ଖୁବ ସହଜରେ, ସୁବିଧାରେ ଘରେ ବନାନ୍ତୁ “ଛେନା ମୁରକି”, ମିଠା ଦୋକାନକୁ ଯିବାକୁ ପଡ଼ିବନି

ଯଦି ଆପଣ କାହାକୁ ସରପ୍ରାଇଜ ଦେବାକୁ ଯାଉଛନ୍ତି କିମ୍ବା କିଛି ମିଠା କରି ଖାଇବାକୁ ଚାହୁଁଛନ୍ତି ତେବେ ଆଜି ଏହି ସହଜ ତଥା ସରଳ ରେସିପି ଟି ବନାନ୍ତୁ, ନିଜେ ଖାଆନ୍ତୁ ଆଉ ସମସ୍ତଙ୍କୁ ଖୁଆନ୍ତୁ । ଯେଉଁ ରେସିପିଟି ଆଜି ଆପଣ ଶିଖିବାକୁ ଯାଉଛନ୍ତି ତା ନାଁ ହେଉଛି “ଛେନା ମୁରକି” । ଯାହାକୁ ଆପଣ ଖୁବ କମ ସମୟ ଭିତରେ କମ ଜିନିଷ ବ୍ୟବହାର କରି ପ୍ରସ୍ତୁତ କରିପାରିବେ । ତେବେ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ ଗୁଡିକୁ ଲେଖିରଖନ୍ତୁ ।

ଆବଶ୍ୟକୀୟ ସାମଗ୍ରୀ:

ପନିର- ୨୫୦ ଗ୍ରାମ

ଚିନି- ଗୋଟେ କପ

ଗୁଜୁରାତି ପାଉଡର- ଗୋଟେ ଚାମଚ

ଗୋଲାପ ଜଳ- ଗୋଟେ ଚାମଚ

ପ୍ରସ୍ତୁତି ପ୍ରଣାଳୀ:

ଛେନା ମୁରକି ବନେଇବା ପାଇଁ ପ୍ରଥମେ ପନିର ନିଅନ୍ତୁ । ତାକୁ ଛୋଟ ଛୋଟ ଖଣ୍ଡରେ କାଟି ଦିଅନ୍ତୁ । ଏବେ ଗୋଟେ କଡେଇ ନିଅନ୍ତୁ । ମାଧ୍ୟମ ଆଁଚରେ ଗରମ କରିବା ପାଇଁ ଗ୍ୟାସ ଉପରେ ରଖନ୍ତୁ । ଏବେ ଏକ କଡେଇରେ ଗୋଟେ କପ ପାଣି ନିଅନ୍ତୁ, ସେଥିରେ ଚିନି ଦିଅନ୍ତୁ । କିଛି ସମୟ ପରେ ଚିନି ପାଣିରେ ମିଳେଇ ରସ ପ୍ରସ୍ତୁତ ହୋଇଯିବ । ଏହାକୁ ସେଯାଏଁ ଗ୍ୟାସରେ ରଖନ୍ତୁ ଯେ ପର୍ଯ୍ୟନ୍ତ ରସଟି ବହଳିଆ ନ ହେବ । ରସ ପ୍ରସ୍ତୁତ ହୋଇଗଲେ ସେଥିରେ ଆଗରୁ କଟା ହୋଇ ରଖାଯାଇଥିବା ଖଣ୍ଡ ଖଣ୍ଡ ପନିରକୁ ପକାଇ ଦିଅନ୍ତୁ । ଧିମା ଆଞ୍ଚରେ ଧୀରେ ଧୀରେ ଚଟୁ ଚଲାନ୍ତୁ । ଏବେ ଏଥିରେ ଗୁଜୁରାତି ଗୁଣ୍ଡ ପକେଇ ଭଲ ଭାବେ ମିକ୍ସ କରି ଦିଅନ୍ତୁ । ରସ ଆଉ ଟିକେ ମୋଟା ହୋଇ ଆସିଲେ ଗ୍ୟାସ ବନ୍ଦ କରି ଦିଅନ୍ତୁ । ଏବେ ସେଥିରେ ଗୋଟେ ଚାମଚ ଗୁଲାବ ଜଳ ଦିଅନ୍ତୁ । ଆପଣଙ୍କ ସ୍ୱାଦିଷ୍ଟ ଛେନା ମୁରକି ପ୍ରସ୍ତୁତ ହୋଇଗଲା । ଏବେ ଏହାକୁ ସମସ୍ତଙ୍କ ପାଇଁ ବାଢି ଦିଅନ୍ତୁ ।