ବ୍ଲଡ ପ୍ରେସର ବଢ଼ିବା ଓ କମିବା ଉଭୟ ମାରାତ୍ମକ । ଯଦି ଆପଣଙ୍କ ବ୍ଲଡ ପ୍ରେସର ହାଇ ହୋଇଥାଏ, ତେବେ ତାଙ୍କୁ ହାର୍ଟ ଆଟାକ୍ ହେବାର ଆଶଙ୍କା ଅଧିକ ରହିଥାଏ । ତେବେ ଲୋ ବ୍ଲଡ ପ୍ରେସର ଆପଣଙ୍କୁ ଅର୍ଗାନ ଫେଲୁଅର ଭଳି ସମସ୍ୟା ଦେଇଥାଏ । ଯେଉଁ ଲୋକଙ୍କ ବ୍ଲଡ ପ୍ରେସର ୯୦ ଓ ୬୦ରୁ କମ ଅଟେ, ସେ ଲୋକ ଲୋ ବିପି ବାଲା ଶ୍ରେଣୀରେ ଆସିଥାନ୍ତି । ଆସନ୍ତୁ ଜାଣିବା ବ୍ଲଡ ପ୍ରେସର ଲୋ ହେଲେ ଶରୀରରେ କ’ଣ ଲକ୍ଷଣ ଦେଖାଯାଇଥାଏ ଓ ଏଥିରୁ ବଞ୍ଚିବାର ତରିକା କ’ଣ ?
ବ୍ଲଡ ପ୍ରେସର ଲୋ ହେବାର ଲକ୍ଷଣ
– ମୁଣ୍ଡ ଘୁରାଇବା
– ଅନ୍ଧାର ଦେଖା ଯିବା
– ବାନ୍ତି ଭଳି ଲାଗିବା
– ବହୁତ ଥକାପଣ ଲାଗିବା
– ଧ୍ୟାନ ଲଗାଇବାରେ ଅସୁବିଧା ହେବା
– ହାତ-ଗୋଡ଼ ଥଣ୍ଡା ପଡିବା
– ଶ୍ୱାସ ନେବାରେ ଅସୁବିଧା ହେବା
– ଖାଇବାରେ ଅସୁବିଧା ହେବା
ବ୍ଲଡ ପ୍ରେସର ଲୋ ହେବାର ବିପଦ
ଯଦି ଆପଣଙ୍କ ବିପି ଅଧିକ ଲୋ ରହୁଛି,ତେବେ ଆପଣଙ୍କୁ ଅଧିକ ସତର୍କ ରହିବା ଦରକାର । ଏହାଦ୍ୱାରା ଶରୀରର ଅନ୍ୟ ଅଂଗରେ ରକ୍ତ ଠିକ ଭାବେ ପହଞ୍ଚି ପାରିନଥାଏ । ଏପରି ସ୍ଥିତିରେ ଷ୍ଟ୍ରୋକ, ହାର୍ଟ ଆଟାକ୍ ଓ କିଡନୀ ଫେଲୁଅର ଭଳି ବିପଦ ରହିଥାଏ । ବିପି କମ ହେଲେ ବେହୋଷ ହେବାର କାରଣ ହୋଇଥାଏ । ବ୍ରେନ ହାମରେଜ ଆଶଙ୍କା ବଢ଼ିଥାଏ ।
କେମିତି ରକ୍ଷା ପାଇବେ
୧. ଖାଦ୍ୟରେ ଲୁଣ ମାତ୍ରା ଠିକ ରଖନ୍ତୁ, ଫଳରେ ବିପି ଠିକ ରହିବ ।
୨. ଶରୀରକୁ ସର୍ବଦା ହାଇଡ୍ରେଟ ରଖନ୍ତୁ । ଦିନରେ ଅତି କମରେ ୮ ଗ୍ଲାସ ପାଣି ପିଅନ୍ତୁ ।
୩. ଆପଣଙ୍କୁ ହଠାତ୍ ତଳୁ ଉପରକୁ ଉଠିବା ଭଳି କାର୍ଯ୍ୟରୁ ବିରତ ହେବା ଦରକାର ।
୪. ସର୍ବଦା ଡାକ୍ତରଙ୍କ ପରାମର୍ଶରେ ଔଷଧ ଖାଆନ୍ତୁ । ଔଷଧ ରିଆକ୍ସନରେ ମଧ୍ୟ ବ୍ଲଡ ପ୍ରେସର ବଢ଼ିଥାଏ ।
୫. ଅଧିକ ମାନସିକ ବା ଶାରିରୀକ ପ୍ରେସରରୁ ଦୂରରେ ରୁହନ୍ତୁ ।
୬. ଅଧିକ ସିଗାରେଟ ଓ ମଦ ସେବନରୁ ବଂଚିତ ରୁହନ୍ତୁ ।
୭. ଖାଦ୍ୟରେ ସିଜିନାଲ ଫଳ ଓ ପରିବା ବଢ଼ାନ୍ତୁ ।
୮. ଅଧିକ କାର୍ବୋହାଇଡ୍ରେଟ ଖାଇବାରୁ ବଂଚିତ ରୁହନ୍ତୁ । ଖାଦ୍ୟରେ ପ୍ରୋଟିନ ମାତ୍ରା ବଢ଼ାନ୍ତୁ ।
ଭୁବନେଶ୍ୱର ପେଟ୍ରୋଲ ଦରରେ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ସେହିପରି ଦେଶ ଅନ୍ୟ କିଛି ସ୍ଥାନରେ ଦର ଖସି…
ସୁନା କିଣିବାକୁ ଯାଉଥିଲେ ନଜର ପକାନ୍ତୁ ଆଜି ଓଡ଼ିଶା ସମେତ ଦେଶର ପ୍ରମୁଖ ସହର ମାନଙ୍କରେ କେତେ ରହିଛି ସୁନା…
ଯାଜପୁର (କେନ୍ୟୁଜ): ହାଇୱାକୁ ପଛପଟୁ ଧକ୍କା ଦେଲା ବସ୍ । ଜଣେ ମୃତ, ୧୦ ଆହତ । ଯାଜପୁର ୧୬ନଂ…
ପୁରୀ (କେନ୍ୟୁଜ): ଆଜି ଶ୍ରୀକ୍ଷେତ୍ରରେ ଭଉଁରୀ ଯାତ୍ରା । ଶ୍ରୀକ୍ଷେତ୍ରରେ ସମ୍ପୂର୍ଣ୍ଣ ହେବ ତିନି ରଥର ଚକ ଅଖ ଡେରା…
ଭୁବନେଶ୍ୱର (କେନ୍ୟୁଜ): ପୁଣି କଲବଲ କଲାଣି ଗରମ ଓ ଗୁଳୁଗୁଳି । ବାୟୁମଣ୍ଡଳରେ ଆଦ୍ରତା ବୃଦ୍ଧି ପାଇଥିବାରୁ ଅଧିକ ଗୁଳୁଗୁଳି…
ଭୁବନେଶ୍ୱର (କେନ୍ୟୁଜ): ଓଡିଶାରେ ଚତୁର୍ଥ ତଥା ଶେଷ ପର୍ଯ୍ୟାୟ ପାଇଁ କ୍ୟାମ୍ପେନ ଘମାସାନ । ଆଜି ଓଡ଼ିଶାର ୩ଟି ସ୍ଥାନରେ…