ଏହିସବୁ ରୋଗରୁ ମୁକ୍ତି ଚାହୁଁଥିଲେ ଦୈନିକ ପିଅନ୍ତୁ କଖାରୁ ରସ
ପ୍ରତ୍ୟେକ ଫଳ ଓ ପରିପରିବାର ଔଷଧୀୟ ଗୁଣ ରହିଛି । ଏମିତି କିଛି ପରିବା ରହିଛି ଯାହା ଆମକୁ ବିଭିନ୍ନ ରୋଗରୁ ରକ୍ଷା କରିଥାଏ । ଆଜି ଆସନ୍ତୁ ଜାଣିବା କଖାରୁ ର ଔଷଧୀୟ ଗୁଣ ସମ୍ପର୍କରେ । କଖାରୁ ରସ ଆମକୁ କି ରୋଗରୁ ରକ୍ଷା କରିପାରିବ ।
୧. ହାର୍ଟ ରୋଗରୁ ରକ୍ଷା କରିଥାଏ : କଖାରୁ ହାର୍ଟ ରୋଗରୁ ରକ୍ଷା କରିଥାଏ । କଖାରୁରେ ବହୁମାତ୍ରାରେ ଆଣ୍ଟି ଅକ୍ସିଡାଣ୍ଟ ଗୁଣ ରହିଥାଏ ଯାହା ହାର୍ଟ ରୋଗମୁକ୍ତ କରି ସୁସ୍ଥ ରଖିବାରେ ସାହାଯ୍ୟ କରିଥାଏ ।
୨. ବ୍ଲଡ ପ୍ରେସର କରିଥାଏ କଣ୍ଟ୍ରୋଲ : ଯେଉଁମାନେ ହାଇ ବ୍ଲଡ ପ୍ରେସର ରୋଗରେ ପୀଡିତ ଅଛନ୍ତି ସେମାନେ କଖାରୁ ରସ ସେବନ କରିବା ଉଚିତ୍ । ଏଥିରେ ଥିବା ଆଣ୍ଟି ଅକ୍ସିଡାଣ୍ଟ ଗୁଣ ବ୍ଲଡ ପ୍ରେସରକୁ କଣ୍ଟ୍ରୋଲ କରିବାରେ ସହାୟକ ହୋଇଥାଏ ।
୩. ପଥରୀ ରୋଗରେ ବଡ଼ ଉପକାରୀ : ଆଜିକାଲି ପଥରୀ ରୋଗରେ ଅଧିକାଂଶ ଲୋକେ ପୀଡିତ । ତେବେ ପଥର ରୋଗରେ କଖାରୁ ରସ ବେଶ ଉପକାରୀ । ନିୟମିତ କଖାରୁ ଜୁସ ପିଇବା ଦ୍ୱାରା ଏଥିରୁ ମୁକ୍ତି ମିଳିଥାଏ । ଏହାକୁ ନିୟମିତ ପିଇବା ଦ୍ୱାରା ଓଜନ ମଧ୍ୟ ହ୍ରାସ ପାଇଥାଏ ।
କଖାରୁ ଜୁସ୍ ବନାଇବା ତରିକା :
ପ୍ରଥମେ କଖାରୁକୁ ଛୋଟ ଛୋଟ ଖଣ୍ଡରେ କାଟନ୍ତୁ । ଏହାପରେ କଖାରୁକୁ ମିକ୍ସରରେ ଗ୍ରାଇଣ୍ଡ କରି ଏହାର ରସ କାଢ଼ନ୍ତୁ । ପରେ ଏହାକୁ ଛାଣିକରି ଏହାର ରସକୁ ପିଇପାରିବେ ।
