ବି ନିଜ ବିବାହ ପାଇଁ ପ୍ରସ୍ତୁତି ଚଳାଇଛନ୍ତି ଏବଂ ଏମିତି କିଛି ଚିନ୍ତା କରୁଛନ୍ତି, ତା’ ହେଲେ ଅତି ସହଜ ଉପାୟରେ ଆପଣ ଆପଣଙ୍କ ଶାଶୁଘର ଲୋକଙ୍କର ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରି ପାରିବେ।
ପ୍ରତ୍ୟେକ ବ୍ୟକ୍ତିଙ୍କର ସମ୍ମାନ ଗୁରୁତ୍ୱପୂର୍ଣ୍ଣ
ଯଦି ଆପଣ ଶାଶୁଘର ଲୋକଙ୍କର ହୃଦୟରେ ଜାଗା ସୃଷ୍ଟି କରିବାକୁ ଚାହୁଁଛନ୍ତି, ତା’ ହେଲେ ବହୁତ ଜରୁରୀ କି, ଆପଣ ସେଠାରେ ରହୁଥିବା ପ୍ରତ୍ୟେକ ବ୍ୟକ୍ତିଙ୍କୁ ସମ୍ମାନ ଦିଅନ୍ତୁ। ସେମାନଙ୍କ ହୃଦୟ ଏହି କଥାକୁ ନେଇ ଖୁସି ହେବା ଦରକାର ଯେ ସେମାନେ ଘରକୁ ଯେଉଁ ବୋହୂ ନେଇକି ଆସିଛନ୍ତି, ତା’ର ହୃଦୟରେ ପରିବାରର ସବୁ ସଦସ୍ୟଙ୍କ ପ୍ରତି ସମ୍ମାନବୋଧ ରହିଛି। ବିଶ୍ୱାସ କରନ୍ତୁ, ଏହି କଥା ସେମାନଙ୍କୁ ଆପଣଙ୍କ ନିକଟତର କରାଇବ।
ଖାଦ୍ୟ ପ୍ରସ୍ତୁତ କରି ଦିଅନ୍ତୁ
ଆପଣ ପ୍ରଥମେ ନୂଆ ଘର ଲୋକଙ୍କ ଖାଦ୍ୟର ପସନ୍ଦ ଜାଣନ୍ତୁ ଏବଂ ପୁଣି ବିବାହ ପରେ କିଛି ଦିନ ପର୍ଯ୍ୟନ୍ତ ସେମାନଙ୍କୁ ନିଜ ପସନ୍ଦର ଖାଦ୍ୟ ପ୍ରସ୍ତୁତ କରି ଖୁଆନ୍ତୁ। ଏକ କଥା ରହିଛି କି, ହୃଦୟର ରାସ୍ତା ପେଟ ଦେଇ ଯାଇଥାଏ। ଏମିତିରେ ଆପଣ ନୂଆ ଘରେ ଜାଗା ବନାଇବା ପାଇଁ ନିଜ କୁକିଙ୍ଗ୍ ଦକ୍ଷତାର ସାହାରା ନେଇ ପାରିବେ।
ଶାଶୁ, ଶ୍ୱଶୁରଙ୍କ ଔଷଧର ଦାୟିତ୍ୱ ନିଅନ୍ତୁ
ଯେତେବେଳେ ଆପଣ କୌଣସି ଘରକୁ ବୋହୂ ହୋଇ ଯାଆନ୍ତି, ତ ସେଠାରେ ଆପଣଙ୍କ ଶାଶୁ, ଶ୍ୱଶୁର ସେମାନଙ୍କ ବୃଦ୍ଧାବସ୍ଥାରେ ପାଦ ଦେଇ ସାରିଥାଆନ୍ତି। ଏମିତିରେ ସେମାନଙ୍କୁ କେଉଁ ସମୟରେ କେଉଁ ଔଷଧ ଦେବାକୁ ଅଛି, କେଉଁ ଔଷଧ ଶେଷ ହେବାକୁ ଯାଉଛି, ଏହି ସବୁ ଜିନିଷର ଦାୟିତ୍ୱ ନିଅନ୍ତୁ। ବିଶ୍ୱାସ କରି ନିଅନ୍ତୁ କି, ଶାଶୁଘରେ ଆପଣଙ୍କୁ ଏତେ ଭଲ ପାଇବା ମିଳିବ ଯେ ଆପଣ କଳ୍ପନା ସୁଦ୍ଧା କରି ପାରିବେ ନାହିଁ।
ରୀତିନୀତିକୁ ସମ୍ମାନ ଦିଅନ୍ତୁ
ପ୍ରତ୍ୟେକ ସ୍ଥାନର ରୀତିନୀତି ପରସ୍ପରଠାରୁ ସମ୍ପୂର୍ଣ୍ଣ ରୂପେ ଭିନ୍ନ ହୋଇଥାଏ। ଏପରି ସ୍ଥିତିରେ ଆପଣଙ୍କୁ ନିଜ ଶାଶୁଘରର ରୀତିନୀତିକୁ କେବଳ ଯେ ଭଲ ଭାବରେ ଅନୁସରଣ କରିବାର ଅଛି ତା’ ନୁହେଁ, ବରଂ ସେଗୁଡ଼ିକୁ ସମ୍ମାନ ମଧ୍ୟ କରିବାକୁ ପଡିବ। ଏହା କରି ଆପଣ ନିଜ ଶାଶୁଘର ଲୋକଙ୍କ ସାମ୍ନାରେ ବହୁତ ଭଲ ପ୍ରତିଛବି ସୃଷ୍ଟି କରି ନେବେ। ବହୁତ ସହଜ ହୋଇଥାଏ ଶାଶୁଘର ଲୋକଙ୍କର ହୃଦୟ ଜିତିବା। ବାସ୍, ଆପଣଙ୍କୁ ହୃଦୟର ସହ ସମ୍ପର୍କ ବଜାୟ ରଖିବାକୁ ପଡିବ।
