ଆମ ଦେଶ ଭାରତରେ ପ୍ରାୟ ହଜାରେ ବର୍ଷ ହେବ ମହା ମୃତ୍ଯୁଜୟ ମନ୍ତ୍ର ପାଠ କରାଯାଇ ଆସୁଛି । ବହୁ ଲୋକ କୌଣସି ଗମ୍ଭୀର ରୋଗ ତଥା ସାଙ୍ଘାତିକ ସମସ୍ୟାରୁ ରକ୍ଷା ପାଇବା ପାଇଁ ମଧ୍ୟ ଏହି ମନ୍ତ୍ର ଜପ କରିଥାନ୍ତି । ବର୍ତ୍ତମାନ ପର୍ଯ୍ୟନ୍ତ ଲୋକଙ୍କ ବିଶ୍ୱାସ ସହ ଏହା କୁ ଯୋଡ଼ା ହେଉଥିବା ବେଳେ ଏବେ କିନ୍ତୁ ଗବେଷକ ମାନେ ଏହାର ବୈଜ୍ଞାନିକ ଦିଗ ପ୍ରତି ଦୃଷ୍ଟି ଦେବା ଆରମ୍ଭ କରିଛନ୍ତି । ଏଥିପାଇଁ ପ୍ରାୟ ୪ ବର୍ଷ ହେବ ରାମ ମନୋହର ଲୋହିଆ ହସ୍ପିଟାଲରେ ଏ ଦିଗରେ ବହୁ ଗବେଷଣା କରାଯାଉଛି। ଏଯାବତ ମିଳିଥିବା ତଥ୍ୟ ବୈଜ୍ଞାନିକ ମାନଙ୍କୁ ବେଶ ଉତ୍ସାହିତ କରିଛି । ଡାକ୍ତର ମାନଙ୍କ ଅନୁସାରେ ଆସନ୍ତା ମାସେ ଦୁଇ ମାସ ଭିତରେ ସମ୍ପୂର୍ଣ ତଥ୍ୟ ପ୍ରସ୍ତୁତ କରାଯାଇ ଏହାକୁ ଏକ ଅନ୍ତର୍ଜାତୀୟ ପତ୍ରିକାରେ ଖୁବ ଶୀଘ୍ର ପ୍ରକାଶ କରାଯିବ ।
ଲୋହିଆ ହସ୍ପିଟାଲରେ ମସ୍ତିସ୍କ ବିଭାଗ ମୁଖ୍ୟ ଡ଼. ଅଜୟ ଚୌଧୁରୀଙ୍କ ନେତୃତ୍ୱରେ ଏହି ଗବେଷଣା ପ୍ରାୟ ୨୦୧୬ ମସିହାରୁ ପ୍ରାୟ ଚାରି ବର୍ଷ ହେବ ଚାଲିଆସୁଛି । ହସ୍ପିଟାଲରେ ଚିକିତ୍ସିତ ହେଉଥିବା କିଛି ଗଭୀର ମାନସିକ ରୋଗୀଙ୍କ ଉପରେ ହିଁ ଏହି ଗବେଷଣା କରାଯାଇଥିଲା । ଡ଼. ଚୌଧୁରୀଙ୍କ କହିବା ଅନୁଯାୟୀ ଭାରତର ଲୋକେ ଏହାକୁ ଏକ ଜୀବନ ରକ୍ଷାକରି ମନ୍ତ୍ର ଭାବେ ମାନିଥାନ୍ତି । କିନ୍ତୁ ପ୍ରକୃତରେ ଏହା ପଛରେ କିଛି ବୈଜ୍ଞାନିକ କାରଣ ଅଛି କି ନାହିଁ ତାହା ଜାଣିବା ପାଇଁ ହିଁ ତାହା ଜାଣିବା ପାଇଁ ଏହି ଗବେଷଣା କରାଯାଉଛି । ସେ ଏହା ମଧ୍ୟ କହିଛନ୍ତିଯେ ଆମ ଦେଶରେ ବହୁ ମାତ୍ରାରେ ଉପବାସ ପ୍ରଥା ଥିଲେ ମଧ୍ୟ କିନ୍ତୁ ଏଦିଗରେ ଏପର୍ଯ୍ୟନ୍ତ କିଛି ଗବେଷଣା ହୋଇନାହିଁ । କିନ୍ତୁ ଜାପାନର ଜଣେ ବୈଜ୍ଞାନିକ ଏଦିଗରେ ଗବେଷଣା କରି ପାଇଥିଲେ ଯେ ଉପବାସ ଦ୍ୱାରା ଶରୀରରେ ଥିବା କାନ୍ସର ପରି ସାଙ୍ଘାତିକ ରୋଗ ସୃଷ୍ଟିକାରୀ ସେଲସ ମାନେ ମରିଯାଇଥାନ୍ତି ।
ସମୁଦାୟ ୪୦ ମସ୍ତିସ୍କ ରୋଗୀଙ୍କ ଏହି ଗବେଷଣାରେ ସାମିଲ କରାଯାଇଥିଲା । ସେମାନଙ୍କ ମଧ୍ୟରୁ ୨୦ ଜଣଙ୍କୁ ଚିରାଚରିତ ରୂପେ ଚିକିତ୍ସା କରାଯାଉଥିବା ବେଳେ ୨୦ ଜଣଙ୍କୁ ଡାକ୍ତରୀ ଚିକିତ୍ସା ସହ ମହାମୃତ୍ୟୁଯୟ ମନ୍ତ୍ର ମଧ୍ୟ ଶୁଣା ଯାଇଥିଲା ।
ନିକଟରେ ଏକ ତଥ୍ୟ ମଧ୍ୟ ପ୍ରକାଶ ପାଇଛି ଯେ ହିନ୍ଦୁ ମାନଙ୍କ ଆଉ ଏକ ପବିତ୍ର ମନ୍ତ୍ର ନିୟମିତ ପାଠ ଦ୍ୱାରା ମନୁଷ୍ୟ ମସ୍ତିସ୍କରେ ବୌଦ୍ଧିକ କ୍ଷମତା ମଧ୍ୟ ବଢିଥାଏ ।
ମହାମୃତ୍ୟୁଞ୍ଜୟ ମନ୍ତ୍ର:
ହିନ୍ଦୁ ମାନଙ୍କ ଏହି ମନ୍ତ୍ର ମହାଦେବ ଶିବଙ୍କୁ ହିଁ ଅର୍ପଣ କରାଯାଇଥାଏ । ଏହା ଋକ ବେଦରୁ ଆସିଛି । ମହା ମୃତ୍ୟୁଞ୍ଜୟ ଅତ୍ୟନ୍ତ ଚମତ୍କାରୀ ଓ ଶକ୍ତିଶାଳୀ ଅଟେ । ଜୀବନର ଅନେକ ସମସ୍ୟାର ସମାଧାନ ପାଇଁ ମଧ୍ୟ ଏହି ମନ୍ତ୍ର ଉପଯୋଗୀ ହୋଇଥାଏ । ଏଥିପାଇଁ ବିଭିନ୍ନ ଗ୍ରହ ଗୁଡିକର ଶାନ୍ତି ପାଇଁ ମଧ୍ୟ ଏହି ମନ୍ତ୍ର ପାଠ କରାଯାଇଥାଏ ।
ମନ୍ତ୍ର ପାଠର ବିଧି:
ସାଧାରଣତଃ ସୋମବାରକୁ ଶିବଙ୍କ ବାର ଭାବେ ଗଣା ଯାଇଥାଏ । ତେଣୁ ଶୁଦ୍ଧ ହୋଇସାରିବା ପରେ ଦିନ ବାରଟା ପୂର୍ବରୁ ଏହି ମନ୍ତ୍ର ପାଠ ଆରମ୍ଭ କରାଯାଇଥାଏ । କାରଣ ଦିନ ୧୨ଟା ପରେ ଏହି ମନ୍ତ୍ର ପାଠର କିଛି ଫଳ ହୋଇନଥାଏ । ଶେଷରେ ଯଜ୍ଞ ମଧ୍ୟ କରାଯାଇଥାଏ । ଏହା ଦ୍ୱାରା ପାରିବାରିକ କଳହ, ଗ୍ରହ ଅଶାନ୍ତି, କର୍ମ କ୍ଷେତ୍ରରେ ଅସ୍ଥିରତା ପ୍ରଭୁତି ଦୂର ହୋଇଥାଏ ।
ଏହା ସହ ପଢନ୍ତୁ:
ମାଇଗ୍ରେନରୁ ବଞ୍ଚିବାକୁ ଚାହୁଁଛନ୍ତି କି ? ଆପଣାନ୍ତୁ ଏହି ଉପାୟ
ମନ୍ତ୍ରର ଅର୍ଥ:
ଭଗବାନ ଶିବଙ୍କୁ ସଂସାରର ପାଳନ କର୍ତା ରୂପେ ଜଣାଯାଇଥାଏ । ସିଏ ପ୍ରତିଟି ଶ୍ୱାସରେ ଜୀବନ ଶକ୍ତିର ସଂଚାର କରିଥାନ୍ତି । ସମ୍ପୂର୍ଣ ସଂସାରର ପାଳନ ପୋଷଣ ତାଙ୍କ ଶକ୍ତି ଦ୍ୱାରା କରିଥାନ୍ତି । ସେ ଆମକୁ ସଂସାରର ସବୁ ମୃତ୍ୟୁର ବନ୍ଧନରୁ ମୁକ୍ତ କରି ଦିଅନ୍ତୁ । ତାହା ଦ୍ୱାରା ଆମେ ମୋକ୍ଷ ପାଇପାରିବା । ଏହା ସହ ସମସ୍ତ ରୋଗ ଶୋକରୁ ମୁକ୍ତ ରଖନ୍ତୁ । ମହା ମୃତ୍ୟୁଞ୍ଜୟ ମନ୍ତ୍ର କୁ ମୁଖ୍ୟ ରୂପରେ ଏକ ଜୀବନ ରକ୍ଷକ ମନ୍ତ୍ର କୁହାଯାଇଥାଏ । ସମସ୍ତ ପ୍ରକାର ରୋଗରୁ ଏହା ନିଶ୍ଚିତ ରୂପେ ଏହା ମୁକ୍ତି ଦେଇ ପାରିବ ।