ଏହି ପାଞ୍ଚଟି ଲକ୍ଷଣକୁ ଚିହ୍ନନ୍ତୁ : ପିଲା ଦୁର୍ବଳ ହେବାର ମୁଖ୍ୟ କାରଣ, ଦୁର୍ବଳତାକୁ ଦୂର କରିବା ପାଇଁ କରନ୍ତୁ ଏହି ଉପାୟ
ସାଧାରଣ ଭାବେ ଛୋଟ ପିଲାମାନେ ଅଧିକ ସମୟରେ ଅକ୍ଟିଭ ରୁହନ୍ତି। ଏମିତିକି ପିଲାମାନେ ସ୍କୁଲରୁ ଆସିବା ମାତ୍ରେ ସେମାନେ ଖେଳିବାକୁ ବାହାରକୁ ଯାଆନ୍ତି। ଖେଳିବା ପରେ ମଧ୍ୟ ସେମାନେ ଏତେ ଜଲଦି କ୍ଳାନ୍ତ ଅନୁଭବ କରନ୍ତି ନାହିଁ। ଆପଣ ଜାଣିଛନ୍ତି ଯେ ପିଲାମାନଙ୍କର ଦିନସାରା ଡେଇଁବା ଏବଂ ଖେଳିବାର କ୍ଷମତା ଅଛି । ଏପରି ପରିସ୍ଥିତିରେ, ଯଦି ଆପଣଙ୍କର ପିଲା ଖେଳିବାକୁ ଡେଇଁବାକୁ ଆଗ୍ରହ ନକରି ଚୁପଚାପ୍ ବସିଥାଏ, ତେବେ ସେ ଥକ୍କା ଅନୁଭବ କରୁଛି ଏବଂ ଅବସାଦଗ୍ରସ୍ତ ରହୁଛି। ଏଥିରୁ ଜାଣି ନିଅନ୍ତୁ ଯେ ପିଲାଟି ଶାରୀରିକ ଭାବେ ସୁସ୍ଥ ନାହିଁ।
ଦୁର୍ବଳତା ହେତୁ ପିଲାମାନେ ଅଧିକ ସମୟ ଖେଳ କୁଦ କରି ପାରନ୍ତି ନାହିଁ। ମାଂସପେଶୀର ଦୁର୍ବଳତା ହେତୁ ପିଲାମାନେ କେବଳ ଖେଳିବାରେ ନୁହେଁ ବରଂ ଚାଲିବାରେ ମଧ୍ୟ ଅସୁବିଧାର ସମ୍ମୁଖୀନ ହୋଇପାରନ୍ତି। ଯାହାକି ପରେ ତାଙ୍କ ପାଇଁ ସାଂଘାତିକ ହୋଇଯାଏ। ବେଳେବେଳେ, ପିଲାମାନଙ୍କର ଦୁର୍ବଳତା ଏତେ ବଢ଼ିଯାଏ ଯେ ସେମାନେ ବ୍ୟକ୍ତିଗତ କାର୍ଯ୍ୟ କରିବାକୁ ମଧ୍ୟ ସକ୍ଷମ ହୋଇପାରନ୍ତି ନାହିଁ। ଆପଣଙ୍କ ପିଲା ଶାରୀରିକ ଭାବରେ ଦୁର୍ବଳ କି ନୁହେଁ ତାହା ଜାଣିବା ପାଇଁ, ପିଲାମାନଙ୍କଠାରେ କିଛି ଦୁର୍ବଳତାର ଲକ୍ଷଣ ଜାଣିବାକୁ ପଡ଼ିବ। ଦୁର୍ବଳତାର କାରଣ ଏବଂ ଚିକିତ୍ସା ବିଷୟରେ ଜାଣିବା ନିହାତି ଦରକାର।
ଶିଶୁର ଦୁର୍ବଳତାର ଲକ୍ଷଣ:
ଦୁର୍ବଳତା ମୁଖ୍ୟ କାରଣ ହେଉଛି ମୁଣ୍ଡବିନ୍ଧା ଏବଂ ଥକ୍କାପଣ। ଯଦି ପିଲାଟି ବାରମ୍ବାର ମୁଣ୍ଡବିନ୍ଧା ବିଷୟରେ କଥାବାର୍ତ୍ତା କରେ କିମ୍ବା କେବଳ କିଛି କାର୍ଯ୍ୟକଳାପ ପରେ ଥକ୍କା ଅନୁଭବ କରେ, ତେବେ ଏହା ଆଭ୍ୟନ୍ତରୀଣ ଅସୁସ୍ଥତାର ସଙ୍କେତ ବୋଲି ବିବେଚନା କରାଯାଏ। ବେଳେବେଳେ ଖେଳିବା କିମ୍ବା କିଛି କାମ କରିବାବେଳେ ଶିଶୁର ହୃଦସ୍ପନ୍ଦନ ବଢ଼ିଯାଏ ଏବଂ ସେ ନିଶ୍ୱାସ ନେବାରେ ଅସୁବିଧା ଅନୁଭବ କରିଥାଏ। ଯାହା ହେଉଛି ଥକାପଣର ପ୍ରଥମ ଲକ୍ଷଣ।
ଅନେକ ଥର, ପୁଷ୍ଟିକର ଖାଦ୍ୟ ଅଭାବରୁ ପିଲାମାନଙ୍କର ପାଦରେ ମଧ୍ୟ ଦୁର୍ବଳତା ଦେଖାଯାଏ। ଦୌଡ଼ିବା ଏବଂ ଡେଇଁବା ବୟସରେ, କିଛି ପିଲାମାନେ ଚାଲିବାରେ ଅସମର୍ଥ ହୁଅନ୍ତି ଏବଂ ପାଦରେ ଯନ୍ତ୍ରଣା ହେଉଥିବା ଅଭିଯୋଗ କରନ୍ତି। ଯାହା ପାଇଁ ସେମାନେ ଠିଆ ହେବା, ଦୌଡ଼ିବା ଏବଂ ଡେଇଁବା ତାଙ୍କ ପାଇଁ କଷ୍ଟକର ହୋଇପଡେ। ଏହା ମଧ୍ୟ କ୍ୟାଲସିୟମ ଅଭାବର ସଙ୍କେତ ହୋଇପାରେ।
ଯଦି ପିଲାଟି ବାରମ୍ବାର ଜ୍ୱରରେ ପୀଡିତ ହେଉଛି, ତା’ହେଲେ ପିଲାଟିର ରୋଗ ପ୍ରତିରୋଧକ ଶକ୍ତି ଦୁର୍ବଳ ହେବା ସହିତ ସେ ଶାରୀରିକ ଭାବରେ ମଧ୍ୟ ଦୁର୍ବଳ ଅଛି । ଯଦି ଆପଣଙ୍କ ପିଲାର ହାତ ଏବଂ ବାହୁରେ ମଧ୍ୟ ଦର୍ଜ ଅନୁଭବ ହେଉଛି, ତେବେ ସେ ଅସୁସ୍ଥ ଅଛି। ଏହା ସହିତ ଚେହେରା ଶୁଖିଯିବା ମଧ୍ୟ ହେଉଛି ଶିଶୁର ଦୁର୍ବଳତା। ଓଠ ଶୁଖିଲା ଦେଖାଯିବା ଏବଂ ଆଖି ତଳେ କଳା ଦାଗ ଦେଖାଯିବା ମଧ୍ୟ ଦୁର୍ବଳତାର ମୁଖ୍ୟ କାରଣ। ଦୁର୍ବଳତା ପାଇଁ ମଧ୍ୟ ସେମାନଙ୍କୁ କଥା କହିବା, ଖାଦ୍ୟ ଖାଇବା ଏବଂ ଚୋବାଇବାରେ ମଧ୍ୟ ଅସୁବିଧା ହୁଏ। ଦୁର୍ବଳତାର ଅନେକ କାରଣ ଥାଇପାରେ। ପୁଷ୍ଟିକର ଅଭାବ, ମାଂସପେଶୀ ଦୁର୍ବଳତା, ପୋଲିଓ, ଆକ୍ୟୁଟ୍ ଫ୍ଲାସିଡ୍ ମାୟେଲାଇଟିସ୍ ଏବଂ ଅନେକ ରୋଗ ଶିଶୁର ଦୁର୍ବଳତା ସୃଷ୍ଟି କରିପାରେ।
ଦୁର୍ବଳତା ହେତୁ ଶିଶୁର କାମ କରିବାରେ ଅସୁବିଧା ହେବା ସହିତ ଶିଶୁର ବିକାଶ ମଧ୍ୟ ଧିର ହୋଇଯାଏ । ସେମାନଙ୍କର ଉଚ୍ଚତା ବୃଦ୍ଧି ହୁଏ ନାହିଁ ଏବଂ ଅନେକଙ୍କ ଦୁର୍ବଳତା ପାଇଁ ଓଜନ ମଧ୍ୟ କମ ରୁହେ। ଏପରି ପରିସ୍ଥିତିରେ ତୁରନ୍ତ ଡାକ୍ତରଙ୍କ ସହ ଯୋଗାଯୋଗ କରାଯିବା ଉଚିତ ଏବଂ ପିଲାଙ୍କ ଉପରେ ସମସ୍ତ ଆବଶ୍ୟକୀୟ ପରୀକ୍ଷା କରାଯିବା ଉଚିତ୍। ତେବେ ଏପରି ଦୁର୍ବଳତାକୁ ଏଡାଇବା ପାଇଁ ଉପାୟ ମଧ୍ୟ ରହିଛି। ଯଦି ପିଲାମାନଙ୍କଠାରେ ଦୁର୍ବଳତାର ଲକ୍ଷଣ ଥାଏ, ତେବେ ସର୍ବପ୍ରଥମେ ସେମାନଙ୍କୁ ଡାକ୍ତରଙ୍କ ନିକଟକୁ ନେଇଯାଆନ୍ତୁ। ପିଲାମାନଙ୍କୁ ପୁଷ୍ଟିକର ଖାଦ୍ୟ ଦିଅନ୍ତୁ, ଯାହା ପ୍ରୋଟିନ୍, ଆଇରନ୍, କ୍ୟାଲସିୟମ୍, ଭିଟାମିନ୍ ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର ଥିବ । ଶିଶୁକୁ ହାଇଡ୍ରେଟ୍ ରଖିବାକୁ ଚେଷ୍ଟା କରନ୍ତୁ ।
ଯଦି ପିଲାଟି କୌଣସି ପ୍ରକାରର ଶାରୀରିକ ସମସ୍ୟା ବିଷୟରେ କହିଥାଏ, ତେବେ ଏହାକୁ ଏକ ବାହାନା ଭାବରେ ଅଣଦେଖା କରନ୍ତୁ ନାହିଁ। ତୁରନ୍ତ ଡାକ୍ତରୀ ପରୀକ୍ଷା କରାଇ ନିଅନ୍ତୁ। ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ଆଧାରରେ ଆମେ ଆପଣଙ୍କୁ ଏପରି ହେଲ୍ଥ ଟିପ୍ସ ଦେଉଛୁ। ଏହା ପରେ ବି ଆପଣ ଯେକୌଣସି ରୋଗର ଶିକାର ହେଉଛନ୍ତି ସର୍ବ ପ୍ରଥମେ ଡ଼ାକ୍ତରଙ୍କ ନିକଟକୁ ଯାଇ ପରୀକ୍ଷା କରି ନିଅନ୍ତୁ।