ସ୍ୱପ୍ନ ଦେଖିବା ଏକ ସାମାନ୍ୟ ପ୍ରକ୍ରିୟା । ପ୍ରତ୍ୟେକ ବ୍ୟକ୍ତି କିଛି ନା କିଛି ସ୍ୱପ୍ନ ଦେଖିଥାନ୍ତି । ଆମେ ଅଧିକାଂଶ ସମୟରେ ସ୍ୱପ୍ନ ଦେଖିବା ପରେ ତାହା ବିଷୟରେ ଚିନ୍ତା କରିଥାଉ । ଅଧିକାଂଶ ସ୍ୱପ୍ନ ମନେ ରହିଥିବା ବେଳେ ଅଧିକାଂଶ ସ୍ୱପ୍ନ ଆମେ ଭୁଲିଯାଉ । ତେବେ ସ୍ୱପ୍ନରେ ଦେଖିଥିବା ଜିନିଷ ବା ବ୍ୟକ୍ତି ସହ ଜଡିତ ରହିଥାଏ କିଛି ଭବିଷ୍ୟତ କଥା । ଯାହାକୁ ଆମେ ସ୍ୱପ୍ନ ଶାସ୍ତ୍ରରୁ ଜାଣିଥାଉ । ଏହି ଶାସ୍ତ୍ର ଅନୁଯାୟୀ ଯଦି ସ୍ୱପ୍ନରେ ଆମେ ମହିଳାଙ୍କୁ ଦେଖିଥାଉ ତେବେ ଶୁଭ ଓ ଅଶୁଭ ଫଳ ଉଭୟେ ମିଳିଥାଏ । ଆସନ୍ତୁ ଜାଣିବା କେଉଁ ରୁପରେ ମହିଳାଙ୍କୁ ଦେଖିଲେ ଭାଗ୍ୟଶାଳୀ ମନାଯାଇଥାଏ ।
୧. ଆଭୂଷଣ ପିନ୍ଧିଥିବା କୌଣସି ମହିଳାଙ୍କୁ ଦେଖିବା
ସ୍ୱପ୍ନରେ ଯଦି ଆପଣ କୌଣସି ମହିଳାଙ୍କୁ ଆଭୂଷଣରେ ଥିବା କିଛି ମହିଳାଙ୍କୁ ଦେଖନ୍ତି, ତେବେ ଏହା କାର୍ଯ୍ୟ ସିଦ୍ଧିର ସଂକେତ ଦେଇଥାଏ । ଯଦି ଏପରି ସ୍ୱପ୍ନ ଦେଖନ୍ତି ତେବେ ବୁଝିବେ ଆପଣଙ୍କ ପଡ଼ି ରହିଥିବା କାର୍ଯ୍ୟ ଶୀଘ୍ର ସଫଳ ହେବାକୁ ଯାଉଛି ।
୨. ସ୍ୱପ୍ନରେ କୌଣସି ମହିଳାଙ୍କ ସହ ନିଜକୁ କଥା ହେଉଥିବା ଦେଖିବା
ସ୍ୱପ୍ନରେ ଯଦି ଆପଣ ନିଜକୁ କୌଣସି ମହିଳାଙ୍କ ସହ କଥା ହେଉଥିବା ଦେଖନ୍ତି, ତେବେ ଏହା ଏକ ଶୁଭ ସଂକେତ ଦେଇଥାଏ । ଏହି ସ୍ୱପ୍ନର ଅର୍ଥ ସମାଜରେ ଆପଣଙ୍କ ମାନ ସମ୍ମାନ ବୃଦ୍ଧି ହୋଇଥାଏ ।
୩. ସ୍ୱପ୍ନରେ କୌଣସି ପରି ବା ସୁନ୍ଦର ମହିଳାଙ୍କୁ ଦେଖିବା
ଯଦି କୌଣସି ବ୍ୟକ୍ତି ସ୍ୱପ୍ନରେ ପରୀ ବା ସୁନ୍ଦର ମହିଳାଙ୍କୁ ଦେଖନ୍ତି,ତେବେ ଏହା ଏକ ସୁଖ ସ୍ୱପ୍ନ ବୋଲି ଧରି ନେବାକୁ ହେବ । ଏମିତି ସ୍ୱପ୍ନ ଦେଖା ଦେବା ଅର୍ଥ ଆପଣଙ୍କ ଘରେ ଦୁଃଖ ଦୂର ହେବାକୁ ଯାଉଛି । ପରିବାରରେ ସୁଖ ଶାନ୍ତି ବଢ଼ିବାକୁ ଯାଉଛି । ଏହି ସ୍ୱପ୍ନ ଭଲ ଆର୍ଥିକ ସ୍ଥିତିର ସଂକେତ ଦେଇଥାଏ ।