ଖରା ଦିନରେ ଥଣ୍ଡା ଥଣ୍ହା ଆଖୁ ରସ ପିଇବାକୁ କିଏ ବା ଭଲନପାଏ? ଆଖୁ ରସ ଯେତିକି ସ୍ବିାଦଷ୍ଟ ଲାଗିଥାଏ ସ୍ବାସ୍ଥ୍ୟ ପାଇଁ ମଧ୍ୟ ସେତିକି ହିତକର ହୋଇଥାଏ । କେବଳ ପରିବାରେ ନୁହେଁ ବରଂ ଜୁସରେ ମଧ୍ୟ ଅନେକ ଭିଟାମିନ ଭରପୁର ମାତ୍ରାରେ ରହିଥାଏ । ଆଖୁ ରସରେ କ୍ୟାଲସିୟମ, ଆଇରନ୍, ପୋଟାସିୟମ୍, ମ୍ୟାଗ୍ନେସିୟମ୍, ଫସଫରସ୍ ଏବଂ ଆଣ୍ଟିଅକ୍ସିଡାଣ୍ଟ ଭଳି ଗୁଣ ରହିଛି । ଯାହା ଶରୀର ପାଇଁ ଅତ୍ୟନ୍ତ ଲାଭଦାୟକ ଅଟେ । ଏହାର ଥଣ୍ଡା ପ୍ରଭାବ ମଧ୍ୟ ରହିଥାଏ, ତେଣୁ ଏହାକୁ ଖରାଦିନରେ ପିଇଥାଆନ୍ତି କାରଣ ଏହା ଶରୀରକୁ ଥଣ୍ଡା କରିଥାଏ ।ଆଖୁ ରସ ଏକ ଏପରି ଜୁସ ଯାହା ଥଣ୍ଡା ଦିନେ ଗରମ ଏବଂ ଗରମ ଦିନରେ ଥଣ୍ଡା ଆମ ଶରୀରକୁ ଦେଇଥାଏ ।
ଆଖୁ ରସ ପିଇବା ଦ୍ବାରା କେଉଁସବୁ ଫାଇଦା ମିଳିଥାଏ ଆମେ ତ ଅଳ୍ପ ବହୁତ ଜାଣିଛେ । କିନ୍ତୁ ଆପଣ ଜାଣିଛନ୍ତି କି? ଖରାରେ ଠିଆ ହୋଇ ଆଖୁ ରସ ପିଇବା ଦ୍ବାରା ଶରୀରରେ କେଉଁସବୁ ପ୍ରଭାବ ପକାଏ ତେବେ ଆସନ୍ତୁ ଜାଣିବା ।
ଆଖୁ ରସକୁ ଖରା ଗରମରେ ରଖିବା ଦ୍ବାରା ଖରାପ ହବାର ସମ୍ଭାବନା ରହିଥାଏ । ଯଦି ଆଖୁକୁ କୌଣସି ସଫା ସ୍ଥାନରେ ନରଖାଯାଏ ତେବେ ଏଥିରେ ଅନେକ ଜୀବାଣୁ ବ୍ୟପିଯାଇଥାନ୍ତି । ଯାହାଫଳରେ ପେଟ ଯନ୍ତ୍ରଣା, ବାନ୍ତି, ଝାଡା ଭଳି ସମସ୍ୟା ଦେଖାଦେଇଥାଏ । ଆଖୁ ରସ ଡାଇବେଟିସ ରୋଗୀଙ୍କ ପାଇଁ କ୍ଷତିକାରକ ହୋଇଥାଏ । ଅତ୍ୟଧିକ ଖରାରେ ଆଖୁ ରସ ପିଇବା ଦ୍ବାରା ହଠାତ୍ ସୁଗାର ଲେବଲକୁ ବଢାଇଦେଇଥାଏ । ଆଖୁ ରସରେ ବାସି ବରଫ ମିଶା ରସକୁ ପିଇବା ଦ୍ବାରା ସ୍ବାସ୍ଥ୍ୟ ପାଇଁ ହାନିକାରକ ହୋଇଥାଏ ।
ଦୂଷିତ ଆଖୁ ରସ ପିଇବା ଫଳରେ ଆମ ଶରୀରର ଇମ୍ୟୁନିଟି ପାୱାରକୁ ଦୁର୍ବଳ କରିଦେଇଥାଏ । ତେଣୁ ଏଭଳି ଖରାରେ ରହୁଥିବା ଆଖୁ ରସଠାରୁ ଦୂରେଇ ରୁହନ୍ତୁ ।
ସୁସ୍ଥ ଶରୀର ପାଇଁ ସବୁବେଳେ ଫ୍ରେସ୍ ଆଖୁ ରସ ଜୁସ ପିଇବା ଉଚିତ୍ । ସଫା ରଖିଥିବା ଆଖୁ ରସ ଉପଯେର ଧ୍ୟାନ ଦିଅନ୍ତୁ । ଆଖୁ ରସକୁ ଖାଲି ପେଟରେ କିମ୍ବା ଖାଦ୍ୟରେ ପେଟ ଫୁଲ୍ ଥିବା ସମୟରେ ଆଖୁ ରସ ପିଇବା ଉଚିତ୍ ନୁହେଁ । ଏହା ବ୍ୟତୀତ ଝାଳ ବୋହିବା ସମୟରେ ମଧ୍ୟ ଆଖୁ ରସ ପିଇବା ଉଚିତ୍ ନୁହେଁ । ଡାଇବେଟୀସ ରୋଗୀମାନେ ଡାକ୍ତରଙ୍କ ପରାମର୍ଶ ନେଇ ଆଖୁ ରସ ପିଇବା ଆବଶ୍ୟକ ।
Also Read : ଖରାଦିନେ ଝାଳ ବାହାରି ଆପଣଙ୍କ କେଶ ଦୁର୍ଗନ୍ଧ କରୁଛି କି…ତ ଫଟାଫଟ୍ ଏହି ଘରୋଇ ଉପଚାର କରନ୍ତୁ