ଆଜି ଡିନରରେ ବନାନ୍ତୁ “ସ୍ପାଇସି ଚିକେନ”, ନିଜେ ଖାଆନ୍ତୁ ଓ ଅନ୍ୟ ମାନଙ୍କୁ ଖୁଆନ୍ତୁ

ଆପଣ ନିଶ୍ଚିତ ରୂପେ ଚିକେନରେ ପ୍ରସ୍ତୁତ ହୋଇଥିବା ଅନେକ ଭେରାଇଟିର ଖାଦ୍ୟ ଖାଇଥିବେ ।  ଚିକେନ ବଟର ମସଲା, ଚିଲି ଚିକେନ, ଚିକେନ ଲଳିପପ ଏମିତି କେତେ କଣ ।  କିନ୍ତୁ ଥରେ ଘରେ “ଟେଷ୍ଟି ମସଲା ଚିକେନ” ଘରେ ବନାନ୍ତୁ ଓ ଟେଷ୍ଟ କରନ୍ତୁ ।  ଆଉ ସାଙ୍ଗସାଥି ମାନଙ୍କୁ ଖୁଆନ୍ତୁ ।  ତେବେ ଜାଣି ରଖନ୍ତୁ ପ୍ରସ୍ତୁତି ପ୍ରଣାଳୀ ।

ଆବଶ୍ୟକୀୟ ସାମଗ୍ରୀ:

ଚିକେନ- ଗୋଟେ କିଲୋ

୨୦ ପାଖୁଡା ରସୁଣ

୨ ଇଞ୍ଚ ଅଦା

ଗୋଟେ ଚାମଚ ଗରମ ମସଲା

ଗୋଟେ ଚାମଚ ହଳଦୀ ଗୁଣ୍ଡ

ଗୋଟେ କପ ଦହି

ଗୋଟେ ଚାମଚ ଲଙ୍କା ଗୁଣ୍ଡ

୬ ଟି ବଡ଼ ଅଳେଇଚ

୧୦ ଟି ଲବଙ୍ଗ

କିଛି ଡାଲଚିନି

ଗୋଲ ମରିଚ

ଗୋଟେ ଚାମଚ ଜିରା

୨ ଚାମଚ ଧନିଆ

୧୫ ଟି ବାଦାମ

କିଛି ତେଲ

୩ ଟି ବଡ ପିଆଜ ପତଳା କଟାଯାଇଥିବା

୩ ଚାମଚ ଟମାଟୋ ପିୟୁରୀ

ଦୁଇ ଚାମଚ ଲୁଣ

ଧନିଆ ପତ୍ର

ପ୍ରସ୍ତୁତି ପ୍ରଣାଳୀ:

ପ୍ରଥମେ ଚିକେନକୁ ଭଲ ଭାବରେ ଧୋଇ ସଫା କରିଦିଅନ୍ତୁ ।  ଲଙ୍କା, ରସୁଣ, ଅଦାକୁ ପେଷି ଦିଅନ୍ତୁ ।  ଏହି ପେଷ୍ଟକୁ ଗରମ ମସଲା ସହ ମିଶାନ୍ତୁ ।  ଏଥିରେ ଲୁଣ, ହଳଦୀ, ଦହି, ଲଙ୍କା ଗୁଣ୍ଡ ମିଶାନ୍ତୁ ।  ଭଲ ଭାବରେ ମିଶାନ୍ତୁ ।  ଏବେ ଚିକେନରେ ଏହି ପେଷ୍ଟକୁ ଭଲ ଭାବରେ ମିଶାନ୍ତୁ ।  ଏବେ ଚୁଲିରେ ଏକ ପ୍ୟାନ ବସେଇ ଲବଙ୍ଗ, ଗୋଲ ମରିଚ, ଡାଲଚିନି, ଇଲାଇଚି, ବାଦାମ, ଜିରା, ଧନିଆକୁ ଭାଜନ୍ତୁ ।  ହାଲୁକା ସୁନେଲି ରଙ୍ଗର ହେବା ଯାଏଁ ଭାଜନ୍ତୁ ।  ଏବେ ଆଉ ଏକ ପ୍ୟାନରେ ତେଲ ଗରମ କରନ୍ତୁ ।  ଗରମ ହୋଇଗଲେ ପିଆଜ କଟା, ରସୁଣ ପକାନ୍ତୁ ।  ସୁନେଲି ରଙ୍ଗ ହେବା ପର୍ଯ୍ୟନ୍ତ ଭାଜନ୍ତୁ ।  ଏବେ ଭଜା ପିଆଜ, ରସୁଣ ଭଜା ହୋଇଥିବା ଗୋଟା ମସଲା ସହିତ ପେଷ୍ଟ କରିଦଉଅନ୍ତୁ ।  ଏବେ ପ୍ୟାନରେ ତେଲ ଗରମ କରି ଚିକେନ ଖଣ୍ଡକୁ ପକାନ୍ତୁ ।  ଭାଜି ହୋଇଗଲେ କାଢି ଦିଅନ୍ତୁ ।  ଗରମ ତେଲରେ କରାଯାଇଥିବା ପେଷ୍ଟ ଦିଅନ୍ତୁ ।  2 ରୁ 3 ମିନିଟ ପରେ ଚିକେନ ଖଣ୍ଡ, ଟମାଟୋ ପିୟୁରୀ, ଲଙ୍କା ଗୁଣ୍ଡ, ଲୁଣ ଦିଅନ୍ତୁ ।  ଅଧା କପ ଗରମ ପାଣି ଦେଇ ଭଲ ଭାବରେ ମିଶାନ୍ତୁ ।  ଚିକେନ ନରମ ହେବା ଯାଏଁ ଚୁଲିରେ ରଖନ୍ତୁ ।  ଏବେ ଧନିଆ ପତ୍ର ଦେଇ ସଜାନ୍ତୁ ।