ୟୁଟିଆଇ ବା ୟୁରିନାରି ଟ୍ରାକ୍ଟ ଇନ୍ଫେକସନ୍, ବ୍ୟାକ୍ଟେରିଆଙ୍କ ଯୋଗୁ ଦେଖାଦେଉଥିବା ଏକ ସମସ୍ୟା। ବେଳେବେଳେ ଭାଇରସ ଓ ଫଙ୍ଗଲ ଇନ୍ଫେକସନ୍ ଯୋଗୁ ବି ଏହି ସମସ୍ୟା ଦେଖାଦିଏ। ଉଭୟ ପୁରୁଷ ଓ ମହିଳାଙ୍କ ଠାରେ ଏହି ସଂକ୍ରମଣ ହେଉଥିଲେ ମଧ୍ୟ ଅଧିକାଂଶ ମହିଳା ଶୀଘ୍ର ଏହାର ଶିକାର ହୋଇଥାନ୍ତି। ପ୍ରାଇଭେଟ୍ ପାର୍ଟକୁ ସଫାସୁତୁରା ନ ରଖିଲେ ଏହି ସମସ୍ୟା ଦେଖାଯାଏ। ତେବେ ଆସନ୍ତୁ ଜାଣିବା ୟୁଟିଆଇର ଲକ୍ଷଣ ଓ ପ୍ରତିକାର…
ୟୁଟିଆଇର ଲକ୍ଷଣ:
- ବାରମ୍ବାର ପରିସ୍ରା ଲାଗିବା
- ପରିସ୍ରା କରିବା ବେଳେ ପୀଡ଼ା ହେବା
- ଥଣ୍ଡା ଲାଗିବା ଓ ଜ୍ୱର ଆସିବା
- ପରିସ୍ରାର ରଙ୍ଗ ବଦଳିବା
- ପରିସ୍ରା ପୋଡ଼ା ହେବା ଓ ଦୁର୍ଗନ୍ଧ କରିବା
- ତଳିପେଟ କାମୁଡ଼ିବା
- ଥକାପଣ ଅନୁଭବ କରିବା ଓ ମୁଣ୍ଡ ବୁଲାଇବା
ପ୍ରତିକାର:
- ପ୍ରଥମେ ତ ସାବୁନ ବ୍ୟବହାର କରିବା ବନ୍ଦ କରନ୍ତୁ।
- ଯେତେ ପାରୁଛନ୍ତି ସେତେ ଅଧିକ ପାଣି ପିଅନ୍ତୁ।
- ଯଦି ପାଣି ପିଇପାରୁନାହାନ୍ତି ତେବେ ପଇଡ଼ ପାଣି କିମ୍ବା ଜୁସ୍ ପିଅନ୍ତୁ।
- ପାଣିରେ ପ୍ରାଇଭେଟ୍ ପାର୍ଟକୁ ଧୁଅନ୍ତୁ।
- ଢିଲା ପାଇଜାମା ପିନ୍ଧନ୍ତୁ।
- ପ୍ରାଇଭେଟ୍ ପାର୍ଟକୁ ସଫାସୁତୁରା ଓ ଶୁଖିଲା ରଖନ୍ତୁ।
- ପିରିୟଡ୍ସ ବେଳେ କମ୍ ସେ କମ୍ ୨-୩ ଥର ପ୍ୟାଡ୍ ବଦଳାନ୍ତୁ।
- ବାଥ୍ଟବ୍ ବ୍ୟବହାର କରିବାରୁ ବିରତ ରୁହନ୍ତୁ।
- ମସାଲାଯୁକ୍ତ ଖାଦ୍ୟ ଖାଆନ୍ତୁ ନାହିଁ।
- ପରିସ୍ରା ରୋକିବା ଯୋଗୁ ମଧ୍ୟ ଇନ୍ଫେକସନ୍ ହୋଇଥାଏ। ଏଣୁ ଯେତେବେଳେ ବି ପରିସ୍ରା ଲାଗୁଛି ତୁରନ୍ତ ଯାଆନ୍ତୁ, ରୋକନ୍ତୁ ନାହିଁ।