ଜାଣନ୍ତୁ କେତେବେଳେ ଆଉ କେମିତି ଲଗାଇବେ ନାଭିରେ ହଳଦୀ… ମିଳିଥାଏ ଏ ସମସ୍ତ ଫାଇଦା
ଆୟୁର୍ବେଦରେ ହଳଦୀର ଅନେକ ଫାଇଦା ବିଷୟରେ କୁହାଯାଇଛି। ହଳଦୀରେ ଆଣ୍ଟି ଫଙ୍ଗଲ୍ ଏବଂ ଆଣ୍ଟି ବ୍ୟାକ୍ଟେରିଆଲ ଗୁଣ ମିଳିଥାଏ। ଚର୍ମ ଏବଂ ଶରୀରର ଅନେକ ସମସ୍ୟାକୁ ଦୂର କରିବାରେ ହଳଦୀ ବହୁତ ଲାଭଦାୟକ ହୋଇଥାଏ। ହଳଦୀର ବ୍ୟବହାର ଅନେକ ତରିକାରେ କରା ଯାଇଥାଏ। ହଳଦୀକୁ ଖିଆ ମଧ୍ୟ ଯାଇଥାଏ ଏବଂ ଏଥି ସହିତ ଅନେକ ଲୋକ ଏହାକୁ କ୍ଷୀରରେ ମିଶାଇ ବି ପିଇ ଥାଆନ୍ତି। ଏପରି କି, ଏହାକୁ ଫେସ୍ ପ୍ୟାକ୍ ଭାବରେ ମଧ୍ୟ ବ୍ୟବହାର କରା ଯାଇଥାଏ ଏବଂ ଶରୀରରେ ଲେପ ଭଳି ଲଗା ଯାଇଥାଏ।
ହଳଦୀରେ ଆଣ୍ଟି ବ୍ୟାକ୍ଟେରିଆଲ ତତ୍ତ୍ୱ ରହିଛି, ଯାହାକି ତ୍ୱଚା ପାଇଁ ବହୁତ ଲାଭଦାୟକ ହୋଇଥାଏ। ହଳଦୀକୁ ସାଧାରଣତଃ ସ୍କିନ୍ କେୟାର କ୍ଷେତ୍ରରେ ବ୍ୟବହାର କରା ଯାଇଥାଏ। ଦାଗହୀନ ତଥା ଆକର୍ଷଣୀୟ ତ୍ୱଚା ପାଇଁ ଚେହେରାରେ ହଳଦୀ ଲଗା ଯାଇଥାଏ। କ’ଣ ଆପଣ ଜାଣିଛନ୍ତି କି, ହଳଦୀ ନା କେବଳ ତ୍ୱଚା ପାଇଁ, ବରଂ ନାଭି ପାଇଁ ମଧ୍ୟ ବେଶ୍ ଲାଭଦାୟକ ହୋଇଥାଏ। ଏମିତିରେ ଆଜି ଆମେ ଆପଣଙ୍କୁ ନାଭିରେ ହଳଦୀ ଲଗାଇବାର ଫାଇଦା ବିଷୟରେ କହିବାକୁ ଯାଉଛୁ। ଆସନ୍ତୁ ଜାଣିବା ଏହାର ଉପକାରିତା।
ନାଭିରେ ହଳଦୀ ଲଗାଇବାର ଫାଇଦା
ସଂକ୍ରମଣକୁ ରୋକିଥାଏ: ହଳଦୀରେ ଆଣ୍ଟି ବ୍ୟାକ୍ଟେରିଆଲ୍ ଗୁଣ ମିଳିଥାଏ। ନାଭିରେ ହଳଦୀ ଏବଂ ସୋରିଷ ତେଲ ମିଶାଇ ଲଗାଇବା ଦ୍ୱାରା ଅନେକ ରୋଗ ଦୂର ହୋଇ ଯାଇଥାଏ।
ହଜମ ପ୍ରକିୟାକୁ ଠିକ୍ କରିଥାଏ: ହଳଦୀରେ ଫାଇବରର ପରିମାଣ ବହୁତ ଅଧିକ ରହିଥାଏ। ଖାଦ୍ୟ ହଜମ ପାଇଁ ହଳଦୀ ବେଶ୍ ଲାଭଦାୟକ ବୋଲି କୁହାଯାଏ। ପେଟରେ ଯନ୍ତ୍ରଣା କିମ୍ବା ଅପଚ ଭଳି ସ୍ଥିତିରେ ଆପଣ ନାଭିରେ ହଳଦୀ ଲଗାଇ ଆରାମ କରି ପାରିବେ।
ପିରିୟଡ୍ ଯନ୍ତ୍ରଣାକୁ ଭଲ କରିଥାଏ: ଅନେକ ମହିଳାଙ୍କୁ ପିରିୟଡ୍ ସମୟରେ ଅସହ୍ୟ ଯନ୍ତ୍ରଣା ସହିବାକୁ ପଡ଼ିଥାଏ। ଏମିତି ସ୍ଥିତିରେ ହଳଦୀ ବ୍ୟବହାର କରିବା ଦ୍ୱାରା ପିରିୟଡ୍ ସମୟରେ ହେଉଥିବା ଯନ୍ତ୍ରଣା ଏବଂ ଅସୁବିଧାରୁ ମୁକ୍ତି ମିଳି ପାରିବ।
ପେଟ ଫୁଲାକୁ କମ୍ କରିଥାଏ: ଯଦି ପେଟରେ ଯନ୍ତ୍ରଣା କିମ୍ବା ଫୁଲା ସମସ୍ୟା ରହିଛି, ତା’ ହେଲେ ନାଭିରେ ହଳଦୀ ଏବଂ ନଡ଼ିଆ ତେଲ ମିଶାଇ ଲଗାଯାଇ ପାରିବ। ଏହା ଦ୍ୱାରା ଆପଣଙ୍କୁ ପେଟ ଫୁଲିବା ସମସ୍ୟାରୁ ଆରାମ ମିଳି ପାରିବ। ଏହା ବ୍ୟତୀତ ନାଭିରେ କ୍ଷତ ହୋଇଥିଲେ ମଧ୍ୟ ଆପଣ ହଳଦୀର ଲେପ ଲଗାଇ ପାରିବେ।
