କମଳା ଚୋପାରେ ଘରେ ବନାନ୍ତୁ ହୋମମେଡ଼ ନାଇଟ କ୍ରିମ ଓ ଟୋନର
ତ୍ୱଚାର ଦେଖା ରଖା କରିବା ପାଇଁ ଝିଅ ମାନେ ଭିନ୍ନ ପ୍ରକାରର ପ୍ରଡକ୍ଟ ବ୍ୟବହାର କରନ୍ତି । କେତେ ଜଣ ବାହାରୁ ଦାମୀ ପ୍ରଡକ୍ଟ କିଣି ବ୍ୟବହାର କରନ୍ତି ତ କେତେ ଜଣ ଘରୋଇ ଜିନିଷରେ ହିଁ ତ୍ୱଚାର ଦେଖାରଖା କରନ୍ତି । ବିଶେଷ କରି ତ୍ୱଚାରେ ଟୋନର କିମ୍ବା କ୍ରିମ ଲଗାଇବାକୁ ତ ଜମା ବି ଭୁଲିବା କଥା ନୁହେଁ । ଯାହାକି ସ୍କିନକୁ ଗଭୀରରୁ ସଫା କରି ସେଥିରେ ଉଜ୍ଜ୍ୱଳତା ଆଣିବା ସହିତ ନରମ ମଧ୍ୟ ରଖିଥାଏ । ଏଗୁଡିକରେ କେମିକାଲ ଥିବା କାରଣରୁ ସାଇଡ ଇଫେକ୍ଟ ହେବାର ଅନେକ ଆଶଙ୍କା ରହିଥାଏ । ତେଣୁ ଆଜି ଆମେ ଆପଣଙ୍କୁ କମଳା ଚୋପାରେ କିପରି ଟୋନର ପ୍ରସ୍ତୁତ କରିବେ ସେ ବିଷୟରେ କହିବାକୁ ଯାଉଛୁ । ଭିଟାମିନ ସିରେ ଭରପୁର କମଳା ପରି ଏହାର ଚୋପାରେ ବି ଅନେକ ଫାଇଦା ଦାୟକ ଗୁଣ ସବୁ ରହିଛି । ଯାହା ଆପଣଙ୍କ ତ୍ୱଚାକୁ କୌଣସି କ୍ଷତି ନ ପହଞ୍ଚାଇ ଉଜ୍ଜ୍ୱଳତା ଆଣିବ ।
ଲେଖିରଖନ୍ତୁ ଆବଶ୍ୟକ ହେଉଥିବା ସାମଗ୍ରୀ;
୨ଟି କମଳାର ଚୋପା
ପାଣି- ୩ ଗ୍ଲାସ
ଡାଲଚିନି- ଖଣ୍ଡେ
ଲବଙ୍ଗ- ୪ ରୁ ୫ ଟି
ପୁଦିନା ପତ୍ର- ୮ ରୁ ୧୦ଟି
– ପ୍ରଥମେ ପ୍ୟାନରେ ପାଣି ନିଅନ୍ତୁ ଆଉ ସେଥିରେ କମଳା ଚୋପା ଗୁଡିକୁ ସିଝାଇ ଦିଅନ୍ତୁ
– ଏହା ପରେ ସେଥିରେ ବାକି ସାମଗ୍ରୀ ଦେଇ ରଙ୍ଗ ବଦଳିବା ପର୍ଯ୍ୟନ୍ତ ସିଝାନ୍ତୁ ।
-ପାଣି ଅଧା ହୋଇଗଲେ ଆଞ୍ଚରୁ ବାହାର କରି ଥଣ୍ଡା କରିଦିଅନ୍ତୁ ।
– ପ୍ରସ୍ତୁତ ହୋଇଗଲା ଆପଣଙ୍କ ହୋମମେଡ଼ ଟୋନର
-ଏହାକୁ ଥଣ୍ଡା କରି ସ୍ପ୍ରେ ବୋତଲରେ ଭର୍ତ୍ତି କରି ଫ୍ରିଜରେ ରଖି ଦିଅନ୍ତୁ ।
– ପ୍ରତିଦିନ ଫେସ ୱାସ କରିବା ପରେ ଲଗାଇ ଦିଅନ୍ତୁ ।
ଏହା ଦ୍ୱାରା ଡେଡ଼ ସେଲ ଗୁଡିକ ବାହାରିବା ସହିତ ତ୍ୱଚାରୁ ରଙ୍ଗ ହୀନତା ଦୂର ହୋଇ ଉଜ୍ଜ୍ୱଳ ଦେଖାଯିବ ।
ହୋମ ମେଡ଼ ନାଇଟ କ୍ରିମ:
ଦୁଇଟି କମଳା ଚୋପା
ଦହି- ଗୋଟେ ଚାମଚ
ପ୍ରସ୍ତୁତି ପ୍ରଣାଳୀ:
– ପ୍ରଥମ କମଳା ଚୋପାକୁ ଏକଦମ ଟିକି ଟିକି କରି କାଟି ଦିଅନ୍ତୁ ।
– ଏହା ପରେ ରସ ବାହାର କରିନିଅନ୍ତୁ ।
– ବାହାରିଥିବା ରସରେ ଦହି ମିଶାଇ ଦିଅନ୍ତୁ
-ଆପଣଙ୍କ ନାଇଟ କ୍ରିମ ପ୍ରସ୍ତୁତ ହୋଇଗଲା
ଏହାକୁ ଆପଣ ଫ୍ରିଜରେ ରଖି ଯେତେବେଳେ ଦରକାର ବ୍ୟବହାର କରିପାରିବେ ।