ଶ୍ରାବଣ ମାସରେ ଆମିଷ ଖାଇବା ନିଷେଧ ହୋଇଥାଏ। ଏମିତିରେ ଯଦି ଆପଣ ଏହି ପବିତ୍ର ମାସରେ ଆମିଷ ଖାଦ୍ୟ ଭୋଜନ କରୁନାହାନ୍ତି, ତା’ହେଲେ ଗୋଟିଏ ଥର ଆପଣଙ୍କ ଖାଦ୍ୟ ତାଲିକା ଉପରେ ନଜର ପକାଇ ଦିଅନ୍ତୁ। କାହିଁକି ନା ଆମେ ପ୍ରତ୍ୟହ କିଛି ଖାଦ୍ୟକୁ ଶାକାହାରୀ ଭାବି ଖାଇଥାଉ, କିନ୍ତୁ ସେଗୁଡ଼ିକ ବିଲକୁଲ୍ ଶାକାହାରୀ ନୁହେଁ। ଆସନ୍ତୁ ଜାଣିବା, କ’ଣ ସେ ସବୁ ଖାସ୍ ଖାଦ୍ୟ।
ସୁପ୍
ଆମ ସମସ୍ତଙ୍କୁ ସୁପ୍ ପିଇବାକୁ ଭଲ ଲାଗିଥାଏ। କିନ୍ତୁ ଯଦି ଆପଣ ଏହାକୁ ଶାକାହାରୀ ଭାବି ପିଉଥାଆନ୍ତି, ତା’ହେଲେ ସାବଧାନ ହୋଇଯାଆନ୍ତୁ। ଅଧିକରୁ ଅଧିକ ରେଷ୍ଟରାଣ୍ଟରେ ଏହାକୁ ବନାଇବା ପାଇଁ ବଟାମାଂସ ବ୍ୟବହାର କରାଯାଏ, ଯାହାକି ମାଛରୁ ବାହାରୁଥିବା ଉତ୍ପାଦରେ ତିଆରି ହୋଇଥାଏ। ତେଣୁ ଯେବେ ଆପଣ ରେଷ୍ଟରାଣ୍ଟରେ ସୁପ୍ ଅର୍ଡର କରିବେ, ନିହାତି ଭାବେ ଥରେ ୱେଟରକୁ ପଚାରି ଦିଅନ୍ତୁ।
ତେଲ
ଖାଦ୍ୟ ତିଆରି କରିବା ପାଇଁ ଆପଣ ଯେଉଁ ତେଲ ବ୍ୟବହାର କରୁଛନ୍ତି, ତାହାକୁ ଭଲ ଭାବେ ପରଖି ନିଅନ୍ତୁ। ଯଦି ସେଥିରେ ଓମେଗା ୩ ଫଟି ଏସିଡ୍ ରହିଛି, ତା’ହେଲେ ଆପଣଙ୍କ ତେଲ ଶାକାହାରୀ ନୁହେଁ। କିଛି ତେଲରେ ଭିଟାମିନ୍ ଡି ରହିବା କାରଣରୁ ଏହା ଦାବି ହୁଏ ଯେ ସେଥିରେ ଲୋନୋଲିନ୍ ମିଳିଥାଏ, ଯାହାକି ମେଣ୍ଢା ମାଂସରୁ ତିଆରି ହୋଇଥାଏ।
ଚିନି
ହ୍ବାଇଟ୍ ସୁଗର ବା ଚିନି ତିଆରି ସମୟରେ ଏହାକୁ ସଫା କରିବା ପାଇଁ ଯେଉଁ ପ୍ରକ୍ରିୟା ଆପଣାଯାଏ, ସେଥିରେ ନାଚୁରାଲ କାର୍ବନର ବ୍ୟବହାର ହୋଇଥାଏ। ଆପଣ ଏହା ଜାଣିକି ଆଶ୍ଚର୍ଯ୍ୟ ହେବେ ଯେ ନାଚୁରାଲ କାର୍ବନ ହାଡ଼ ଗୁଣ୍ଡରୁ ପ୍ରସ୍ତୁତ ହୁଏ, ଯାହାକି ବିଭିନ୍ନ ପ୍ରକାର ପ୍ରାଣୀଙ୍କ ହାଡ଼ରୁ ତିଆରି କରାଯାଏ।
ବିୟର ବା ୱାଇନ୍
କେତେଜଣ ଲୋକ ଏହା କହି ବିୟର ବା ୱାଇନ୍ ପିଅନ୍ତି ଯେ ଏହା ଫଳ ରସରୁ ପ୍ରସ୍ତୁତ ହୁଏ। ଏଠାରେ ଆମେ କହିରଖୁଛୁ କି ମଦକୁ ସଫା କରିବା ପାଇଁ ଇଞ୍ଜିନ ଗ୍ୟାସ ବ୍ୟବହାର କରାଯାଏ, ଯାହା ମାଛ ମୂତ୍ରାଶୟରୁ ପ୍ରସ୍ତୁତ ହୋଇଥାଏ।
ଜାମ୍
ଅନେକ ପରିବାର ସକାଳ ଜଳଖିଆରେ ବ୍ରେଡ୍ ଏବଂ ଜାମ୍ ଖାଇବାକୁ ପସନ୍ଦ କରିଥାଆନ୍ତି, ଯେଉଁଥିରେ ଜିଲେଟିନ୍ ରହିଥାଏ। ଏହା ପ୍ରାଣୀଠାରୁ ମିଳୁଥିବା ଏକ ପ୍ରଡକ୍ଟ।
ଏହାସହ ପଢ଼ନ୍ତୁ: ବ୍ୟାଚେଲର ଟ୍ରିପକୁ କରିବାକୁ ଚାହୁଁଛନ୍ତି କି ମେମୋରେବୁଲ୍ ? ଏହି ୫ ଜାଗା ଆପଣଙ୍କ ଇଚ୍ଛା ପୂରଣ କରିଦେବ
ଦହି
ଯଦି ଆପଣ ବଜାରରୁ ଦହି କିଣୁଛନ୍ତି ତ ଏହାର ପ୍ୟାକେଟ୍ ଉପରୁ ଥରେ ନଜର ବୁଲାଇ ଆଣନ୍ତୁ। ପ୍ୟାକେଟରେ ଲେଖାଯାଇଥିବା ଉପାଦାନ ନିହାତି ପଢ଼ନ୍ତୁ। ଯଦି ସେଥିରେ ଜିଲେଟିନ୍ ଅଛି, ତା’ହେଲେ ଆପଣଙ୍କୁ ଏହି ଦହି କିଣିବାର ନାହିଁ।