କୋଷ୍ଠକାଠିନ୍ୟ ସମସ୍ୟା ଯୋଗୁ ଚିନ୍ତିତ କି ? ଆପଣାନ୍ତୁ ଏହି ୪ଟି ଆୟୁର୍ବେଦିକ ଉପାୟ
ଗ୍ରୀଷ୍ମ ସମୟରେ ଏହି ସମସ୍ୟା ପ୍ରାୟତଃ ବଢିଯାଏ କାରଣ, ଏହି ସମୟରେ ଯେତେବେଳେ ଆମେ ଆବଶ୍ୟକତାଠାରୁ କମ୍ ପାଣି ପିଇଥାଉ । ସେତେବେଳେ ଲୋକମାନେ ଗ୍ୟାସର ସମ୍ମୁଖୀନ ହୋଇଥାନ୍ତି । ତେବେ ଯଦି ଆପଣ କୋଷ୍ଠକାଠିନ୍ୟ ଏବଂ ଗ୍ୟାସ୍ ଭଳି ସମସ୍ୟା ଅଧିକ ହେଉଛି ।
ଆଜିକାଲି ଖରାପ ଖାଇବା ଅଭ୍ୟାସ ଏବଂ ଲାଇଫ୍ଷ୍ଟାଇଲ୍ ହେତୁ କୋଷ୍ଠକାଠିନ୍ୟ ଏବଂ ଗ୍ୟାସର ସମସ୍ୟା ପ୍ରତ୍ୟେକ ଲୋକଙ୍କୁ ଅସୁବିଧାରେ ପକାଉଛି । ତେବେ ଏହା ଦ୍ୱାରା ପେଟରେ ଯନ୍ତ୍ରଣା, ଗ୍ୟାସ୍, ପେଟରେ ଜଳୁଥିବା ଅନୁଭବ ହୋଇଥାଏ । ଗ୍ରୀଷ୍ମ ସମୟରେ ଏହି ସମସ୍ୟା ପ୍ରାୟତଃ ବଢିଯାଏ କାରଣ, ଏହି ସମୟରେ ଯେତେବେଳେ ଆମେ ଆବଶ୍ୟକତାଠାରୁ କମ୍ ପାଣି ପିଇଥାଉ । ସେତେବେଳେ ଲୋକମାନେ ଗ୍ୟାସର ସମ୍ମୁଖୀନ ହୋଇଥାନ୍ତି । ତେବେ ଯଦି ଆପଣ କୋଷ୍ଠକାଠିନ୍ୟ ଏବଂ ଗ୍ୟାସ୍ ଭଳି ସମସ୍ୟା ଅଧିକ ହେଉଛି । ତାହେଲେ ଆପଣ ଏଥିପାଇଁ କିଛି ଆୟୁର୍ବେଦିକ ଉପାୟ ଗ୍ରହଣ କରିପାରିବେ ।
ତ୍ରିଫଳାର ନିୟମିତ ବ୍ୟବହାର : ଯେଉଁମାନେ କୋଷ୍ଠକାଠିନ୍ୟରେ ପୀଡିତ, ସେମାନେ ନିୟମିତ ଭାବରେ ତ୍ରିଫଳା ପାଉଡର ଖାଇ ପେଟକୁ ସଫା କରିପାରିବେ ଏବଂ ଏହା ଆପଣଙ୍କ ଫିଟନେସ୍ ବଜାୟ ରଖିବାରେ ମଧ୍ୟ ସାହାଯ୍ୟ କରିଥାଏ । ଆପଣ ରାତିରେ ଶୋଇବା ପୂର୍ବରୁ ଉଷୁମ ପାଣିରେ ୫ ଗ୍ରାମ ତ୍ରିଫଳା ପାଉଡର ସେବନ କରିପାରିବେ । ଯଦି ସମସ୍ୟାଟି ଗୁରୁତର ତେବେ ଆପଣ ଦୁଇ ଚାମଚ ଇସବଗେଲ୍ ଏବଂ ୫ ଗ୍ରାମ ତ୍ରିଫଳା ମଧ୍ୟ ଗ୍ରହଣ କରିପାରିବେ ।
ଆଲୋଭେରା ଜୁସ୍ : କୋଷ୍ଠକାଠିନ୍ୟର ସମସ୍ୟା ପାଇଁ ଆଲୋଭେରା ଜୁସ୍ ପିଅନ୍ତୁ । ତେବେ ଆଲୋଭେରା ଜୁସ୍ରେ ଭିଟାମିନ୍ C, ଭିଟାମିନ୍ A ଏବଂ ଭିଟାମିନ୍ E ମିଳିଥାଏ । ଏହି ଜୁସ୍ରେ କ୍ୟାଲସିୟମ୍, ମ୍ୟାଗ୍ନେସିୟମ୍ ଏବଂ ଫାଇବର ମଧ୍ୟ ଥାଏ । ଏହି ସମସ୍ତ ଭିଟାମିନ୍ ଏବଂ ମିନେରାଲ୍ସ ହଜମକୁ ଉନ୍ନତ କରିଥାଏ ଏବଂ କୋଷ୍ଠକାଠିନ୍ୟରୁ ମୁକ୍ତି ଦେଇଥାଏ ।
ଲାଉ ଜୁସ୍ ପିଅନ୍ତୁ : ପ୍ରତିଦିନ ଲାଉ ଜୁସ୍ ପିଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ଦେଇଥାଏ । ତେବେ ୫୦ ମିଲି ଲାଉ ଜୁସ୍ ପିଇବା ଦ୍ୱାରା ପେଟ ଯନ୍ତ୍ରଣା, ପେଟ ଅଲସର ଏବଂ କୋଷ୍ଠକାଠିନ୍ୟରୁ ମୁକ୍ତି ମିଳିଥାଏ । ପାଣି ଏବଂ ଫାଇବରରେ ଭରପୂର, ଲାଉ ଆପଣଙ୍କ ହଜମ ପ୍ରକ୍ରିୟାକୁ ସଫା କରିଥାଏ ଏବଂ ଅନ୍ତନଳୀ ଗତିକୁ ଭଲ କରିଥାଏ ।
ଅଞ୍ଜିରକୁ ଭିଜାଇ ଖାଆନ୍ତୁ : ଅଞ୍ଜିରକୁ ପାଣିରେ ଭିଜାଇ ଖାଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟା ଭଲ ହୋଇପାରେ । ଏଥିପାଇଁ ରାତିସାରା ଏକ ଗ୍ଲାସ୍ ପାଣିରେ ୨ ରୁ ୩ଟି ଅଞ୍ଜିର ଭିଜାନ୍ତୁ । ପରଦିନ ସକାଳେ ସେମାନଙ୍କୁ ଖାଲି ପେଟରେ ଖାଆନ୍ତୁ । ଅଞ୍ଜିରରେ ଫାଇବର ଥାଏ ଏବଂ କୋଷ୍ଠକାଠିନ୍ୟରୁ ମୁକ୍ତି ଦେଇଥାଏ ।