PHOTO : food.ndtv
ଆଜିକାଲି ମହିଳାମାନେ ସମସ୍ତ କାମକୁ ନେଇ ବହୁତ ବ୍ୟସ୍ତ ରହୁଛନ୍ତି । ଯେପରି ଘର, ଅଫିସ୍, ସ୍ୱାମୀ ଏବଂ ପିଲାଙ୍କର ଯତ୍ନ ନେବା, ଯୋଗୁ ମହିଳାମାନେ ସେମାନଙ୍କ ସ୍ୱାସ୍ଥ୍ୟ ଉପରେ ଠିକ୍ ଭାବେ ଧ୍ୟାନ ଦେଇ ପାରୁନାହାନ୍ତି । ଏପରି ପରିସ୍ଥିତିରେ ମହିଳାମାନେ ପୁରୁଷଙ୍କ ଅପେକ୍ଷା ଅଧିକ ଏନର୍ଜି ଏବଂ ଭଲ ଖାଇବା ଅଭ୍ୟାସ ଆବଶ୍ୟକ କରନ୍ତି । ମହିଳାମାନଙ୍କୁ ପ୍ରତି ମାସରେ ପିରିୟଡ ଯନ୍ତ୍ରଣା ଦେଇ ଗତି କରିବାକୁ ପଡେ । ସେହି ସମୟରେ ଗର୍ଭାବସ୍ଥା ଏବଂ ମେନୋପୋଜ ସମୟରେ ଶରୀରରେ ହରମୋନ୍ ଅନେକ ଥର ପରିବର୍ତ୍ତନ ହୋଇଥାଏ । ତେଣୁ ସୁସ୍ଥ ରହିବାକୁ ମହିଳାମାନେ ନିଜ ଖାଦ୍ୟରେ କିଛି ହେଲଦି ସୁପରଫୁଡ୍ ଅନ୍ତର୍ଭୁକ୍ତ କରିବା ଜରୁରୀ । ଯାହା ଦ୍ୱାରା ସେମାନେ ଏତେ ବ୍ୟସ୍ତ ବହୁଳ ଜୀବନରେ ମଧ୍ୟ ସୁସ୍ଥ ରହିବେ ଏବଂ କୌଣସି ପ୍ରକାର ସମସ୍ୟାର ମଧ୍ୟ ସାମ୍ନା କରିବାକୁ ପଡିବ ନାହିଁ । ତାହେଲେ ଆସନ୍ତୁ ଜାଣିବା ଯେଉଁ ସବୁ ଖାଦ୍ୟ ମହିଳାମାନେ ନିଜ ଡାଏଟ୍ରେ ସାମିଲ କରିବା ଉଚିତ ।
କ୍ଷୀର ଏବଂ କମଳା ଜୁସ୍ : ବୟସ ବଢିବା ସହିତ ଶରୀରରେ କ୍ୟାଲସିୟମ ଏବଂ ଭିଟାମିନ୍ D ର ଅଭାବ ଦେଖାଯାଏ । ଏଭଳି ପରିସ୍ଥିତିରେ ମହିଳାମାନେ ନିଜ ଖାଦ୍ୟରେ କ୍ଷୀର ଏବଂ କମଳା ଜୁସ୍ ଅନ୍ତର୍ଭୁକ୍ତ କରିବା ଜରୁରୀ । କ୍ଷୀର ଏବଂ କମଳା ରସ ପିଇବା ଦ୍ୱାରା ଶରୀରକୁ ସହଜରେ କ୍ୟାଲସିୟମ ଏବଂ ଭିଟାମିନ୍ D ମିଳିଥାଏ । ଏହା ହାଡକୁ ମଧ୍ୟ ମଜ୍ବୁତ କରିଥାଏ ।
ଦହି : ଦହି ସମସ୍ତଙ୍କ ପାଇଁ ଲାଭଦାୟକ ହୋଇଥାଏ, କିନ୍ତୁ ଅଧିକାଂଶ ଲୋକମାନେ ଦହିକୁ ନିଜ ଡାଏଟ୍ରେ ସାମିଲ କରନ୍ତି, କାରଣ ଏହା କମ୍ ଫ୍ୟାଟ୍ି ଜିନିଷ ହୋଇଥାଏ । ତେବେ ଦହିରେ ଭଲ ପରିମାଣର କ୍ୟାଲସିୟମ ଥାଏ । ଅନେକ ଗବେଷଣାରେ କୁହାଯାଇଛି ଯେ ପ୍ରତିଦିନ ଦହି ଖାଇବା ଦ୍ୱାରା ବ୍ରେଷ୍ଟ କ୍ୟାନ୍ସର ହେବାର ଆଶଙ୍କା କମିଯାଏ । ଦହି ପେଟ ପାଇଁ ଲାଭଦାୟକ ଏହା ବିଭିନ୍ନ ପ୍ରକାରର ଇନ୍ଫେକ୍ସନ୍ରୁ ଏବଂ ଅଲସର ହେବାର ଆଶଙ୍କାରୁ ଦୂରେଇ ରଖିଥାଏ ।
ଟମାଟୋ : ସ୍କିନ୍କୁ ଚମକାଇବା ପାଇଁ ଟମାଟୋକୁ ଖାଦ୍ୟରେ ଅନ୍ତର୍ଭୁକ୍ତ କରିବା ଉଚିତ, କାରଣ ଏହା ବହୁତ ଭଲ ହୋଇଥାଏ । ଟମାଟୋ ହେଉଛି ଏକ ସୁପରଫୁଡ୍ ଯେଉଁଥିରେ ଲାଇକୋପିନ୍ ନାମକ ଏକ ପୋଷକ ତତ୍ତ୍ୱ ମିଳିଥାଏ । ଏହା ସହିତ ବ୍ରେଷ୍ଟ କ୍ୟାନ୍ସର ହେବାର ଆଶଙ୍କା କମିଯାଇପାରେ । ଏହା ଆଣ୍ଟିଅକ୍ସିଡାଣ୍ଟରେ ଭରପୂର ହୋଇଥାଏ, ଯାହା ହାର୍ଟ ପାଇଁ ମଧ୍ୟ ଲାଭଦାୟକ ହୋଇଥାଏ ଏବଂ ଆଣ୍ଟି-ଏଜିଂ ଭଳି କାମ କରେ ।
ଆମଲା : ଆମଲା ସ୍ୱାସ୍ଥ୍ୟ ପାଇଁ ବହୁତ ଭଲ ହୋଇଥାଏ । ଏହା ସହ ଆମଲା ଖାଇବା ଦ୍ୱାରା ଶରୀରକୁ ଭିଟାମିନ୍ C ମିଳିଥାଏ । ମହିଳାଙ୍କ ସ୍ୱାସ୍ଥ୍ୟ ପାଇଁ ଆମଲା ଅତ୍ୟନ୍ତ ଭଲ ବୋଲି କୁହାଯାଏ । ଏହା ରୋଗ ପ୍ରତିରୋଧକ ଶକ୍ତି ବଢାଇଥାଏ । ଭିଟାମିନ୍ C, ଭିଟାମିନ୍ A, B, ପୋଟାସିୟମ୍, କାର୍ବୋହାଇଡ୍ରେଟ୍, ଫାଇବର, ପ୍ରୋଟିନ୍, ଆଇରନ୍ ଏବଂ ମ୍ୟାଗ୍ନେସିୟମ୍ରେ ଭରପୂର ଆମଲା ପେଟ, ଆଖି, ସ୍କିନ୍ ଏବଂ କେଶ ପାଇଁ ଏକ ଲାଭ ଉପାଦାନ ହୋଇଥାଏ ।
ପାଳଙ୍ଗ : ମହିଳାମାନେ ନିଜ ଖାଦ୍ୟରେ ଯଥାସମ୍ଭବ ସବୁଜ ପନିପରିବା ଅନ୍ତର୍ଭୁକ୍ତ କରିବା ଉଚିତ୍ । ସବୁଜ ପନିପରିବା ଖାଇବା ଦ୍ୱାରା ଶରୀରରେ ପ୍ରଚୁର ପରିବାଣରେ ଆଇରନ୍ ମିଳିଥାଏ । ଏଥିପାଇଁ ଖାଦ୍ୟରେ ପାଳଙ୍ଗ, ବ୍ରୋକୋଲି, କୋବି କିମ୍ବା ଅନ୍ୟାନ୍ୟ ସବୁଜ ପନିପରିବା ଅନ୍ତର୍ଭୁକ୍ତ କରିବା ଉଚିତ । ଏହା ଶରୀରକୁ ଆଇରନ୍, ଭିଟାମିନ୍ B, କ୍ୟାଲସିୟମ୍ ଏବଂ ଅନ୍ୟାନ୍ୟ ମିନିରଲ୍ସ ଯୋଗାଇଥାଏ । ସେଥିପାଇଁ ମହିଳାମାନେ ନିଜ ପ୍ରତିଦିନ ଡାଏଟ୍ରେ ଏହି ସବୁ ଖାଦ୍ୟ ସାମିଲ୍ କରିବା ଉଚିତ ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…