ଆବଶ୍ୟକ ସାମଗ୍ରୀ
ପନୀର – ୨୦୦ ଗ୍ରାମ
ଦହି – ଅଧା କପ୍
ଲୁଣ – ସ୍ୱାଦାନୁସାରେ
ଗୋଲମରୀଚ –
ବଟର କିମ୍ବା ଘିଅ – ୧, ୧/୨ ଚାମଚ
ଜିରା ପାଉଡର – ୧/୨ ଛୋଟ ଚାମଚ
ଅଦା ପେଷ୍ଟ – ୧/୨ ଚାମଚ
ସିମଲ ଲଙ୍କା – ୧
ଟମାଟୋ – ୨
ଚାଟ ମସଲା – ୧/୨ ଛୋଟ ଚାମଚ
ଲାଲ ଲଙ୍କା ପାଉଡର – ୧/୨ ଛୋଟ ଚାମଚ ଠାରୁ ବି କମ୍
ଧନିଆ ପତ୍ର – ୧ ବଡ ଚାମଚ
ଲେମ୍ବୁ – ୧/୨
ପିଆଜ – ୧
ପ୍ରସ୍ତୁତି ପ୍ରଣାଳୀ
- ସର୍ବପ୍ରଥମେ ପନୀରକୁ ବଡ ବଡ ଖଣ୍ଡରେ କାଟି ଦିଅନ୍ତୁ।
- ଲୁଣ, ଗୋଲମରୀଚ ଏବଂ ଅଦା ପେଷ୍ଟକୁ ମିଶାଇ ଦିଅନ୍ତୁ।
- ଦହିକୁ ଫେଣ୍ଟି ସବୁ ମସଲା ଏଥିରେ ପକାଇ ଦିଅନ୍ତୁ ଏବଂ ଭଲଭାବେ ମିଶାଇ ଦିଅନ୍ତୁ।
- ପନୀର ଖଣ୍ଡକୁ ଏହି ମିଶ୍ରଣରେ ପକାଇ ଦିଅନ୍ତୁ ଏବଂ ୨୫-୩୦ ମିନିଟ ପାଇଁ ଘୋଡାଇ ରଖନ୍ତୁ।
- ଏହି ଖଣ୍ଡକୁ ପ୍ଲେଟକୁ ବାହାର କରି ୧-୨ ଘଣ୍ଟା ଫ୍ରିଜରେ ରଖିଦିଅନ୍ତୁ।
- ସିମଲା ଲଙ୍କା, ପିଆଜ ଏବଂ ଟମାଟୋକୁ ଲମ୍ବା ଏବଂ ଗୋଲ ଖଣ୍ଡରେ କାଟି ଦିଅନ୍ତୁ।
- ଏବେ ଏକ କବାବ ଷ୍ଟିକ ନେଇ ସେଥିରେ ସିମଲ ଲଙ୍କା, ପିଆଜ ଏବଂ ପନୀର ଖଣ୍ଡକୁ ଏକ ଲାଇନରେ ଲଗାଇ ଦିଅନ୍ତୁ।
- ତାଓ୍ଵାକୁ ଗରମ କରି ବଟର ପକାନ୍ତୁ।
- ଏବେ ପନୀର ଷ୍ଟିକକୁ ତାଓ୍ଵା ଉପରେ ରଖନ୍ତୁ ଏବଂ ଘୋଡାଇ ଧୀମା ଆଞ୍ଚରେ ଫ୍ରାଏ କରନ୍ତୁ।
- ମଝିରେ ମଝିରେ ଘୋଡଣି କାଢ଼ି ସବୁ ପାଖକୁ ସେକି ଦିଅନ୍ତୁ।
- ଏହା ଭଲଭାବେ ହୋଇଗଲା ପରେ ଏହାକୁ ସର୍ଭିଙ୍ଗ୍ ପ୍ଲେଟକୁ ବାହାର କରନ୍ତୁ ଏବଂ ଲେମ୍ବୁ ଚିପୁଡି ସର୍ଭ କରନ୍ତୁ।