ମଧୁମେହ ଏବଂ ମୋଟାପଣରେ ପୀଡିତ ଲୋକଙ୍କଠାରେ ରକ୍ତ ଚର୍ବି ହେବାର ଅଧିକଥାଏ ଆଶଙ୍କା, ଯାହା ସୃଷ୍ଟି କରାଏ ବଡ଼ ରୋଗ
ବର୍ତ୍ତମାନ ଲୋକ ବିଭିନ୍ନ ପ୍ରକାର ରୋଗରେ ପୀଡ଼ିତ ହେଉଛନ୍ତି। ଯାହା ତାଙ୍କ ଜୀବନ ଶୈଳୀ ପାଇଁ ହେଉଛି। ପୁଣି ମଧୁମେହ ଏବଂ ମୋଟାପଣ ବର୍ତ୍ତମାନ ଅଧିକ ମାତ୍ରାରେ ବଢ଼ିବାରେ ଲାଗିଛି। ଯାହା ରୋଗୀଙ୍କ କ୍ଷେତ୍ରରେ ଅଧିକ ଗୁରୁତର ହେଉଛି। ତେବେ ମଧୁମେହ ରୋଗୀଙ୍କ ପାଇଁ ରକ୍ତ ଚର୍ବିର ଅଧିକ ବିପଦ ରହିଛି। ଯଦି ଆପଣଙ୍କର ମଧୁମେହ ଅଛି କିମ୍ବା ମୋଟାପଣ ଅଛି, ତେବେ ଆପଣଙ୍କୁ ଅନ୍ୟାନ୍ୟ ଗମ୍ଭୀର ଶାରୀରିକ ସମସ୍ୟାର ମଧ୍ୟ ସାମ୍ନା କରିବାକୁ ପଡିପାରେ। ଭୁଲ ଜୀବନଶୈଳୀ ଏବଂ ପୁଷ୍ଟିକର ଖାଦ୍ୟର ଅଭାବ ହେତୁ ଦେଶରେ ମଧୁମେହ ରୋଗୀଙ୍କ ସଂଖ୍ୟା ବଢିବାରେ ଲାଗିଛି।
ମଧୁମେହ ରୋଗୀଙ୍କୁ ଖାଦ୍ୟର ବିଶେଷ ଯତ୍ନ ନେବାକୁ ପଡ଼ିଥାଏ। କିନ୍ତୁ ଏକ ଅଧ୍ୟୟନ ଅନୁଯାୟୀ, ଏହା ଜଣାପଡିଛି ଯେ ଟାଇପ୍-୨ ମଧୁମେହ ଏବଂ ମୋଟାପଣ ଥିବା ରୋଗୀମାନଙ୍କ ରକ୍ତରେ ଚର୍ବି ବଢିପାରେ। ଯେଉଁଥିପାଇଁ ସେମାନଙ୍କର ଶାରୀରିକ ସମସ୍ୟା ହୋଇପାରେ। ବ୍ରିଟେନର ଲିଡସ୍ ୟୁନିଭରସିଟିର ବୈଜ୍ଞାନିକମାନେ ଏ ବାବଦରେ ଏକ ଅଧ୍ୟୟନ କରିଛନ୍ତି। ଅଧ୍ୟୟନ ଫଳାଫଳ ଅନୁଯାୟୀ, ଶରୀରରେ ଥିବା ରକ୍ତରେ ଚର୍ବିର ସ୍ତର ବୃଦ୍ଧି ହେତୁ ମାଂସପେଶୀ କୋଷଗୁଡ଼ିକର ଗଠନ ପରିବର୍ତ୍ତନ ହୋଇପାରେ। ଯେଉଁଥିପାଇଁ ଶରୀରର କୋଷ କାର୍ଯ୍ୟ ଉପରେ ଗମ୍ଭୀର ପ୍ରଭାବ ପଡିଥାଏ। ଅଧ୍ୟୟନରେ ପରାମର୍ଶ ଦିଆଯାଇଛି ଯେ ମଧୁମେହ ଏବଂ ମୋଟାପଣରେ ପୀଡିତ ରୋଗୀମାନେ ସେମାନଙ୍କର ରକ୍ତରେ ଚର୍ବିର ସ୍ତର ଉପରେ ନଜର ରଖିବା ଉଚିତ ଏବଂ ଏହାକୁ ନିୟନ୍ତ୍ରଣରେ ରଖିବାକୁ ଚେଷ୍ଟା କରିବା ଉଚିତ ଯାହା ଦ୍ଵାରା ରକ୍ତରେ ଚର୍ବି ଶରୀରରେ ଗୁରୁତର କ୍ଷତି ପହଞ୍ଚାଇବ ନାହିଁ।
ବ୍ଲଡ ଫ୍ୟାଟ୍, ମଧୁମେହ ଏବଂ ମୋଟାପଣରେ ପୀଡିତ ରୋଗୀଙ୍କ ଉପରେ ଏହି ଅଧ୍ୟୟନ ବିଷୟରେ କୁହାଯାଇଥିଲା । ବିଶେଷଜ୍ଞଙ୍କ ଅନୁଯାୟୀ ଦୁଇ ପ୍ରକାରର ମଧୁମେହ, ପ୍ରଥମ ପ୍ରକାର ମଧୁମେହ ଏବଂ ଦ୍ୱିତୀୟ ପ୍ରକାର ମଧୁମେହ ରହିଛି। ଯେଉଁମାନେ ଟାଇପ୍-୨ ମଧୁମେହର ରୋଗୀଙ୍କ କ୍ଷେତ୍ରରେ ରକ୍ତ ଚର୍ବିର ସ୍ତର ବଢ଼ିବାରେ ଅଧିକ ଆଶଙ୍କା ରହିଛି। ରକ୍ତ ଚର୍ବିକୁ ଟ୍ରାଇଗ୍ଲାଇସରାଇଡ୍ କୁହାଯାଏ। ରକ୍ତରେ ଥିବା ଚର୍ବିର ବୃଦ୍ଧି ହେତୁ ଶରୀରରେ ଥିବା ସିଗନାଲ୍ କୋଷଗୁଡ଼ିକ ନଷ୍ଟ ହୋଇଯାଏ ଏବଂ ରୋଗୀର ଅବସ୍ଥା ଖରାପ ହେବାକୁ ଲାଗେ। ଏହା ସହିତ, ମାଂସପେଶୀ କୋଷଗୁଡ଼ିକ ଉପରେ ଚାପ ବଢ଼ାଇବାରେ ଲାଗେ, ଯେଉଁ କାରଣରୁ କୋଷଗୁଡ଼ିକର ଅବସ୍ଥା ମଧ୍ୟ ବଦଳିଯାଏ। ଏଭଳି ପରିସ୍ଥିତିରେ ରୋଗୀଙ୍କ କାର୍ଯ୍ୟ ଏବଂ ଦୈନନ୍ଦିନ ଜୀବନ ମଧ୍ୟ ପ୍ରଭାବିତ ହୁଏ।
ମେଦବହୁଳ ଲୋକଙ୍କଠାରେ ମଧ୍ୟ ରକ୍ତରେ ଚର୍ବି ସମସ୍ୟା ଦେଖାଯାଏ। ମଧୁମେହ ରୋଗୀଙ୍କ ବ୍ୟତୀତ, ମୋଟାପଣ ରୋଗରେ ପୀଡିତ ରୋଗୀମାନେ ରକ୍ତରେ ଚର୍ବି ବୃଦ୍ଧି ହେତୁ ଅନେକ ଅସୁବିଧାର ସମ୍ମୁଖୀନ ହୋଇପାରନ୍ତି । ରକ୍ତରେ ଚର୍ବି ବୃଦ୍ଧି ହେତୁ ଶରୀରର ଟିସୁ ନଷ୍ଟ ହୋଇପାରେ ଏବଂ ଶରୀରର ଆଭ୍ୟନ୍ତରୀଣ ଅଙ୍ଗ ପ୍ରଭାବିତ ହୁଏ। ମୋଟାପଣରେ ରକ୍ତରେ ଚର୍ବି ବୃଦ୍ଧି ହୃଦ୍ରୋଗର ଆଶଙ୍କା ବଢ଼ାଇପାରେ।
ତେଣୁ ରକ୍ତରେ ଚର୍ବି ହ୍ରାସ କରିବାର ଉପାୟ ଆପଣେଇବା ଉଚିତ୍। ଏପରି ପରିସ୍ଥିତିରେ ରକ୍ତ ଚର୍ବିକୁ ନିୟନ୍ତ୍ରଣ କରିବା ଆବଶ୍ୟକ। ଏଥିପାଇଁ ନିୟମିତ ସନ୍ତୁଳିତ ଖାଦ୍ୟ ଗ୍ରହଣ କରାଯିବା ଉଚିତ ଏବଂ ସ୍ୱାସ୍ଥ୍ୟ ପାଇଁ ଏକ ଭଲ ଜୀବନଶୈଳୀ ଗ୍ରହଣ କରିବା ଉଚିତ୍। ସାଧାରଣ ଶରୀରର ଟ୍ରାଇଗ୍ଲାଇସରାଇଡ୍ ସ୍ତର 150 ମିଗ୍ରା / dL ରୁ କମ୍ ହେବା ଉଚିତ୍ । ରକ୍ତରେ ଚର୍ବି ବୃଦ୍ଧି ହେବାର କାରଣ ହେଉଛି ମଧୁମେହ ଏବଂ ଭୁଲ ଖାଦ୍ୟ । ଏହିପରି ରୋଗୀଙ୍କୁ ସମୟ ସମୟରେ ଯାଞ୍ଚ କରାଯିବା ଉଚିତ୍। ରକ୍ତରେ ଚର୍ବିର ବୃଦ୍ଧିକୁ ରୋକିବା କିମ୍ବା ହ୍ରାସ କରିବା ପାଇଁ ଚିନି ନ ଖାଇବା ଉଚିତ୍। ଏହା ସହ ମଦ୍ୟପାନ ଏବଂ ଧୂମପାନରୁ ମଧ୍ୟ ଦୂରେଇ ରହିବା ଉଚିତ୍।
