ଆଳୁ ଚୋଖା ଖାଇବାକୁ କିଏଅବା ପସନ୍ଦ ନ କରନ୍ତି। ବହୁତ କମ୍ ସମୟ ମଧ୍ୟରେ ପ୍ରସ୍ତୁତ ହେଉଥିବା ଆଳୁ ଚୋଖାର ସ୍ୱାଦକୁ ଲୋକେ ଭୁଲପାରନ୍ତିନି। ଏହାକୁ ଆପଣ ମାତ୍ର ଚାରି ପାଞ୍ଚ ମିନିଟରେ ପ୍ରସ୍ତୁତ କରିପାରିବେ। ତେବେ ପୂର୍ବରୁ ତ ଅନେକ ଥର ଆଳୁ ଚୋଖା ଖାଇଥିବେ କିନ୍ତୁ ଥରେ ଏହି ଉପାୟରେ ବନାନ୍ତୁ ଆଳୁ ଚୋଖା।
ଆବଶ୍ୟକ ସାମଗ୍ରୀ
- ୩ଟି ଆଳୁ (ସିଝା ହୋଇଥିବା)
- ୧ ପିଆଜ (ଛୋଟ କଟା ହୋଇଥିବା)
- ୨-୩ଟି କଞ୍ଚା ଲଙ୍କା (ଛୋଟ କଟା ହୋଇଥିବା)
- ଲୁଣ ସ୍ୱାଦାନୁସାରେ
- ଦେଢ଼ ଚାମଚ ସୋରିଷ ତେଲ
ପ୍ରସ୍ତୁତ ପ୍ରଣାଳୀ
- ସର୍ବପ୍ରଥମେ ଏକ କଟୋରୀ ନିଅନ୍ତୁ ଏବଂ ସେଥିରେ ତିନୋଟି ସିଝା ଆଳୁ ନିଅନ୍ତୁ।
- ଏବେ ଏଥିରେ ପିଆଜ, କଞ୍ଚା ଲଙ୍କା, ଲୁଣ ଏବଂ ତେଲ ପକାନ୍ତୁ।
- ଆଳୁକୁ ଭଲଭାବେ ଚକଟି ଦିଅନ୍ତୁ ଏବଂ ସମସ୍ତ ସାମଗ୍ରୀକୁ ମିକ୍ସ କରନ୍ତୁ।
- ଏବେ ପ୍ରସ୍ତୁତ ହୋଇଯାଇଛି ଆପଣଙ୍କର ଆଳୁ ଚୋଖା। ଏହାକୁ ଆପଣ ଭାତ ସହିତ ନଚେତ ପରଟା ସହିତ ଖାଇପାରିବେ।