ଚିନି ବଦଳରେ ବ୍ୟବହାର କରନ୍ତୁ ଗୁଡ଼, ମିଳିବ ଭିଟାମିନ ଏବଂ ମିନେରାଲ୍ସ
ଯଦି ଆପଣ ଫିଟ୍ ରହିବାକୁ ଚାହାଁନ୍ତି, ତେବେ ଆପଣଙ୍କ ଖାଦ୍ୟରୁ ଚିନି ଏବଂ ଲୁଣକୁ ସଂପୂର୍ଣ୍ଣ ହ୍ରାସ କରନ୍ତୁ । କିଛି ଲୋକ ନିୟମିତ ଭାବରେ କେବଳ କ୍ଷୀର ଏବଂ ଚା’ରେ ଦିନକୁ ୩-୪ ଚାମଚ ଚିନି ପିଅନ୍ତି । ଏହା ବ୍ୟତୀତ, ଯଦି ଆପଣ ଦିନରେ କିଛି ମିଠା ଖାଆନ୍ତି ତେବେ ଏହା ଅଲଗା ଅଟେ । ତେଣୁ, ସର୍ବପ୍ରଥମେ ଏହା ଜରୁରୀ ଯେ ଆପଣ ଆପଣଙ୍କର ଦୈନିକ ସୁଗାର ଇନଟେକକୁ ହ୍ରାସ କରନ୍ତୁ ।
ଏଥିପାଇଁ ସର୍ବପ୍ରଥମେ ଚା’ ଏବଂ କ୍ଷୀରରୁ ଚିନି ବ୍ୟବହାର କରିବା ବନ୍ଦ କରନ୍ତୁ । ଏହା ଆପଣଙ୍କ ଦୈନିକ ସୁଗାର ଇନଟେକକୁ ଯଥେଷ୍ଟ ହ୍ରାସ କରିବ । ଯଦି ଆପଣ ମିଠା ଖାଇବାକୁ ଚାହାଁନ୍ତି ତେବେ ଚିନି ବଦଳରେ ଗୁଡ଼ ବ୍ୟବହାର କରନ୍ତୁ । ଏହା ଧଳା ଚିନି ପରି କ୍ଷତି ଘଟାଏ ନାହିଁ । ତଥାପି, ଆପଣ ସୀମିତ ପରିମାଣରେ ମିଠା ଖାଇବା ଉଚିତ୍ ।
ଚିନି ଏବଂ ଗୁଡ଼ରେ କେତେ କ୍ୟାଲୋରୀ ଅଛି?
ଚିନି ଅପେକ୍ଷା ଗୁଡ଼ ଆମ ସ୍ୱାସ୍ଥ୍ୟ ପାଇଁ ଅଧିକ ଲାଭଦାୟକ ହୋଇଥାଏ । କ୍ୟାଲୋରୀ ବିଷୟରେ କହିବାକୁ ଗଲେ, ୧୦୦ ଗ୍ରାମ ଗୁଡ଼ରେ ପ୍ରାୟ ୩୪୦ କ୍ୟାଲୋରୀ ଥାଏ । ଯେଉଁଠାରେ ୧୦୦ ଗ୍ରାମ ଚିନିରେ ପ୍ରାୟ ୩୭୫ କ୍ୟାଲୋରୀ ଥାଏ । ଚିନି ଅପେକ୍ଷା ଗୁଡ଼ରେ କମ୍ କ୍ୟାଲୋରୀ ଥାଏ ଏବଂ ଏଥିରେ ଅନେକ ଭିଟାମିନ୍, ମିନେରାଲ୍ସ ଏବଂ ଫ୍ୟାଟ୍ ମଧ୍ୟ ମିଳିଥାଏ ।
ଚିନି ଅପେକ୍ଷା ଗୁଡ଼ କାହିଁକି ଭଲ?
ଯଦି ଆପଣ ୧୦୦ ଗ୍ରାମ ଗୁଡ଼ ଖାଆନ୍ତି, ଏଥିରେ ୭୦ ପ୍ରତିଶତ ସୁକ୍ରୋଜ୍ ଥାଏ, ଯଦି ଆପଣ ୧୦୦ ଗ୍ରାମ ଧଳା ଚିନି ଖାଆନ୍ତି, ତେବେ ଏଥିରେ ୯୯. ୭ ପ୍ରତିଶତ ସୁକ୍ରୋଜ୍ ଥାଏ । ଏହା ବ୍ୟତୀତ ଚିନିରେ ପ୍ରୋଟିନ୍, ଭିଟାମିନ୍, ମିନେରାଲ୍ସ କିମ୍ବା ଫ୍ୟାଟ୍ ମିଳେନାହିଁ । କିନ୍ତୁ ଗୁଡରେ ଫ୍ରୁଟକୋଜ୍, ଗ୍ଲୁକୋଜ୍, ପ୍ରୋଟିନ୍, ଆଇରନ୍, କ୍ୟାଲସିୟମ୍, ମାଙ୍ଗାନିଜ୍, ପୋଟାସିୟମ୍, ମ୍ୟାଗ୍ନେସିୟମ୍, ଫସଫରସ୍ ପରି ଖଣିଜ ପଦାର୍ଥ ଆଦି ମିଳିଥାଏ । ଭିଟାମିନ୍ ଇ, ଭିଟାମିନ୍ ଏ, ଭିଟାମିନ୍ ସି ମଧ୍ୟ ଗୁଡ଼ରେ ମିଳିଥାଏ ।
ଓଜନ ହ୍ରାସ କରିବାରେ ଗୁଡ଼ ଅତ୍ୟନ୍ତ ପ୍ରଭାବଶାଳୀ:
ତେଣୁ ଚା କିମ୍ବା କ୍ଷୀରରେ ଚିନି ବଦଳରେ ଗୁଡ଼ ବ୍ୟବହାର କରିବା ଆରମ୍ଭ କରନ୍ତୁ । ଆପଣ କ୍ଷୀରରେ ଗୁଡ଼ ପାଉଡର ତଥା ଗୁଡ଼ ମିଶାଇ ପିଅନ୍ତୁ । ଏହା ଆପଣଙ୍କୁ ଶକ୍ତି ଦେବ ଏବଂ ହଜମ ମଧ୍ୟ ଭଲ ହେବ । ଚିନି ବଦଳରେ ଗୁଡ଼ ଏକ ହେଲ୍ଦି ଅପ୍ସନ, ଯାହାର କୌଣସି ପାର୍ଶ୍ୱ ପ୍ରତିକ୍ରିୟା ମଧ୍ୟ ନାହିଁ ।
