କୁନି ଶିଶୁଟିଏ ଘରର ସମସ୍ତଙ୍କ ଜୀବନ ହୋଇଥାଏ। ସମସ୍ତେ ସବୁ ମୁହୂର୍ତ୍ତରେ ଛୁଆ ଉପରେ ନଜର ରଖିଥାନ୍ତି। ଖାସ୍ କରି ନୂଆ କରି ମାତାପିତା ହୋଇଥିବା ବ୍ୟକ୍ତି ବିଶେଷଙ୍କ ପାଇଁ ଏହି ସମୟଟି ଖୁବ୍ ଅଲଗା ହୋଇଥାଏ। କାରଣ ପ୍ରଥମ ଥର ପାଇଁ ସେମାନେ ଏଭଳି ଅନୁଭବ କରିଥା’ନ୍ତି। ତେବେ ପିଲାଟିଏ ଜନ୍ମ ହେବା ପରେ ମାତାପିତା ସିନା ଜାଣିଛନ୍ତି ଯେ ସେ ତାଙ୍କ ଛୁଆ ବୋଲି କିନ୍ତୁ ଛୁଆ କେତେବେଳେ ବାପା ମା’ଙ୍କୁ ଚିହ୍ନେ! ଏହି ପ୍ରଶ୍ନ ପ୍ରାୟ ସମସ୍ତଙ୍କ ମନରେ ଉଙ୍କି ମାରୁଥିବ। ଆଜି ଆସନ୍ତୁ ଜାଣିବା ସେ ବିଷୟରେ…
ଏକ ନବଜାତ ଶିଶୁ ନିଜ ମା’ ପାଖରେ ସବୁଠାରୁ ଅଧିକ ସୁରକ୍ଷିତ ଅନୁଭବ କରିଥାଏ। କାରଣ ସେ ଜନ୍ମ ପୂର୍ବରୁ ମା’ର କଣ୍ଠ ସ୍ୱର ଓ ବାସ୍ନା ସହ ପରିଚିତ ଥାଏ। ଏଣୁ ଅନ୍ୟ ପରିବାର ସଦସ୍ୟଙ୍କ ତୁଳନାରେ ସେ ପ୍ରଥମେ ମା’କୁ ଚିହ୍ନିଥାଏ। ୩ ମାସର ହେଲା ପରେ ଶିଶୁଟି ଚିହ୍ନିବା ଆରମ୍ଭ କରିଥାଏ। ସେ ଭିନ୍ନ ଭିନ୍ନ ଚେହେରା ଭିତରେ ଅନ୍ତର କରିବା ଶିଖିଥାଏ।
ବର୍ତ୍ତମାନ ପର୍ଯ୍ୟନ୍ତ ସେଭଳି କୌଣସି ରିସର୍ଚ୍ଚ ହୋଇନାହିଁ ଯେଉଁଥିରେ ପିଲା କେତେବେଳେ ବାପାଙ୍କୁ ଚିହ୍ନେ ସେ ବିଷୟରେ ଜଣାପଡ଼ିବ। କିନ୍ତୁ କୁହାଯାଏ ଯେ ପିଲା ମା’ ଗର୍ଭରେ ଥିବା ଅବସ୍ଥାରୁ ହିଁ ପିତାର ସ୍ୱର ଚିହ୍ନିପାରେ। ପିଲା ଜନ୍ମ ବେଳେ ସେମାନଙ୍କ ଦୃଷ୍ଟି ଶକ୍ତି ଧୂଆଁଳିଆ ରହିଥାଏ, ପ୍ରାୟ ୨ ସପ୍ତାହ ପରେ ସେ ମା’ବାପାଙ୍କ ମୁହଁ ଚିହ୍ନିବା ଆରମ୍ଭ କରିଥାଏ।
ଏନେଇ କୌଣସି ଠୋସ୍ ପ୍ରମାଣ ନାହିଁ ଯେ ଶିଶୁ ପରିବାର ସଦସ୍ୟଙ୍କୁ କେବେ ଚିହ୍ନେ। ତେବେ କେତେକ ରିସର୍ଚ୍ଚ ମୁତାବକ ପିଲା ପ୍ରଥମେ ମା’କୁ ଚିହ୍ନିଥାଏ। ସେହିପରି କିଛି ମାସ ଓ କିଛି ବର୍ଷ ପରେ ଶିଶୁ ପରିବାରର ଅନ୍ୟ ସଦସ୍ୟଙ୍କୁ ଚିହ୍ନିବା ଆରମ୍ଭ କରିଥାଏ।
ତେବେ କୌଣସି ସ୍ଥାନ ତୁଳନାରେ ଶିଶୁ ପ୍ରଥମେ ବ୍ୟକ୍ତିଙ୍କ ମୁହଁ ଚିହ୍ନିଥାଏ। ସେ ସ୍ୱର, ଚେହେରା, କଥା କହିବା ଶୈଳୀ ଦେଖି ନିଜ ପରିବାର ଲୋକଙ୍କୁ ଚିହ୍ନିଥାଏ। ୩-୪ ମାସ ପର୍ଯ୍ୟନ୍ତ ଏକ ଶିଶୁ ନିଜ ମାତା ପିତାଙ୍କୁ ଚିହ୍ନିବାକୁ ଲାଗେ। ଧୀରେ ଧୀରେ ବଡ଼ ହେବା ପରେ ସେ ସମସ୍ତଙ୍କ ମୁହଁ ମନେ ରଖେ ଓ ଚିହ୍ନିଥାଏ।
ମୟୁରଭଞ୍ଜ : ଜମି ଜମା ବିବାଦକୁ ନେଇ କରୁଣ ପରିଣିତି । ସାନ ଭାଇକୁ ଖଣ୍ଡାରେ ହାଣିଲା ବଡ଼ ଭାଇ…
ବିହାରରେ ବଡ଼ ଧରଣର ନୌକା ଦୁର୍ଘଟଣା । ପାଟନାର ବାଢ଼ରେ ଉମାନାଥ ଘାଟରେ ଏକ ଯାତ୍ରୀବାହୀ ଡଙ୍ଗା ଗଙ୍ଗା ନଦୀରେ…
କାମାକ୍ଷାନଗର : ହାତୀ ଆକ୍ରମଣରେ ମହିଳା ଗୁରୁତର । ଗୁରୁତର ମହିଳା ହେଲେ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ମୁକ୍ତାପଶି ଗ୍ରାମର…
ବୌଦ୍ଧ ହରଭଙ୍ଗା : ବୌଦ୍ଧ ଅବକାରୀ ବିଭାଗର ଜିଲ୍ଲା ମୋବାଇଲ୍ ୟୁନିଟ୍ ପକ୍ଷରୁ ମହାନଦୀ ୫୭ ନମ୍ବର ଜାତୀୟ ରାଜପଥର…
ବୌଦ୍ଧ/ହରଭଂଗା : ବିଳମ୍ବିତ ରାତ୍ରରେ ବୌଦ୍ଧ ଥାନା ଅନ୍ତର୍ଗତ ମଥୁରା ଗ୍ରାମରେ ଭୟାବହ ଅଗ୍ନିକାଣ୍ଡ ଘଟିଛି । ନିଆଁରେ ଗୋଟିଏ…
ଆମେରିକାରେ ପୁଣି ଫୁଟିଲା ଗୁଳି । ମିଶିଗନର ସବୁଠୁ ବଡ଼ ସହର ଡେଟ୍ରୋଇଟ୍ ନିକଟରେ ଥିବା ଏକ ୱାଟର ପାର୍କରେ…