ଆବଶ୍ୟକ ସାମଗ୍ରୀ
- ୨ କପ୍ ମଇଦା
- ଏକ କପ୍ ଚିନି
- ଘିଅ ଏକ ଚାମଚ
- ବଟର ଜାମ୍ ଆବଶ୍ୟକ ଅନୁସାରେ
ପ୍ରସ୍ତୁତି ପ୍ରଣାଳୀ
- ସର୍ବପ୍ରଥମେ ଏକ ପାତ୍ରରେ ମଇଦା ଏବଂ ଚିନି ପକାଇ ଭଲଭାବେ ଗୋଳାଇ ଦିଅନ୍ତୁ।
- ଏବେ ଘିଅ ପକାଇ ଅଟା ଭଳି ଚକଟି ଦିଅନ୍ତୁ।
- ମିଡିୟମ ଆଞ୍ଚରେ କୌଣସି ଏକ ପାତ୍ରରେ ଜାଲି ଗିନା ବା ଜାଲି ଷ୍ଟାଣ୍ଡ ରଖନ୍ତୁ।
- ଏହାକୁ ଢ଼ାଙ୍କି ୧୦ ମିନିଟ୍ ପର୍ଯ୍ୟନ୍ତ ଗରମ ହେବାକୁ ଦିଅନ୍ତୁ।
- ଏକ ପ୍ଲେଟରେ ଘିଅ ଲଗାଇ ତାକୁ ଚିକ୍କଣ କରିଦିଅନ୍ତୁ।
- ଏବେ ହାତକୁ ଚିକ୍କଣ କରି ମିଶ୍ରଣରୁ ଅଳ୍ପ ଅଳ୍ପ ନେଇ ଏହାକୁ ଗୋଲା ଆକାର ଦିଅନ୍ତୁ।
- ଏହାପରେ ଏହାକୁ ହାତରେ ସାମାନ୍ୟ ଚେପଟା କରିଦିଅନ୍ତୁ।
- ଏହିଭଳି ଭାବେ ସବୁ ଗୋଲାକୁ ଚେପଟା କରି ରଖନ୍ତୁ।
- ଏହାପରେ ଏକ କୋନରେ ଜାମ ଭର୍ତ୍ତି କରି ଚେପଟା କରି ରଖିଥିବା କୁକିଜ ଭିତରେ ରଖନ୍ତୁ।
- ଏହିଭଳି ଭାବେ ସବୁ କୁକିଜକୁ ପ୍ରସ୍ତୁତ କରି ଘିଅ ଲଗାଇ ପ୍ଲେଟରେ ଅଳ୍ପ ଅଳ୍ପ ଦୂରତାରେ ରଖନ୍ତୁ।
- ୧୦ ମିନିଟ୍ ପରେ ପାତ୍ରର ଢ଼ାଙ୍କଣା ଖୋଲି କୁକିଜକୁ ଚେକ୍ କରନ୍ତୁ। କୁକିଜ୍ ଫୁଲିଯାଇଥିଲେ ଗ୍ୟାସ ବନ୍ଦ କରିଦିଅନ୍ତୁ।
- କୁକିଜ୍ ଏକ ପ୍ଲେଟରେ ବାହାର କରି ଏଥିରେ ଚିନି ବୁଣି ଦିଅନ୍ତୁ।
- ଏବେ ପ୍ରସ୍ତୁତ ହୋଇଯାଇଛି ଆପଣଙ୍କର ଜାମ୍ କୁକିଜ୍।
- ଏହାକୁ ଆପଣ ଏୟାର ଟାଇଟ୍ କେଣ୍ଟନରରେ ରଖି ଅଧିକ ଦିନ ପର୍ଯ୍ୟନ୍ତ ରଖିପାରିବେ।