ପଲଉ ଏକ ଏମିତି ଡିସ ଯାହା ବହୁତ କମ୍ ସମୟରେ ପ୍ରସ୍ତୁତ ହୋଇଯାଏ। ଏହାସହିତ ଏହା ଖାଇବାକୁ ବହୁତ ସ୍ୱାଦିଷ୍ଟ ହୋଇଥାଏ। ଆପଣ ତ ଅନେକ ପ୍ରକାର ପଲଉ ଖାଇଥିବେ କିନ୍ତୁ ଥରେ ଆପଣ କାଶ୍ମୀର କାଜୁ ପଲଉ ନିଶ୍ଚୟ ପ୍ରସ୍ତୁତ କରନ୍ତୁ। ଏହାର ସ୍ୱାଦ ଆପଣ ଚାହିଁଲେ ବି ଭୁଲିପାରିବେନାହିଁ। ତାହେଲେ ଜାଣନ୍ତୁ ଏହାକୁ କେମିତି କରିବେ ପ୍ରସ୍ତୁତ।
ଆବଶ୍ୟକ ସାମଗ୍ରୀ
୧ କପ୍ ବାସୁମତି ଚାଉଳ
୭ ରୁ ୮ଟି କାଜୁ (ଭଜା ହୋଇଥିବା)
୭ ରୁ ୮ଟି ବାଦାମ୍ (ଭଜା ହୋଇଥିବା)
୩ଟି ଲବଙ୍ଗ
୧ ଇଞ୍ଚ୍ ଡାଲଚିନି
୨ ରୁ ୩ଟି ଗ୍ରୀନ ଅଳେଇଚ
ଗୋଟିଏ ତେଜପତ୍ର
୧/୪ ଚାମଚ ଲାଲ ଲଙ୍କା
୧ ଚାମଚ ଚିନି
୨-୪ଟି କେସର
ଲୁଣ ସ୍ୱାଦାନୁସାରେ
ଘିଅ ଆବଶ୍ୟକ ଅନୁସାରେ
ପ୍ରସ୍ତୁତି ପ୍ରଣାଳୀ
- ସର୍ବପ୍ରଥମେ ବାସୁମତି ଚାଉଳକୁ ଭଲଭାବେ ଧୋଇ ପ୍ରାୟ ଅଥଘଣ୍ଟା ପାଇଁ ଭିଜାଇ ରଖିଦିଅନ୍ତୁ।
- ମିଡିୟମ୍ ଆଞ୍ଚରେ ଏକ ପ୍ୟାନରେ ଘିଅ ଗରମ କରି ତେଜପତ୍ର, ଲବଙ୍ଗ, ଡାଲଚିିନି, ଅଳେଇଚ, କାଜୁ ଏବଂ ବାଦାମ ପକାଇ ଭାଜି ଦିଅନ୍ତୁ।
- ଏଥିରେ ଲାଲ ଲଙ୍କା, ଚିନି, କେସର ଏବଂ ଲୁଣ ମିଶାଇ ଗୋଟେ ମିନିଟ ପର୍ଯ୍ୟନ୍ତ ଚଲାନ୍ତୁ।
- ଏହାପରେ ଭିଜାଇ ରଖିଥିବା ଚାଉଳକୁ ମସଲରେ ମିଶାଇ ୧ ରୁ ୨ ମିନିଟ ଯାଏଁ ଭାଜି ଦିଅନ୍ତୁ।
- ଏହାପରେ ଚାଉଳରେ ୨ କପ୍ ପାଣି ପକାଇ ପ୍ୟାନକୁ ୧୦ ରୁ ୧୨ ମିନିଟ ପର୍ଯ୍ୟନ୍ତ ଘୋଡାଇ ରଖିଦିଅନ୍ତୁ।
- ଯେତେବେଳେ ଚାଉଳ ସିଝିଯିବ ସେତେବେଳେ ଗ୍ୟାସ ବନ୍ଦ କରିଦିଅନ୍ତୁ।
- ଏବେ ପ୍ରସ୍ତୁତ ହୋଇଯାଇଛି ଆପଣଙ୍କର କାଶ୍ମୀର ପୁଲାଓ।
- ଏଥିରେ ଆପଣ ଧନିଆ ପତ୍ର ପକାଇ ଗାର୍ନିସ କରି ସର୍ଭ କରିପାରିବେ।