ଆମେ ରେଶତୃରାନ୍ତ କିମ୍ବା କୌଣସି ବଡ ବଡ ହୋଟେଲରେ ଭାତ, ନାନ, ରୋଟୀ କିମ୍ବା ପୁରୀ ସାଙ୍ଗରେ ନିଶ୍ଚିନ୍ତ ରୂପେ ଭେଜ କୋଲ୍ହାପୁରୀ ଖାଇଥିବୁ । “ଭେଜ କୋଲ୍ହାପୁରୀ” ସାଧାରଣତଃ ମହାରାଷ୍ଟ୍ର ଅଂଚଳର ସ୍ଥାନୀୟ ଖାଦ୍ୟ । ଏହାର ଆଉ ଏକ ବିଶେଷତ୍ୱ ହେଉଛି ଏହା ବିନା ପିଆଜ ରସୁଣରେ ବନାଯାଇଥାଏ ଆଉ ଖୁବ ସ୍ୱାଦିଷ୍ଟ ଲାଗିଥାଏ । ତେଣୁ ବ୍ରତ କିମ୍ବା ପୂଜା ସମୟରେ ଆପଣ ଖାଇପାରିବେ । ତେବେ ଦଶହରା ସମୟରେ ଘରେ ନିଶ୍ଚିତ ରୂପେ ଥରେ “ଭେଜ କୋଲ୍ହାପୁରୀ” ବନାନ୍ତୁ ଆଉ ଗରମ ଗରମ ପୁରୀ ସହ ତାହାର ମଜା ନିଅନ୍ତୁ । ତେବେ ପ୍ରଥମେ ଜାଣି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
ଆଳୁ- ଅଧା କପ
ଗାଜର- ଅଧା କପ
ଫୁଲକୋବି- ଅଧା କପ
ଫ୍ରେଞ୍ଚ ବିନ୍ସ- ଅଧା କପ
କଞ୍ଚା ମଟର- ଅଧା କପ
ପନିର- ଅଧା କପ
ଶିମ୍ଲା ଲଙ୍କା- ଅଧା କପ
ଟମାଟୋ- ୩୫୦ ଗ୍ରାମ
ଲହୁଣୀ- ୩ଚାମଚ
ରିଫାଇନ ତେଲ- ୪ ଚାମଚ
ଅଦା- ଗୋଟେ ଇଂଚ
କଞ୍ଚା ଲଙ୍କା- ୩ ଟି
ଲୁଣ ସ୍ୱାଦ ଅନୁଯାୟୀ
ହଳଦୀ- ଗୋଟେ ଚୁଟକୀ
ଜିରା- ଅଧା ଚାମଚ
ତେଜ ପତ୍ର- ୨ ଟି
ଶୁଖିଲା ନଡ଼ିଆ-୪ ବଡ ଚାମଚ
ରାଶି-୨ ଚାମଚ
ଗୋଟା ଧନିଆ- ଦେଢ଼ ଚାମଚ
ଗୁଜୁରାତି- ୪ ଟି
ଲବଙ୍ଗ- ୬ ଟି
ଗୋଲମରିଚ-୮ ଟି
ଜିରା- ଅଧା ଚାମଚ
ପାନମଧୁରୀ- ଗୋଟେ ଚାମଚ
ଡାଲଚିନି
ଶୁଖିଲା ଲଙ୍କା
ପ୍ରସ୍ତୁତି ପ୍ରଣାଳୀ:
– ଗୋଟେ କଡେଇରେ ଗୋଟେ ଛୋଟ ଚାମଚ ତେଲ ଦେଇ ସମସ୍ତ ମସଲା ଗୁଡିକୁ ହାଲୁକା ଭାବରେ ଭାଜି ନିଅନ୍ତୁ । ଏବେ ଭଲ ଭାବରେ ଗୁଣ୍ଡ କରିନିଅନ୍ତୁ । କଟା ଟମାଟୋ, ଅଦା, କଂଚା ଲଙ୍କାକୁ ଭଲ ଭାବରେ ପେଷି ଦିଅନ୍ତୁ ।
– ଏବେ ପରିବା ଗୁଡିକୁ ଲମ୍ବା ଲମ୍ବା ଆକାରରେ କାଟି ଦିଅନ୍ତୁ । ଆଉ ଏବେ ଏହାକୁ ଲୁଣ ମିଶା ପାଣିରେ ବୁଡାଇ ଦିଅନ୍ତୁ ।
– ଏବେ ଏକ ପ୍ୟାନରେ ତେଲ ଓ ଲହୁଣୀ ଗରମ କରନ୍ତୁ । ଏବେ ସେଥିରେ ତେଜ ପତ୍ର, ଜିରା ଦିଅନ୍ତୁ | ଭାଜି ହୋଇ ଆସିଲେ ମସଲା ପେଷ୍ଟ ଦେଇ ହାଲୁକା ଆଁଚରେ ବସାନ୍ତୁ । ଏବେ ଏଥିରେ ଟମାଟୋ ପିୟୁରୀ, ଲୁଣ, ହଳଦୀ ଦେଇ ଛାଡି ଦିଅନ୍ତୁ ।
– ଏବେ ସେଥିରେ ପରିବା ଦେଇ ଗୋଟେ କପ ପାଣି ଦେଇ ଘୋଡାଇ ଦିଅନ୍ତୁ । ମାତ୍ର କିଛି ମିନିଟ ପରେ ପ୍ରସ୍ତୁତ ହୋଇଯିବ “ଭେଜ କୋଲ୍ହାପୁରୀ” ।